II. Samuela 6:14 - Iaai Bible 1901 (New Caledonia)

¹⁴ Ke Davita ame biâ hwege hnyi hnyimakö Iehova; ke Davita ame weikâ iefoda lino.

II. Samuela 6:14 ပူးပေါင်းရင်းမြစ်များ

II. Samuela 6:15

Ke l haba Davita me lap hia anyû Isaraela, adre me hom tang tangö Iehova me hongot me tûö trutru.

II. Samuela 6:20

Ke Davita ame hmetu he ka ha hnahicâ anyin bi lap. Ke ame didrut Mikala nöku Saulo he ka ûkhanö me Davita, me ha, ka habe, E ti hmanenang eja than Isaraela, at ame bi wânen lathnyaba a je hlu hluiny lathnyabaem, helâ me at ae hop ame bi wânen!

I. Man Ûlabainy Je Than. 15:27

Ke haba Davita me at Levi hnyat vadren tang, me hnyat khumöng, me Kenania at vhik khumöng ka tavat khumöng me, ödrin e khavâ ûkhaû a mano lino: ke Davita ame khavâ iefoda lino.

Salamo 149:3

E so adre me he ka ogânâ ien ge bibiâ: E so adre me he ka khumöng olungâ e ge bwinybet me kitara.

Salamo 150:4

Ogânâ thö e ge bwinybet me bibiâ: Ogânâ thö e ge ûnyi khumöng ae hu toiny, me utkowi.

Salamo 30:11

U je hia but wia anyik hloûhloû ka hnyi biâ; U je hia but uny anyik ûkhaû ae gan nân, me oweikö nya bi ge senyin:

Salamo 87:7

Ke haba tavat khumöng, me tavat minya biâ, adre me he ka ha, ka habe, E unyâm anyik je pupua hia thithö.

Esodo 15:20

Ke Miriama perofeta momo, hani Arona, ame hom bwinybet hnyi hnyamen; ke omomo hia ae ve hu bwinybet odrin e he hoton me bibiâ.

Esodo 15:21

Ke haba Miriama ame thu me ha, ka habe, Khumöngö thʼ öbun kö Iehova, anyin a e ame ti hom dökhu; A hia but khûâ hos me at ame tabâ ka hnyi köiö.

Esodo 19:6

kʼ öbun e he ka dökuk dökhu a je at bihut, me hnyei ae kap könya. Wale hofuc u me he ka ha ka lakon Isaraela.

At Khet 9:10

Haba hna wâ hnen li hnyamâm he ka ânyâ, ânyâ thö hnen hwegiâm; anyin ae ba huliwa, me ûnykûme, me wâhmakhmeto, me metâ, hnyi erkemok, u me he ka hnyin.

Ezekiela 46:10

Ke haba than, me e ame he ka dit hnyi wanbödra ödra ka didro; ke ödra ka didrut, me e ame he ka tha didrut mödra.

Luka 15:25

Ke e hnyi hnyaba nokon a atö: ke e ame o me hakekeny ka hnyi uma, me ame long khumöng me biâ.

Deuteronomi 6:5

ke hamâm he ka hnyok kö Iehova Khongom ge hnyekom ae bekhöt, me hanom ae bekhöt, me tang hwegiâm ae bekhöt.

Kolose 3:23

ke haba ta je ûnyi öbun e ânyâ, mâdrâ hnyokâ ju helâ me ka Than, ke ca ka at bi:

Owisa 11:34

Ke ame o thö Jefetha hnyi Mizepa ka hnyi hnyaban, me wâ bi, ame o thö nokon hlu he ka ukhanö mē, me je bwinybet me bibiâ: ke hake e thibi nokon, ke ba hmetu nokon baga me hlu.

Owisa 21:21

ke wâ bi, ame ne didrut je hluiny Silo he ka bibiâ, me öbun e he ka o ûnyi hnyi je hnyei vine, me ve khot âiân je hluiny Silo, me he ka hnyi hnyei Beniamina.

I. Samuela 2:18

Ke Samuela ame bi athnyaba hnyi hnyimakö Iehova, ke e tiga wanakat, kʼ ame weikâ iefoda lino.

I. Samuela 2:28

Me oge ûca e ûnyi hnyi je tribu hia anyin at Isaraela me me at bihut könya, he ka hudo hon taben hut könya, he ka leû uto ae bo so, he ka khavâ iefoda hnyi hnyimakök? ke hawa, oge ham ka lap anyin lakâmâm ta je hut a an hnen meic ûnyi ge lakon Isaraela?

I. Samuela 22:18

Me ame ha than kö Doega, ka habe, Hwio thö u me kot hnyat bihut. Me ame hwio Doega at Edoma me kot at bihut; me e ame hlingâ hnyi bong eling eite faiv tavat ödrin e khavâ iefoda lino.