II. Samuela 6:5 - Iaai Bible 1901 (New Caledonia)

⁵ Ke haba Davita me lap Isaraela hia, adre me khumöngö hnyi hnyimakö Iehova ta je ûnyi khumöng kop, me je kitara, me nabeli, me bwinybet, me pate, me simebalo.

II. Samuela 6:5 ပူးပေါင်းရင်းမြစ်များ

II. Je Than 3:15

Ke walang ang hom but könya ke at ame ânyâ ûnyi khumöng. Ke ame tiga ânyâ ûnyi khumöng, me ame o but kâu hnyamö Iehova.

I. Man Ûlabainy Je Than. 13:8

Ke haba Davita me at Isaraela hia ödrin e khumöng hnyi hnyimakan Khong me tang hwegiödrin hia: ge je khumöng, me je kitara, me nabeli, me bwinybet, me simebalo, me trutru.

I. Man Ûlabainy Je Than. 15:28

Ke haba at Isaraela hia ödrin e hom tangen ûhihinyköu anyi Iehova, me kuku tot, me tûö sofara, me je trutru, me simebalo, ödrin e ofucâ ta je nabeli me kitara.

II. Man Ûlabainy Je Than. 20:28

Me ödrin e o Jerusalema ai me je nabeli me kitara me trutru ka hnyi uma umö Iehova.

Salamo 47:5

Ame ölö thö Khong tha e me hwahongot hwege, Wale Iehova me ifucin trutru.

Daniela 3:10

U, than lö u je otilâ hnanyibu a haba at ama long ifucin trutru, ke utkowi, ke kitara, ke sabeka, ke saniter, ke sumefono, ke ta je ûnyikhumöng hia, me ame he ka ta ju me khudrung ka hnatheat gol:

Daniela 3:15

Walang ang, öbun e ne penapena, öbun ka long ifucin trutru, ke utkowi, ke kitara, ke sabeka, ke saniter, ke sumefono, ke je ûnyikhumöng hia me öbun e he ka ta me khudrung ka hnatheat gol oge me ânyâ, me so ling: ke so bi öbun e ne ca he ka khudrung, haba hnyi awa eling, me adre me he ka khûʼ öbun ka hnyi thop ae möt hnyin meic; ke ewa khong ame he ka hûgûnʼ öbun hnyi li hnyamok?

Daniela 3:5

Haba ûen öbun e he ka long hnyin ifucin trutru, ke utkowi, ke kitara, ke sabeka, ke saniter, ke sumefono, ke ta je ûnyikhumöng hia, me öbun e he ka ta ju hnyikânâi me khudrung ka hnatheat gol, wale a otilâ Nebukaneza than:

Daniela 3:7

Anyin a wale hnyi ûen tavat hia adre me long ifucin trutru, ke utkowi, ke kitara, ke saniter, ke ta je ûnyikhumöng hia, me ame ta hnyikânâi tavat hia, me je hnyei, me je ve hwen hnyei, me khudrung ka hnatheat gol a otilâ Nebukaneza.

Amosa 5:23

Hom but gak hwan ânyâm je khumöng; ke oge me ca he ka long hwan ânyâm je nabeli.

Amosa 6:5

tavat adre me khumöngö je khumöng baû tha e me hwan nabeli; tavat adre me ûnykûme je ûnyikhumöng hobi kodra bi, helâji me Davita;

I. Samuela 10:5

Ke hwaban e, u me he ka o ka hnyi dok ae hut anyin Khong, wale lap tue anyin at Filisiti: ke u ka hia but o ka hnyi taun, u me he ka ûkhanö me deö perofeta ödrin e utut ûheny ʼthö, ke e hnyi hnyimaködrin nabeli, me bwinybet, me utköwi, me kitara; ke ödrin e he ka hnyi perofeta:

I. Samuela 16:16

E so u me he, tnhömun, ka kunʼ ohmun a lathnyabaem hnyi hnyimâkâm he ka elâm at ae khana he ka kokot kitara: ke e ka o but köu hanu ae kong ûnyi ge Khong, me e ame he ka ânyâ ge hnyamen, me u me he ka so but.