II. Samuela 7:12 - Iaai Bible 1901 (New Caledonia)

¹² Ke e ka bekhöt ut bongom ta je bong, ke u ka mokut ut unyin lakâmâm, me oge me he ka otilâ mâtrânâm hwabâm, wale at a hing nokom bi, ke oge me he bi nya ka ohmâ dokhon dökhu.

II. Samuela 7:12 ပူးပေါင်းရင်းမြစ်များ

Genese 15:4

Ke wâ bi, ame o thö hofuc ho Iehova kâu, ka habe, ame ca he ka hwabâm at eling; ke so bi ame he ka hwabâm hing nokom.

II. Samuela 22:51

E ame omelö gan hmâ hnân hobi kâu than a ûnyi gan: Me omanenâ ibetengiö ka at e ame hû, Kö Davita me je mâtrâniny nyiele balua.

I. Je Than 1:21

Ke a ne ba, adre me he ka hai kongu nya me Solomona a nokuk, u ka tha mokut ut me je lakâmâm.

I. Je Than 1:48

Ke ame ha minya than, ka habe, Ole kö Iehova Khongu Isaraela at ame ham hnyi bong ang at he ka tabâ anyik theron, ke inya oge me wâ.

I. Je Than 2:1

KE hakekeny dut ûen ame he but Davita ka mokcu; me e ame hûna kö Solomona a nokon, ka habe,

I. Je Than 2:10

Ke Davita ame tha mokut me lakamen, me adre me konâm e hnyi taun anyi Davita.

I. Je Than 2:4

me me he Iehova ka ohmâ hwan hofuc, waleji e ame ha gak, ka habe, Ame ne he lakom ka tuö dedrin je gethen he ka he hnyi hnyimakök hnyi hnathu ge hnyekudrin ae bekhot me hanu ae bekhot, (haingen,) ame ca he ka ba hwabâm hon theron hnyi Isaraela.

I. Je Than 5:5

Ke wâ bi, oge me ûnykûme bi nya he ka bi uma hobi kâu iö Iehova Khonguk, helâ me Iehova ame ha kö cica Davita, ka habe, Haba nokom oge me he ka bi uma hobi kâu iök.

I. Je Than 8:15

Ke haingen, ka habe, Ole kö Iehova, Khongu Isaraela, at ame ha ge hnyimen kö cica Davita, me ohwâdâ ge hnyamen, ka habe,

I. Je Than 8:19

ke so bi u me ca he ka op uma; ke haba nokom ame he ka o gam, me hamen bi he ka op uma hobi kâu iök.

I. Je Than 8:20

Ke Iehova ame ohwâdâ hwân hofuc e ame ha; anyin a oge me o but hwabö cica Davita, me tabâ theron anyi Isaraela, helâ me hofuc ho Iehova waleji e ame ha bânâ, me oge me hia but op uma hobi kâu iö Iehova Khongu Isaraela.

I. Je Than 9:5

me oge me he ka ohmâ theroniny dokhom dökhu hon Isaraela nyiele balua; helâ me hnok hna ha bânâ kö Davita a kâmâm, ka habe, Ame ca he ka ba hwabâm hon theroni Isaraela.

II. Je Than 8:19

Ke so bi e ca we Iehova bi he ka ohia Juda, ga Davita athnyabainy, helâ me hna ha bânâ kâu he ka ham lamepa kâu, hobi kâu bala lakon.

I. Man Ûlabainy Je Than. 17:11

Ke e ka bekhot ut bongom ta je bong me u me he ka he but ka tha e me lakâmâm, me oge me he bi nya ka otilâ mâtrânâm hwabâm ûnyi hnyi lakom; ke oge me he ka otethmâ dokhon dökhu.

II. Man Ûlabainy Je Than. 1:9

Ke walang, Iehova Khong lö, ö u ohmâ ju hwâm hofuc kö cica Davita: anyin a u je otilö nya he ka than hon tavat ae se helâ me sesâiny hmeledrany ûseidrin.

II. Man Ûlabainy Je Than. 13:5

hawa, adre ca omanenâ köbun a haba Jehova Khongu Isaraela ame ham dökhuiny Isaraela kö Davita nyiele balua, kâu me je mâtrâniny ge ûhi-hinyköuiny sâlt?

II. Man Ûlabainy Je Than. 21:7

Ke so bi e ca we Iehova bi he ka ohia lap anyi Davita, can ûhihinyköu waleji e ame ânyâ me Davita, me helâ me hnen hna ha bânâ he ka ham lamepa kâu me je mâtrâniny nyiele balua.

II. Man Ûlabainy Je Than. 23:3

Ke haba ûkhacaköu hia ödrin e ûhihinyköu me than hnyi uma umen Khong. Me e ame ha ködrin, ka habe, Wâ bi, ame he nokon than ka musi helâji me hnö Iehova hna ha ge laku Davita.

II. Man Ûlabainy Je Than. 6:15

at ame tuö hobi kâu athnyabaem a cica Davita waleji ge hnâm hna ha bânâ kâu: eke, u je fuc ge hnyimâm, me ohwâdâ ge hnyamâm, helâ me hnyi bong ang.

II. Man Ûlabainy Je Than. 6:9

ke so bi, u me ca he ka op uma, ke hamen nokom bi at ame he ka o ûnyi gam, e bi ame he ka op uma hobi kâu iök.

Salamo 89:29

Ke oge me he ka otethmâ je mâtrâniny nyiele balua, Me anyin theron helâ me ta je bong hnyi drany.

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Jeremia 33:17

Anyin a walang hna ha hnö Iehova, ka habe, Ame ca he ka ba hwabö Davita at ame he ka tabâ theroniny lap anyi Isaraela:

Daniela 12:2

Ke se hia tavat adre me mokut eû hnyi kânâ adre me he ka hmak hmetu, keihen ka hnyi möt nyiele balua, ke keihen ka hnyi hmehma me ikikiâ nyiele balua.

Mataio 1:1

TUSI hnân aû je dö anyi Iesu Keriso, mâtrâni Davita, mâtrâni Aberahama.

Luka 1:32

E ame he ka gan, ke adre me he ka hwenyi ien e Nokon At ae Beönua: ke ame he Than a Khong ka ham kâu theron anyi Davita a kamen:

Luka 24:27

Ke e ame hwân ga Mose me ta je perofeta hia, he ka omanenâ ködru ta je hna sihnalimen hia gan.

Ta je huliwa 13:36

Haba Davita ame ânyâ weny Khong hnyi anyin dö, me ame mokut bi, kʼ adre me ip e unyin lakamen, ke ame wâ hna bobot:

Ta je huliwa 2:30

Anyin a e perofeta, ke e ame wâhmakhmeto a ga hia but Khong khemanyin kâu a e ame he ka ip ke at hon anyin theron ûnyi hnyi mâtrâniny;

I. Korinito 15:51

Wâ bi, inya oge me ha köbun ûnyi ae iyong, ka habe, ate me ca he hia ka mokut, ke adre me he ka wiʼ öta,

Deuteronomi 31:16

Ke haba Iehova ame ha kö Mose, ka habe, Wâ bi u me he ka mokut unyin lakâmâm; kʼ ame he tavat ang ka köûö me bi ûnyi monu me ke je khongon hnyei adre me he ka hnyin he ka tha laba mödra, kʼ adre me he ka hna degeci nya, me oûnyibâûâ hnok hna ûhihinyköu mödra.

I. Thesalonika 4:14

Anyin ate ne ûnykûme a ga mokcu Iesu kʼ ame möt hmetu thö, awe, helâe minya ame he Khong ka tha hom më tavat adre me mokut ut unyi Iesu.