Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




II. Samuela 7:23 - Iaai Bible 1901 (New Caledonia)

23 Ke ewa ke hnyei eang hmeledrany ae ûcû me em hnyei, a Isaraela, wale ame he Khong ka omelö kân bi hnân iny, me otilâ ien bi, me ânyâ hobi köbun je ûnyi ae gan me hnân outen hobi kâu em hnyei, hnyi hnyimakan lakem, waleji u je omelö köu bi ûheny Aigupito, ûnyi ge ta je hnyei me je khongudrin!

အခန်းကိုကြည့်ပါ။ ကော်ပီ




II. Samuela 7:23
36 ပူးပေါင်းရင်းမြစ်များ  

Ke u je ohmâ em hnyei a at Isaraela hobi köu, hnân em hnyei nyiele balua; ke haba u Iehova, u je bi Khongudrin.


Ke ewa ke hnyei eang hmeledrany ae ûcû me em hnyei wale a Isaraela, waleji a he but Khong he ka omelö kâu bi me hnân lakeiny, me he ka hu iâm, ge je ûnyi ae gan, me hnân outen, ge hna obâ je hnyei hnyi hnyimakan lakem, waleji u je omelö ûheny Aigupito?


Ke walang ang lathnyabaem me lakem, waleji u je omelö ge manâm man ae gan, me hnyamâm ae hwege.


Wale ta je ûnyi hnân lâiâ hnyi hnyei i Hama, Me ta je ûnyi hnân outen hnyi köiö ae Dra.


E ame hia but kunâ ûhomeli ka lakeiny; E ame hia but hûna anyin ûhihinyköu ke ne o but nyiele balua: E kap me hnân okabâ ien.


Ke ame he tavat ka ha ge man maniny ânyâm ta je huliwa hnân outen; Ke oge me he ka haimemenâ ûgânâm.


E ame ca ânyâ helâe ka ke hnyei: Ke haba hnen je hna owisa, me ca manen bi kodra. Oganö Ja thʼ öbun.


Iehova Khonguk lö, e se hia ânyâm ta je huliwa hnân lâiâ u je ânyâ, Me hnâm ta je hna ûnykûme kohmun: Ca hnân he ka ha gaga köu; Oge ne beomanenâ me ha, Me ti se hia hmönvin a ca hnân bi aû.


Anyin a adre me ca hu hnyei hnen bi anyidra ta je hele vat, Ke adre me ca möt hnen je hing hnyamödra bi: Ke so bi hnen hnyamâm, me benyâm, me melaminy hnyimâkâm, Anyin a u me betenge baû gadra.


Khong lö, at ame omeli ohmun, U me he ka thu kohmun ge ta je ûnyi hnân outen hnyi hwakecin ae wisa. U thibi at adre me labageju kâu ke ne o but hnyi je can hmeledrany, Me hnyi köiö hnyi dok ae sâkâû:


Ha thö ka Khong, ka habe, Hnân öbu-buny ge hnâm je hna ânyâ! Ûnyi hnyi ûganiny tang hwegiâm ame he je iwahnaihmiony möu ka nom ju köu.


Anyin oge me he ka vheno hnyei Aigupito hnyi lit eling, me kot ta je atö hia hnyi hnyei Aigupito, wale at me omeno; ke oge me he ka bi hwaban ta je khong, hia hnyi Aigupito: inya Iehova.


Kʼ ame he ka kâmâu ka manen a u me betenge gak, walönya me lakem ang? Hawa, ca hnyi ûnyi ang a ötin e tha he, me ohmun e he ka ve bongon ràe ta je hnyei hia eang hmelen, a inya me lakem?


kʼ oge me he ka hum öbun me me lakeik, kʼ oge me he ka Khongubun: kʼ ame he ka khanʼ öbun a inya Iehova Khongubun, at ame hum öbun ûnyi hnyi hmelen ta je hok anyin at Aigupito.


Anyin a oge ne hia but inâ hnyamok, me kuc u me lakem ge mok ae cap, me adre hia but ohiö u ûnyi hnyi hmeledrany:


ke so bi e hnathu oge hia but otilö u, hnân he ka omanenâ köu manik man, me me lung iök hnyi hmeledrany hia.


at ame ip je haten me je ûnyi hnân lâiâ hnyi hnyei Aigupito, ke ne o but hnyi bong ang, hnyi wanben at Isaraela me ke je tavat; me bi iâm, helâ me hnyi bong ang;


ke u je hom lakem a Isaraela ûnyi hnyi hnyei Aigupito ge je haten, me je ûnyi hnân lâiâ, me hnyam ae hwege, me beny adre hai, me ûnyi hnân ot ae gan hmâ;


Ke so bi oge me huliwa ûnyi hnyi iök, me me ca kong bi hnyi hnyimakan je hnyei waleji adre me laba hnyin, ke oge me omanenö nya bi kodra hnyi hnyimakodra, hnyi hnok hna hum ödra ûnyi hnyi hnyei Aigupito.


Ke adre me he ka ip iök hon lakon Isaraela helâe; ke oge me he ka ohnahici ödra bi.


hnân ogânâ hmanenanginy anyin ibetengiö baû, waleji a betenge baû köta ûnyi ge Oûnykûminy:


E thibi at u me he ka ogânâ, ke e thibi Khongom, at ame ânyâ ta je ûnyi ae gan me hnân outen hobi köu, waleji ame wâ li emakâm.


Ke u me he ka ûnykûme a gʼ adre thaluö u hnyi hnyei Aigupito, ke Iehova Khongom ame omeli u; anyin a wale, inya oge me hûna köu hofuc e hnyi bong ang.


Isaraela lö, u hnahic; Ewa at ae tha ûcû möu, a hnyei Iehova ame omelö; E beciny ûhadruo u, Ke wale hele vatiny ânyâm so! Kʼ ame he je iwahnaihmiony möu ka nom ju köu; Ke u me he ka uto anyidra je dok ae görany.


Me oge me hic kö Iehova me ha, ka habe, Than Iehova lö, u me ca he ka ohia lakem me hwajekhom, waleji u je omelö ge manâm man, me hom ûheny Aigupito ge hnyam ae hwege,


waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.


Anyin ame he at Kanana ka long, me ödrin hia tavat adre me labā hnyei, mʼ adre me he ka igigili öhmun me subâ degecâ iöhmun ûnyi eang hmelen: ke ieû u me he ka ânyâ hobi kâu iâm ae gan?


Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:


Ke adre me khumöngö khumöng a teb ûnyi, ka habe, U thibi a u ûcû he ka hom tusi, me khong je hna ohmâ haten: anyin adre hlingö u, ke u je ûco hobi kâu Khong ge drâm tavat ûnyi hnyi ta je tribu hia thithö, me je hwen hnyei, me je hnyei me tavat,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ