II. Samuela 7:24 - Iaai Bible 1901 (New Caledonia)

²⁴ Ke u je ohmâ em hnyei a at Isaraela hobi köu, hnân em hnyei nyiele balua; ke haba u Iehova, u je bi Khongudrin.

II. Samuela 7:24 ပူးပေါင်းရင်းမြစ်များ

Genese 17:7

Ke oge me he ka ohmâ anyik ûhihinyköu möu me ta je mâtrânâm hwabâm hnyi anyidra ta je dö hnân ûhihinyköu ae ca ba balua, me oge me he ka Khongom me ta je mâtrânâm hwabâm.

Genese 17:8

Me oge me he ka ham köu, me ta je mâtrânâm hwabâm, hnyei u me laba kanyua hnyin, a hnyei Kanana hia, hnân gam nyiele balua; ke oge me he ka Khongudrin.

II. Samuela 7:23

Ke ewa ke hnyei eang hmeledrany ae ûcû me em hnyei, a Isaraela, wale ame he Khong ka omelö kân bi hnân iny, me otilâ ien bi, me ânyâ hobi köbun je ûnyi ae gan me hnân outen hobi kâu em hnyei, hnyi hnyimakan lakem, waleji u je omelö köu bi ûheny Aigupito, ûnyi ge ta je hnyei me je khongudrin!

II. Samuela 7:25

Ke walang ang, Iehova Khong lö, otilâ hmâ ju hofuc u je ha hobi kâu athnyabaem, me anyin lap nyiele balua, me ânyâ helâ me hnâm hna ha.

I. Man Ûlabainy Je Than. 17:22

Anyin a u je wia lakem a Isaraela me me em hnyei nyiele balua; ke u thibi, Iehova, u je bi Khong ködrin.

Salamo 48:14

Anyin a haba Khong ang me Khonguta nyiele nyiele balua: E ame he ka su ota ke ne o but hnyi mok.

Esodo 15:2

Ja, a tang hwegiök me anyik khumöng, Ke e thibi ûhömelik: Wale thibi e Khonguk, ke oge me he ka haisoâ; Khongu cica, kʼ oge me he ka ogöranyâ.

Esodo 6:7

kʼ oge me he ka hum öbun me me lakeik, kʼ oge me he ka Khongubun: kʼ ame he ka khanʼ öbun a inya Iehova Khongubun, at ame hum öbun ûnyi hnyi hmelen ta je hok anyin at Aigupito.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Jeremia 31:1

HAINGÖ Iehova, ka habe, hnyi ûen eling, oge me he ka Khongon je lap hia anyin at Isaraela, ke adre me he ka lakeik.

Jeremia 31:33

Ke walang ûhihinyköu oge me he ka ânyâ me lap anyi Isaraela, hwaban je bong eling, haingö Iehova; oge me he ka ip anyik hnanyibu eû hnyidra, me sihnalimen e hnyi je hnyekudra; ke oge me he ka Khongudrin, ke adre me he ka lakeik;

Jeremia 32:38

ke adre me he ka lakeik, ke oge me he ka Khongudrin:

Hosea 1:10

Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Ioane 1:12

Ke haba tavat adre me kap e, wale hnyat adre me labageju ka hnyi ien, me e ame ham kodra man, me adre me lakon dut Khong:

Deuteronomi 26:18

ke a hia but Iehova ha muâ hnyi bong ang a u hnyei ae ke bongon bi kâu, helâ me hnen hna ha bânâ köu, me u me he ka tuö hnen je hna hûna hia;

Deuteronomi 27:9

Ke haba Mose me tavat bihut a at Levi ödrin e ha ka at Isaraela hia, ka habe At Isaraela lö, ca mede bi, ke löng ju, haba hnyi bong ang me u hnyei i Iehova Khongom.

Deuteronomi 32:6

Hawa, öbun e bi hwaban kö Iehova helâe, Hnyei ae monu, ke ba metâ? Hawa, ca kâmâm bi at ame ûcû u? E ame up u, me otilö u.

I. Peteru 2:10

waleji a ca aten dokhu ehac, ke aten bi dokhu dokhon Khong walang ang: waleji a tavat adre ca betenge gadra, ke adre betenge bi gadra walang ang.