II. Samuela 7:18 - Iaai Bible 1901 (New Caledonia)

¹⁸ Haba Davita than ame didro me laba ju hnyi hnyimakö Iehova; me haingen, ka habe, Iny ia Than Iehova, ke ieû anyik lap mʼ u je hum nya ke ne o but walang ang?

II. Samuela 7:18 ပူးပေါင်းရင်းမြစ်များ

Genese 32:10

e ca ûcû nya at ae ûhnyûkong hnyi je ibetengiö hia, me hnathu hia, waleji u je omanenâ ka athnyabaem; anyin oge hanyâûâ Joridano eang me anyik uci; ke walang ang lo but anyik li bunyen.

Genese 32:11

Ö u, omeli nya ûnyi hnyi hnyamen tuhök Esau: anyin oge me outen e, wâ e nye o but ka kuc nya, tha inya me ta momo me lakudrin.

II. Samuela 23:5

Ke ca helâling anyik lap me Khong; Ke so bi e ame ânyâ mönya ûhihinyköu ame ca ba balua, Adre penapena ta je ûnyi hia thithö hnyin, ke hwege: Anyin a melik hia, me wek hia, Ke so bi e ame tiga ca okûâ e.

II. Samuela 7:17

Helâ me ta je ûnyi hia eling me ta je hna omanenâ hia eling a ha Nathana kö Davita.

I. Man Ûlabainy Je Than. 17:16

Haba Davita than ame didro, me laba ju hnyi hnyimakö Iehova me ha, ka habe, Iny ia, Iehova Khong, ke ieû ge anyik lap wale u je hum nya ke ne o but hnyi bong ang?

I. Man Ûlabainy Je Than. 29:14

Ke iny ia, ke ia lakeik me me khanʼ ohmun he ka labö ham me wehmun helâng? anyin a ûnyi gam ta je ûnyi hia, ke ohmun e ham köu ta je ûnyi a ânyâm.

Salamo 8:4

Ehö at bi, mʼ u me ke ka ûnykûme gan? Me nokon at, mʼ u me he ka senâ?

Esodo 3:11

Ke haba Mose ame ha ka Khong, ka habe, Iny ia, mʼ oge me he ka he kö Farao me he ka hom lakon Isaraela ûnyi hnyi Aigupito.

Isaia 37:14

Ke haba Hezekia ame kap tusi ûnyi hnyi hnyamen je ûthumetu me ame aû: me Hezekia ame he ka hnyi uma umo Iehova, me e ame ulolo e hnyi hnyimakö Iehova.

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Owisa 6:15

Ke e ame ha kâu, ka habe, Tuhok lö, oge me he ka omelö at Isaraela hnen ieû? wâ bi, haba anyik lap wale ae ûnyi baû hmönyin hnyi Manase, ke iny ûhnyûkong hmönyin hnyi hnyaba cica.

Rutha 2:10

Me e ame ta ju me nom hnyikânâi, me ha kâu, ka habe, Anyin a ieû u me betenge gak, me ûnykûme, kônya, ke iny atkanyua bi?

I. Samuela 15:17

Haba Samuela ame ha, ka habe, Eja ke ne u je ne at ae ûhnyûkong ehac, hawa, adre ca hum u hnân homakan je tribu Isaraela? Me Iehova ame hû u mʼ u me thaniny at Isaraela;

I. Samuela 18:18

Ke haingö Davita kö Saulo, ka habe, Iny ia? ke ieû soik, me lap anyi cica hnyi Isaraela, me inye he ka ûngon than?

I. Samuela 9:21

Me Saulo ame thu, ka habe, Hawa, ca at Beniamina bi nya, wale ae ûhnyûkong hnyi je tribu hia anyin at Isaraela? ke ûhnyûkong hmonyin anyik lap hnyi je lap hia hnyi tribu Beniamina? ieû gam u me ha helâe könya?