II. Samuela 6:19 - Iaai Bible 1901 (New Caledonia)

¹⁹ Ke e ame khenâ oûco ka i tavat hia, wale ka ûseiny Isaraela hia, obaga me omomo minya, ûsa khaca ong areto, me khaca uthmeno, me khaca u wan vine ae meleca. Me ame vese thö tavat hia ka hnyi je hnyabadrin.

II. Samuela 6:19 ပူးပေါင်းရင်းမြစ်များ

II. Samuela 6:18

Ke a hia but Davita hudo je hudiny leû me je hudiny ole me e ame ha hnahicâ tavat hnyi iö Iehova tuhan sabaoth.

II. Samuela 6:20

Ke Davita ame hmetu he ka ha hnahicâ anyin bi lap. Ke ame didrut Mikala nöku Saulo he ka ûkhanö me Davita, me ha, ka habe, E ti hmanenang eja than Isaraela, at ame bi wânen lathnyaba a je hlu hluiny lathnyabaem, helâ me at ae hop ame bi wânen!

I. Je Than 8:66

Ke haba hnyi bong a eitiny e ame kunâ tavat, me adre me hahnahicâ than me ve he ka hnyi umödra je uma mano me senyin me hnyok ame hobâ, can ta je so hia ame ânyâ Iehova kö Davita athnyabainy, me Isaraela a lakeiny.

I. Man Ûlabainy Je Than. 16:3

Ke e ame khenâ oûco ka tavat hia hnyi Isaraela, obaga me omomo, a ûsa khaca areto, me khaca uthmeno, me khaca ū wan vine.

I. Man Ûlabainy Je Than. 16:43

Ke ame vese out tavat hia ka hnyi je hnyabadrin: ke Davita ame hmetu he ka hahnahicâ umen bi uma.

II. Man Ûlabainy Je Than. 30:24

Anyin a Hezekia than Juda ame ham ka ûkhacaköu hnân bi hut wan thauzan je bolok me seven thauzan je mamoe; ke haba je taben ödrin e ham ka ûkhacaköu wan thauzan je bolok me ten thauzan je mamoe: me se hia tavat bihut ödrin e okabi ödrin bi.

II. Man Ûlabainy Je Than. 7:10

Ke haba hnyi bong a twente theriny tehi a seveniny, me, e ame kunâ tavat ka hnyi umödrin je uma mano, me senyin me hobâ hnyi je hnyekudrin ge ta je so Iehova ame ânyâ hobi kö Davita, me Solomona, me Isaraela a lakeiny.

Nehemia 8:10

Ke e ame ha ködrin, ka habe, He thʼ öbun, an ju pipikhenya me ijem ûnyi ae senem, me kunâ je jekhoû ka tavat adre me ca penapena hobi kâu: anyin ae kap ka Tuhötin bong ang: ke ca he öbun ka hmak; anyin a haba tang hwegiöbun me senyin kö Iehova.

Khumöng Hwanyi Solomona. 2:5

Thawo nya ju ge je hmata a wan vine, okahwö nya ju ge je okhöiö: Anyin a oge me moko ibetengiö.

Ezekiela 45:17

Ke hamen than he ka ham je hudiny leû, me je hudiny han, me je hudiny ic, hnyi je bijeû, ke hnyi ûen bi a manen hnyin je tehi, ke hnyi je sabath, ke hnyi je bijeû hia adre thu anyin lap Isaraela: e ame he ka penapena hudiny hulo, ke hudiny han, ke hudiny leû, ke ta je hudiny ole, hnân he ka bi hwaban melen lap anyi Isaraela.

Hosea 3:1

KE Iehova ame ha könya, ka habe, He hmetu thö ka betenge ge momo at ame betenge gan waeny ke momo ame venöu, helâ me betenge anyi Iehova ka lakon Isaraela, tavat adre me hnyimakan ka je khong, ke wedra je hmata a wan vine.

Ta je huliwa 20:35

Hnyi ta je ûnyi hia oge me tot hnân ûcûcûbongoâ köbun, a hamöbun he ka huliwa helâe he ka hadruâ tavat a ödra sënyin, me ûnykûme hofuc hwan Than Iesu, waleji e ame ha, ka habe, E beönua hnahic hnen at ame ham, hon at ame kap.

Efeso 4:8

Anyin a wale, e ame ha, ka habe, Hnyi ûen e ame ölö thö goranyai, me e ame lelo aten hwenbâ ka hnyi bâ, Kʼ ame ham ta je bwihlany ka tavat.

Josua 22:6

Me Josua ame hahnahici ödrin me kunʼ ödrin, me ödrin e vese but ka hnyi umödrin je uma.