II. Samuela 6:11 - Iaai Bible 1901 (New Caledonia)

¹¹ Me ame mokut tang tangö Iehova eiö hnyin uma umö Obed-edoma at Gatha hnyi kun ta tehi: me Khong ame ohnahici Obed-edoma me anyin lap hia.

II. Samuela 6:11 ပူးပေါင်းရင်းမြစ်များ

Genese 30:27

Me haingö Labana kâu, ka habe, A ne hu ânyâm ibetengiö könya, me halubahingen ju, anyin a oge me wâhmakhmetoâ a Iehova ame ohnahici nya gam.

Genese 39:23

Ke ame ca wâ tuhan uma ceat ke ûnyi unyin, anyin a tha Iehova me, ke Iehova ame ohnahicâ hnen hna ânyâ.

Genese 39:5

Ke hwân e ame otilâ e he ka musö hnyaban, me anyin ta je ûnyi hia, me Iehova ame ohnahicâ hnyaban at Aigupito; ga Josefa; ke haba hnahic ûnyi ga Iehova ame ta hon anyin ta je ûnyi hia eiö hnyi, uma, me eû hnyi utkânâ.

II. Samuela 6:10

Ke höcö Davita he ka hom bi kâu tang tangö Iehova ka hnyi taun anyi Davita; me haba Davita ame saûâ ka hnyi uma umö Obed-edoma at Gatha.

I. Man Ûlabainy Je Than. 26:4

Ke e hu laku Obed-edoma, wale Semaia a atö, me Jebozabada a loiny, me Joa a kuniny, me Sakari a vakiny, me Nathaniela a thabûnginy;

Malaki 3:10

Hom dʼ öbun libenyitainy ae bekhöt ka hnyi uma hnân hip omjeû, me me hu han hnyi umök uma, me cubic nya ju walang ang hnen e, haingö Iehova tuhan sabaoth, oge ne ca he ka khong ut köbun je hlinginy drany, me hingâlâ hubun hnahic, ke ne o but ame ba hnen e.