II. Samuela 7:10 - Iaai Bible 1901 (New Caledonia)

¹⁰ Ke oge me he ka ûca dok hobi kâu lakeik a at Isaraela, me otilʼ ödra, mʼadre me he ka laba hnyi idrin bi, kʼ adre me ca he hmetu ka bwebweli ödra; ke haba khaca, ame ca he hmetu tavat ae kong ka oveci ödra helâji me ehac,

II. Samuela 7:10 ပူးပေါင်းရင်းမြစ်များ

II. Je Than 21:8

ke oge me ca he ka hom li can at Isaraela he ka he ûnyi hnyi hnyei oge me ham ka lakamödrin; ödrin e ne wâ wia he ka ânyâ hia hoton hnok hna hûna ködrin, me helâ me hnanyibu hia waleji a hûna ködrin Mose a athnyabaik.

I. Man Ûlabainy Je Than. 17:9

Ke oge me he ka ûca ke dok hobi kâu lakeik a Isaraela, me tʼ ödrin eling, mʼ ödrin e he ka laba hnyi idrin bi, me ca bwebwelâ hmetu bala bi; kʼ ame ca he hmetu bi tavat a lakon hulo ka öba wan gadrin helâ me ehac,

II. Man Ûlabainy Je Than. 33:8

ke haba khaca, oge me ca he hmetu ka khöbe at Isaraela ûnyi hnyi hnyei waleji oge ham ka je lakamöbun; ödrin e ne he ka wâ wia thibi he ka ânyâ hia hnok hna hûna ködrin, wale hnanyibu hia, me je hna otilâ, me je hna owisa a deny Mose.

Salamo 44:2

U je obâ aten je hnyei ge hnyamâm, me te hwabödra: U je okongoâ je hnyei, me obâ degeci ödra.

Salamo 44:4

Khonguk lö, u thibi Tuhok: Hûna ju möt hobi kö Jekob.

Salamo 80:8

U je hom vine ûnyi Aigupito: U je obâ je hnyei, me ta ju e hnyin.

Salamo 80:9

U je bi hnyimakan e, Me ame hwân dut me öunöngötâ hnyei.

Esodo 1:22

Ke Farao ame hûna ka lakeiny hia, ka habe, Öbun e he ka khûâ ka hnyi wagewe je wainda hia adre hnokoâ, ke omelö ju je waindusem hia.

Esodo 15:17

U ma he ka hum odra, me tʼ odra hnyi bucen, wale hwajekom, Iehova lö, wale hnâm u je ânyâ hnân hnyabam, Iehova lö, wale dok ae kap u je hia but ohmâ hnen li hnyamâm.

Isaia 5:2

ke e ame seû igigilo, me hlo je vetoiny, me tā vine soreka hnyin e, me otilö uma hnân belök wanben e, me si taben hlic vine hnyin minya: me e ame lubahingen he ka wa wan vine, ke ame wa bi wan vineiny hnyot.

Isaia 5:7

Anyin a hnyei vine i Iehova tuhan sabaoth lap anyi Isaraela, ke haba tavat Juda haleny uö ae so: ke e ame elâm hna owisa, ke wâ bi hna ovecâ; kʼ ame elâm hwakecin ae wisa, ke wâ bi hwan tenge bi.

Isaia 60:18

Adre me ca he hmetu ka long ûökonguny hnyi em hnyei, ke ame ca he bi ka ba wan me hna ûhangö hnyi je hnyigöulâm; ke u me he ka hwenyi ien ânyâm je hna up haginy, ka habe, Ûhomeli, me je homagöulem, ka habe, Ogânâ.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Jeremia 18:9

Ke haba hnyi ûen oge me he ka fuc ge ke hnyei, me ke dokhu he ka otilâ me tā e;

Jeremia 24:6

Ke oge me he ka wâ hmʼ ödra, mʼ adre me so, ke oge me he ka ohmetu ödra ka hnyi hnyei ang: ke oge me he ka up ödra goranyai, ke adre me ca he ka hagut ödra; ke oge me he ka te ödra, me ca he ka oc.

Ezekiela 28:24

Ke ame ca he hmetu lap anyi Isaraela ka hu iwadekong ame dâ ke ûdö ae ocen ûnyi gadra igigili ödra, wale hnyat hûköti ödra; ke adre me he ka wâ a inya Than Iehova.

Hosea 2:18

Ke hnyi ûen eling oge me he ka ânyâ ûhihinyköu hobi ködrin me je menoiny hnyot, me je meno ame gâ ethö, me je meno ame iyawâ kânâ: ke oge me he ka thu cafana me hele vat, me vat ûnyi hnyi hnyei, ke oge me he ka omokulic ödrin hnyi sot.

Amosa 9:15

Ke oge me he ka te ödra hnyi idra bi, ke adre me ca he hmetu ka khöbi ödra hnyi idra waleji oge ham kodra, haingo Iehova a Khongom.

Hna Omanenâ 21:4

ke e ame he ka kot degecâ ta je deköiö hia ûnyi hnyi ta je emaködra; ke ba hmetu bi mok; keʼ ba hmetu bi hnyok ae hmak, me tenge, me vec: a hia but ta je ûnyi a bân.

Owisa 4:3

Haba lakon Isaraela ödrin e tenge kö Iehova: anyin ae hu gan nain haded je kariota fao; ke twente je huna e ame hom ûhnyûkongo hwegiâ lakon Isaraela.

I. Samuela 13:17

Ke haba tavat hûgûnâ, me ödrin e he ûheny hnyi hna hunuma anyin at Filisiti a kun ta bunyen: haba ke bunyen ame hnyi gethen ûheny Ofera me he hnyi hnyei Sual: