II. Samuela 6:20 - Iaai Bible 1901 (New Caledonia)

²⁰ Ke Davita ame hmetu he ka ha hnahicâ anyin bi lap. Ke ame didrut Mikala nöku Saulo he ka ûkhanö me Davita, me ha, ka habe, E ti hmanenang eja than Isaraela, at ame bi wânen lathnyaba a je hlu hluiny lathnyabaem, helâ me at ae hop ame bi wânen!

II. Samuela 6:20 ပူးပေါင်းရင်းမြစ်များ

Genese 18:19

Anyin a oge hia but wâhmakhmetoâ e, me me hamen he ka hûna ka lakon me anyin lap hwaban e, mʼ adre me he ka tuö de Iehova, he ka ânyâ wisa me owisa; me me he Iehova ka ohmâ kö Aberahama hna ha bânâ gan.

II. Samuela 6:14

Ke Davita ame biâ hwege hnyi hnyimakö Iehova; ke Davita ame weikâ iefoda lino.

II. Samuela 6:16

Ke hnyi ûen ame didro tang tangö Iehova ka hnyi taun anyi Davita, haba Mikala nöku Saulo ame bwele hnyi mamalama me ō Davita than ame gâ me bibiâ hnyi hnyimakö Iehova; me e ame hûkötiâ e hnyi hnyekon.

II. Samuela 6:18

Ke a hia but Davita hudo je hudiny leû me je hudiny ole me e ame ha hnahicâ tavat hnyi iö Iehova tuhan sabaoth.

II. Samuela 6:19

Ke e ame khenâ oûco ka i tavat hia, wale ka ûseiny Isaraela hia, obaga me omomo minya, ûsa khaca ong areto, me khaca uthmeno, me khaca u wan vine ae meleca. Me ame vese thö tavat hia ka hnyi je hnyabadrin.

I. Man Ûlabainy Je Than. 16:43

Ke ame vese out tavat hia ka hnyi je hnyabadrin: ke Davita ame hmetu he ka hahnahicâ umen bi uma.

Jobu 30:8

Ödrin lakon tavat ae monu, eke, lakon tavat ae kong; Adre me kot degeci ödrin ûnyi hnyi hnyei.

Salamo 101:2

Oge me he ka metâ hnyi gethen ae wisa: Ie ûen u me he ka o hnyin könya? Oge me he ka he hnyin umök uma me hnyok ae wisa.

Salamo 30:1

IEHOVA lö, oge me he ka oganö u, anyin a a je hia but ogöranyi nya, Me ca hna je iwahnaihmiony mönya he ka manhic könya.

At Khet 7:17

U ma ca he ka ti kong, ke ca he bi ka monu: anyin a ieû u me he ka mok ke tiga ca ûâm bi?

Mareko 14:66

Ke haba Peteru ame laba eû hnyi hnyeûle, me ame he but kâu ke hlu, athnyabainy taben tavat bihut ae nua;

Mareko 3:21

Ke e khana but lahanen, me ödrin e he but he ka kât e, anyin a haingödrin, ka habe, E a monu but.

Ioane 13:6

Me e ame he but kö Simona Peteru. Me e ame ha, ka kabe, Than lö, u me he bi ka hneû li cak?

Josua 24:15

Ke ame ne kong köbun he ka bi athnyabai Iehova, ûca thʼ öbun hnyi bong ang at öbun e he ka bi athnyabainy; ame ne je khong waleji a bi athnyabainy lakamöbun hoton Wagawe, ame ne je khong khongon at Amora, hnyi hnyei öbun e labā: ke haba inya me anyik lap, ohmun e he ka bi athnyabai Iehova.

Owisa 9:4

Ke ödrin e ham kâu je mone a sevente ûnyi hnyi uma umo Baala-berith, me Abimelek ame ûco je hnyat ae monu me hop, kʼ ödrin e hnu hoton.

I. Samuela 14:49

Ke walang laku Saulo, Jonathana, me Ishivi, me Maleki-sua: ke walang ien lakon li hlu; jia Meraba wale atö, ke Mikala ien wakeiat:

I. Samuela 18:20

Ke haba Mikala hlu nöku Saulo ame betenge ga Davita: me ödrin e thumetu Saulo, ke e so kâu.