II. Samuela 6:16 - Iaai Bible 1901 (New Caledonia)

¹⁶ Ke hnyi ûen ame didro tang tangö Iehova ka hnyi taun anyi Davita, haba Mikala nöku Saulo ame bwele hnyi mamalama me ō Davita than ame gâ me bibiâ hnyi hnyimakö Iehova; me e ame hûkötiâ e hnyi hnyekon.

II. Samuela 6:16 ပူးပေါင်းရင်းမြစ်များ

II. Samuela 3:14

Ke Davita ame kunâ je metâ i kö Ise-boseth, nöku Saulo, he ka ha, ka habe, Ham dö könya öiök, jia Mikala, waleji oge me bi sâniny ge je unen unyin ai Filisiti a wan haded.

II. Samuela 5:7

Ke so bi Davita ame hûgûnâ hnabâ wale Ziona; a wale taun anyi Davita.

II. Samuela 6:15

Ke l haba Davita me lap hia anyû Isaraela, adre me hom tang tangö Iehova me hongot me tûö trutru.

II. Samuela 6:20

Ke Davita ame hmetu he ka ha hnahicâ anyin bi lap. Ke ame didrut Mikala nöku Saulo he ka ûkhanö me Davita, me ha, ka habe, E ti hmanenang eja than Isaraela, at ame bi wânen lathnyaba a je hlu hluiny lathnyabaem, helâ me at ae hop ame bi wânen!

I. Man Ûlabainy Je Than. 15:29

Ke adre me odilâ thö tangen ûhihinköu anyi Iehova hnyi taun anyi Davita, me haba Mikala momo nöku Saulo ame selat hnyi mamalama me ō Davita than ame biâ me khumöng; me e ame hûkotiâ e eû hnyi hnyekon.

Salamo 123:3

Iehova lö, betenge ju gahmun, betenge ju gahmun: Anyin adre me haikongu öhmun gan hmâ.

Salamo 69:7

Anyin a oge hia but hokhnyokâ ûokonguny can u; A hia but tube hnyimakök ge hmehma.

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Ta je huliwa 2:13

Ke haba keihen adre me ûhiö, ka habe, A ijem gânâ waina ae teb ûnyi hnyat ang.

I. Korinito 2:14

Ke haba aten unyin ame ca kap ta je ûnyi anyin Hanon Khong: anyin a hwen monu e kâu; ke e ca khana he ka wâhmakhmetoâ e, anyin adre me wâ ûnykûme hnen hanu.

I. Samuela 18:17

Ke Saulo ame ha kö Davita, ka habe, Wâ bi nokuk hlu a atö jia Meraba, oge me he ka ham köu me âiâm: ke so bi u me he ka hwege bi singik, me vâtâ je vat anyi Iehova. Anyin a haingö Saulo, ka habe, E so e me ca kot e ge hnyamok, ke so bi hamen hnyamen at Filisiti he ka kot.

I. Samuela 18:20

Ke haba Mikala hlu nöku Saulo ame betenge ga Davita: me ödrin e thumetu Saulo, ke e so kâu.