II. Samuela 7:16 - Iaai Bible 1901 (New Caledonia)

¹⁶ Ke adre me he ka otilâ hmâ ânyâm lap me dokhom dökhu hnyi hnyimâkâm nyiele balua: adre me he ka ohmâ ânyâm theron nyiele balua.

II. Samuela 7:16 ပူးပေါင်းရင်းမြစ်များ

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

II. Samuela 22:51

E ame omelö gan hmâ hnân hobi kâu than a ûnyi gan: Me omanenâ ibetengiö ka at e ame hû, Kö Davita me je mâtrâniny nyiele balua.

II. Samuela 7:13

Me e ame he ka otilâ uma hobi kâu iök, me oge me he bi nya ka ohmâ theroniny dokhon dökhu nyiele balua.

II. Samuela 7:17

Helâ me ta je ûnyi hia eling me ta je hna omanenâ hia eling a ha Nathana kö Davita.

I. Je Than 2:4

me me he Iehova ka ohmâ hwan hofuc, waleji e ame ha gak, ka habe, Ame ne he lakom ka tuö dedrin je gethen he ka he hnyi hnyimakök hnyi hnathu ge hnyekudrin ae bekhot me hanu ae bekhot, (haingen,) ame ca he ka ba hwabâm hon theron hnyi Isaraela.

I. Je Than 9:5

me oge me he ka ohmâ theroniny dokhom dökhu hon Isaraela nyiele balua; helâ me hnok hna ha bânâ kö Davita a kâmâm, ka habe, Ame ca he ka ba hwabâm hon theroni Isaraela.

II. Je Than 19:34

Anyin oge me he ka Bong taun ang he ka omelö e, gak bi, me ga Davita athnyabaik.

II. Je Than 8:19

Ke so bi e ca we Iehova bi he ka ohia Juda, ga Davita athnyabainy, helâ me hna ha bânâ kâu he ka ham lamepa kâu, hobi kâu bala lakon.

II. Man Ûlabainy Je Than. 6:16

Anyin a wale, Iehova lö, Khongu Isaraela, tuö thö hobi kâu athnyabaem a cica Davita waleji u je ha bânâ kâu, ka habe, Ame ca he ka ba hwabâm hnyi hnyimakök, he ka tabâ theron hnyi Isaraela; ame ne he thibi lakom ka tuö dedrin je gethen, he ka vheno anyik hnanyibu helâ me hnâm hna hia but vheno hnyi hnyimakök.

Jobu 36:7

E ame ca ikhâlâ li emakan ge at ae wisa: Ke haba je than hon theron Me e ame otilʼ ödra hmâ bala, mʼ adre me gorany dö.

Salamo 45:6

Khong lö, e bi ânyâm theron nyiele balua: Uci ae wisa uciny dokhom dokhu.

Salamo 72:5

Adre me he ka outö u ke tiga e bi seûno, Ke tiga e bi tehi, ke ne o but hnyi ta je dö hia.

Salamo 89:4

Oge me he ka otethmâ je mâtrânâm nyiele balua, Me otilâ ânyâm theron ke ne o but hnyi ta je dö hia. [Sela.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Jeremia 17:25

awe, ame he ka labö didro hnyi je homagouleny taun ang je than me je taben, tavat adre me tabâ theron anyi Davita, adre me tabâ je kariota me je hors, ödrin, me je taben, aten Juda, me aten Jerusalema: ke ame he ka tethmâ taun ang nyiele balua.

Jeremia 33:17

Anyin a walang hna ha hnö Iehova, ka habe, Ame ca he ka ba hwabö Davita at ame he ka tabâ theroniny lap anyi Isaraela:

Ezekiela 37:25

Me adre me he ka labâ hnyei waleji oge me ham kö Jekob athnyabaik, waleji a labâ ge lakamöbun; kʼ adre me he ka labâ e, ödra, me lakudra, me laöbidra nyiele balua: kʼ ame he Davita athnyabaik ka tuhödra nyiele balua.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Daniela 7:14

Ke adre me ham kâu musi, ke hmanenang, ke dokhu, me me he tavat hia, ke ta je hnyei, ke je ve hwen hnyei ka bi athnyabainy: ke haba anyin musi, me musi ae tethmâ, kʼ ame ca he ka hia; ke haba dokhon dokhu, me adre me ca he bi ka ohia.

Mataio 16:18

Ke inya oge me ha köu, ka habe, U Peteru, ke hnyi hon veto ang, oge me he ka otilâ anyik ekalesia; ke ame ca he ka hwege ta je homagouleny hedis hon e.

Ioane 12:34

Haba tavat ae se hia adre me thu kâu, ka habe, Ohmun e long ut ûnyi hnyi hnanyibu a gʼ ame he ka tethmâ Keriso nyiele balua: ieû gam u me ha a ga ûcû he ka ogöranyâ Nokon at? ia Nokon at eling?

Heberu 1:8

ke e ame hâiâ Nokon, ka habe, Haba ânyâm theron, Khong lö, me nyiele nyiele balua; Ke haba uciny hwakecin ae hnathu, me wale thibi e uciny dokhom dokhu.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

I. Samuela 25:28

Ö u hna but monu anyin athnyabaem: anyin ame he Iehova ka ânyâ hobi kâû tuhok lap ae tethmâ, anyin ame vâtâ tuhok je vat anyi Iehova; ke adre me ca he ka wâ hulö unyâm hnyi ânyâm je bong hia.