II. Samuela 7:21 - Iaai Bible 1901 (New Caledonia)

²¹ Ûnyi hnyi hwâm hofuc, ke helâ mo hnyekom, u je hia but ânyâ ta je ûnyi hia ae gan eling, he ka owâhmakhmeto athnyabaem.

II. Samuela 7:21 ပူးပေါင်းရင်းမြစ်များ

I. Man Ûlabainy Je Than. 17:19

Iehova lö, ûnyi ge athnyabaem, me hoton weny hnyekom, u je hia but ânyâ ta je ûnyi hia eling ae gan, he ka omanenâ ta je ûnyi hia eling ae gan.

Salamo 115:1

IEHOVA lö, ca köhmun bi, ca kohmun bi, E so bi he ka hna hna olungâ ka iâm, Ûnyi hnyi ânyâm betenge me ânyâm hnathu.

Salamo 138:2

Oge me he ka khudrung ka hnyi umâm uma ae kap, Me oleâ iâm can ânyâm ibetengiö, me ânyâm hnathu: Anyin a u je hia but ogânâ hwâm hofuc hon iâm hia.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Mataio 11:26

eke, Cica lö, anyin ae ûcû e hnyi hnyimâkâm.

Mataio 24:35

Ame he ka hia drany me hmeledrany, kʼ ame ca he bi ka hia hok ta je hofuc.

Luka 1:72

He ka ânyâ betenge ka lakamöta, Me ûnykûme anyin ûhihinyköu ae kap;

Luka 10:21

Haba hnyi ûen eling e ame senyin hnyi Hanu Kap me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ ke tavat wâ bongon, me adre omanenâ ka ta je mendreng: eke, Cica, anyin a wale wem.

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

I. Korinito 1:1

INYA Paulo, at adre hawâ hnen weny Khong hnân aposetolo anyi Iesu Keriso, me Sosethene a liamekeiny möta,

Efeso 1:9

ke e ame omanenâ köta ûnyi ae iyong hnyi weny, hoton weny ae so, waleji e ame bân ka ûnykûme ûnyi gan

Efeso 3:11

hoton hnen hna ûnykûme bânâ, kâû adrem balua, he ka ânyâ ûnyi ge Keriso Iesu a Tuhöta:

Efeso 4:32

ke so öbun e ibe-tengiököu, ke ûhnyokköu, ke ûhnasoâköu, helâ me hnen Khong hna hna soi öbun ge Keriso.

Deuteronomi 9:5

Ca ûnyi: ge hwakecâm ae wisa, me wisainy hnyekom, wale me u me he me hûgûnâ idra hnyei: ke so bi can hwakecin ae kong anyin tavat eling Iehova Khongom ame obʼ ödra hnyi hnyimâkâm, me me hwâdâ hofuc waleji a khemanyin Iehova ka lakâmâm, a Aberahama, me Isaaka, me Jekob.