II. Samuela 7:15 - Iaai Bible 1901 (New Caledonia)

¹⁵ kʼ ame ca he ka hia anyik ibetengiö unyin bi, helâji me hnok hna hûgûnâ e ûnyi ga Saulo, wale oge me ohia hnyi hnyimâkâm,

II. Samuela 7:15 ပူးပေါင်းရင်းမြစ်များ

II. Samuela 7:14

Oge me be ka kamen bi, ke e ame he ka nökuk: kʼ ame ne ânyâ hulö, me oge me he ka kot ge osö hnân kot at, a unyi adre kot kâu lakon at;

II. Samuela 7:16

Ke adre me he ka otilâ hmâ ânyâm lap me dokhom dökhu hnyi hnyimâkâm nyiele balua: adre me he ka ohmâ ânyâm theron nyiele balua.

I. Je Than 11:13

Ke oge me ca he ka hûgûnâ hia dökhu; ke oge me he ka ham khaca tribu ka nokom, ga Davita athnyabaik, me Jerusalema waleji oge me ûca.

Salamo 89:28

Oge me he bala ka tuö anyik ibetengiö hobi kâu e, Kʼame he ka tethmâ anyik ûhihinyköu unyin.

Salamo 89:31

Adre me ne hanyâûâ hnok je hna otilâ, Me ca tuö anyik ta je hnanyibu;

Salamo 89:33

Ke so bi, oge me ca he ka hom anyik betenge hia ûnyi gan, Me ohaûâ anyik hnathu.

Salamo 89:34

Oge me ca he ka oûnyibaûâ anyik ûhihinyköu, Ke oge me ca he ka wia hofuc ame he but ûnyi hnyi li esongodik.

Salamo 89:49

Than lö, ewa ânyâm tang betenge ehac, Waleji u je khemanyin kö Davita hnyi ânyâm hnathu?

Isaia 37:35

Anyin a oge me he ka tuö taun ang me omelo e gak bi, me ga Davita athnyabaik.

Isaia 55:3

Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

I. Samuela 15:23

Anyin a haba hanyâûâ, me helâ me ûkongon bi khong, ke haba ûjöng, me helâ me ûkongon hmi ka hnatheat, me je idola. Anyin a u je hia but hna degecâ hofuc ho Iehova, awe, e ame hia but hna degeci u, me u me ca than dut.

I. Samuela 15:26

Haingö Samuela kö Saulo, ka habe, Oge me ca he ka tha hmetu mou: anyin a u je hia but hna degecâ hofuc ho Iehova, ke Iehova ame digic u, me u me ca he ka than ka at Isaraela.

I. Samuela 15:28

Ke haba Samuela ame ha kâu, ka habe, Iehova ane hia but kia dökhu Isaraela hnyi bong ang ûnyi gam, me ham e ka ke at ame laba hakekenyi u, ae so hom.

I. Samuela 16:14

Me ame hia but he digic Saulo hnen hanu Iehova, me ame ohmakâ e hnen hanu ae kong ûnyi ga Iehova.

I. Samuela 19:24

Ke e ame uny jut je ûkhaûen, ke e ame hnyi perofeta minya hnyi hnyimakö Samuela, me mokut ke ba ûkhaû hnyi bong hia eling me lit hia. Anyin a wale adre me ha, ka habe, Hawa, tha Saulo minya but me je perofeta?