II. Samuela 6:21 - Iaai Bible 1901 (New Caledonia)

²¹ Ke haingö Davita kö Mikala, ka habe, Wale hnyi hnyimakö Iehova at ame ûco nya hon kâmâm me anyin lap hia, he ka otilö nya hnân taben tavat anyi Iehova, a Isaraela: wale me inye he ka khumöng dö hnyi hnyimakö Iehova.

II. Samuela 6:21 ပူးပေါင်းရင်းမြစ်များ

II. Samuela 5:2

Ke haba ehac waleji a than kötin Saulo, me u thibi at ame lelö hââng me lelö hmetu jem at Isaraela: ke Iehova ame ha köu, ka habe, U ma he ka hān lakeik a Isaraela, ke u me be ka bi than hnyi Isaraela.

II. Samuela 6:14

Ke Davita ame biâ hwege hnyi hnyimakö Iehova; ke Davita ame weikâ iefoda lino.

II. Samuela 6:16

Ke hnyi ûen ame didro tang tangö Iehova ka hnyi taun anyi Davita, haba Mikala nöku Saulo ame bwele hnyi mamalama me ō Davita than ame gâ me bibiâ hnyi hnyimakö Iehova; me e ame hûkötiâ e hnyi hnyekon.

II. Samuela 6:22

Ke oge me he ka ikiki tot hon e, ke hamök he ka he hnyikânâi hnyi hnyimakök bi: ke ame he ka oganö nya lathnyaba omomo wale u me ha eja.

II. Samuela 6:5

Ke haba Davita me lap Isaraela hia, adre me khumöngö hnyi hnyimakö Iehova ta je ûnyi khumöng kop, me je kitara, me nabeli, me bwinybet, me pate, me simebalo.

II. Samuela 7:8

Ke haba walang u me he ka ha helâe kö Davita athnyabaik, ka habe, Walang hofuc ho Iehova tuhan sabaoth, ka habe, Oge me hum u ûnyi hnyi haginy mamoe, a ûnyi hnyi hna tuö je mamoe, mʼ u me he ka musö lakeik a at Isaraela:

I. Man Ûlabainy Je Than. 15:29

Ke adre me odilâ thö tangen ûhihinköu anyi Iehova hnyi taun anyi Davita, me haba Mikala momo nöku Saulo ame selat hnyi mamalama me ō Davita than ame biâ me khumöng; me e ame hûkotiâ e eû hnyi hnyekon.

Ta je huliwa 13:22

Ke a hia but hom e, e ame otilö Davita me me tuhödra; ke e ame ohnathoâ e, ka habe, Oge ō Davita nöku Jese, at a helâ me hnyekuk, at ame he ka ânyâ hia wek.

I. Korinito 10:31

Anyin a wale, öbun ka he ka han, me ic, me ânyâ ke ta je ûnyi bi, ânyâ hia thö hnân ogânâ Khong.

I. Samuela 13:14

Ke walang ang ame ca he ka tet hmâ dokhom dökhu: ke Iehova ame hia but elâm at ae ûcû me hnyekon bi, ke Iehova ame hia but ûca at eling me me tuhan lakeiny, anyin a u je ca tuö ûnyi waleji Iehova ame hûna köu.

I. Samuela 15:28

Ke haba Samuela ame ha kâu, ka habe, Iehova ane hia but kia dökhu Isaraela hnyi bong ang ûnyi gam, me ham e ka ke at ame laba hakekenyi u, ae so hom.

I. Samuela 16:1

HABA Iehova ame ha kö Samuela, ka habe, U me he ka tengiö Saulo ke ne o but kehö anyin oge me degecâ me me ca muso at Isaraela? Öunöngötâ thö ânyâm faoiny meno ge wakaco, ke he thö, me oge me he ka kunö u kö Jese at Bethe-leema: anyin a oge hia but penapena ke than hobi könya unyin lakon.

I. Samuela 16:12

Ke e ame ûkhûnöng, me hom e. Ke e dra makan, me hmanenang hnyimakan, me so ka wâ. Haba Iehova ame ha, ka habe, Todrö, hû but e: anyin ae at e.