II. Samuela 7:11 - Iaai Bible 1901 (New Caledonia)

¹¹ me helâji me ûen oge hwân ka kunâ hnyat owisa he ka musi ka lakeik a at Isaraela; ke oge me he ka omeno u ûnyi ge ta je iwahnaihmiony möu hia thithö. Ke haba khaca, Iehova ame thumetu u a gʼ ame he Iehova ka otilâ ânyâm lap.

II. Samuela 7:11 ပူးပေါင်းရင်းမြစ်များ

II. Samuela 7:1

KE ame laba than hnyi umen uma, ke a hia but Iehova omenâ e ûnyi ge ta je iwahnaihmiony mē hia igigilo,

II. Samuela 7:19

Ke ûnyi ae ûhnyûkong e hnyi hnyimâkâm, Than Iehova; ke so bi u je hia but ha ge lap anyin athnyabaem hobi kâu nyiele; ke hoton hwakecin at eling, Than Iehova!

II. Samuela 7:27

Anyin a u, Iehova tuhan sabaoth, Khongu Isaraela, a hia but omanenâ ka athnyabaem, ka habe, Oge me he ka op ânyâm lap: anyin a wale haba athnyabaem ame wâ eû hnyi hnyekon he ka hijü köu hic eling.

I. Je Than 11:38

Ke u je ne he ka long hia hoton hnok hna hûna köu, me vheno dek je gethen, me ânyâ ûnyi ae wisa hnyi hnyimakök, me tuö anyik je hnanyibu, me hnok je hna hûna, helâji a ânyâ Davita athnyabaik; me oge me he bi nya ka tha inya möu, me bi uma ae tet hmâ me umâm, helâji me hnok hna ânyâ hobi kö Davita, me oge me he ka ham köu Isaraela bi.

I. Je Than 2:24

Awe, kia inya Iehova, at ame ohmö nya, me olabö nya hon theron anyi cica Davita, me at a bi hnyabak, helâ me hnen hna ha bânâ, a gʼ adre me he ka hlingö Adonia hnyi bong ang.

I. Man Ûlabainy Je Than. 17:10

ke helâ me hnyi hnok hna hwân he ka otilâ tavat owisa ka lakeik a Isaraela; ke oge me he ka hom ûhnyûkongo ta je iwahnaihmiony möu hia. Ke haba khaca, oge me thumetu u a gʼ ame he Iehova ka otilâ ke lap a ânyâm bi.

I. Man Ûlabainy Je Than. 22:10

hamen bi he ka op uma hobi kâu iök, kʼ ame be ka nokuk, ke oge me he bi nya ka kamen; ke oge me he ka otethmâ theroniny dokhon dökhu hon at Isaraela nyiele balua.

Jobu 34:29

E ka omenâ, me ie ame he ka haikongoâ? Ke e ka ikhâlâ hnyimakan, me ie ame he ka wâ e? Adre me ne ânyâ ka hnyei, kʼ adre me ne ânyâ ka at, me, khaca thibi:

Salamo 106:42

Kʼ ame sedʼ ödra hnen je iwahnaihmiöny mödra, Mʼ adre me oûhnyûkongoi ödra hnyi hmelen ta je hnyamödra.

Salamo 127:1

ANE ca op Iehova uma, Më me be tavat ka okhot ka op e: Ame ne ca tuö bi taun Iehova, Ma me he ka hmak baû at ame tue.

Salamo 46:9

E ame bi obiny je vat ke ne o but can hmeledrany; E ame ohmetro cafana, me subâ luâ o; E ame thong degecâ je kariota ge meic.

Esodo 1:21

Ke haba li at tuö erkin ödru me outen Khong, me e ame otilâ anyidru li lap.

Ta je Vejec 14:1

TA je momo ae metâ adre me ve ânyâwia ta je hnyabadra: Ke haba momo ae monu ame thang degecâ hnen li hnyamen bi.

Heberu 11:33

waleji tavat adre me hom hwenbâ je dokhu ge labageju, me mâdrâ hwakecin ae wisa, me hu ta je hna ha bânâ, me hlöng ta je hnyimen liona,

I. Samuela 2:35

Ke oge me he ka oâ hobi könya ke at bihut ae hnathu, me e ame he ka ânyâ hoton hnyekuk me oûny-kûmânök: ke oge me he ka otilâ hobi kâu lap ae tethmâ: ke e ame he ka bi hanymen hnyi hnyimakan hnyat oge me hû nyiele balua.

I. Samuela 25:28

Ö u hna but monu anyin athnyabaem: anyin ame he Iehova ka ânyâ hobi kâû tuhok lap ae tethmâ, anyin ame vâtâ tuhok je vat anyi Iehova; ke adre me ca he ka wâ hulö unyâm hnyi ânyâm je bong hia.