II. Samuela 5:6 - Iaai Bible 1901 (New Caledonia)

⁶ Ke ame he than me tavat unyin Jerusalema ai me tot ûcon at Jebusi, a je aten hnyei: tavat adre me ha kö Davita, ka habe, U je ne ca hom je wadröu me tavat ame ci, me u me ca he ka didro jem: anyin adre me ûnykûme a ga ca khanö Davita he ka dit kâe.

II. Samuela 5:6 ပူးပေါင်းရင်းမြစ်များ

Genese 14:18

Ke haba Melekisedeke than Salema ame hok areto me waina: ke e at bi hut ka Khong ae Beönua.

II. Samuela 22:30

Anyin a ûnyi gam oge me wadring hon deo vat: Ûnyi ge Khonguk oge me gâ hanyâûâ hna up haginy.

Ta je Vejec 21:22

Haba at metâ me ame öliâ haginy taun anyin tavat ae hwege, Me ohnyikânâ tang hwege adre me geju kâu.

Jeremia 21:13

Wâ bi, ûcûk u, at ame laba hnyi hnyigöulen kicin dok ae tha hon, haingö Iehova, öbun tavat, öbun e ha, ka habe, Ie at ame he ka utut köta? ke ie at ame he ka dit ka hnyi je hnyabata?

Jeremia 37:10

Anyin a eja ke ne öbun e ne hia but kot utbavat a at Kaledaia tavat adre me vat möbun, ke hu aat dö ge je kolon gadra, adre me he bi ka ve tot hnyi umödra je uma mano, me thong taun ang ge meic.

Heberu 7:1

ANYIN a haba Melekisedek eang, tuhan Salema, at bihut ka Khong ae Beönua, at ame ûkhanö me Aberahama ûheny hnyi hna kot je than, me ame ha hnahicâ e,

Josua 10:3

Anyin a wale Adoni-zedeka than Jerusalema ame ûkhûnöng kö Hoham thaniny Heberona, mo Pirama thaniny Jamuth, me Jafia thaniny Lakisa, me Debira thaniny Egelona, he ka ha, ka habe,

Josua 15:63

Ke haba at Jebusi, ödrin e labā Jerusalema, me ca khana laku Juda he ka obʼ ödrin: kʼ ame tha laba at Jebusi me je laku Juda hnyi Jerusalema ke ne o but hnyi bong ang.

Josua 18:28

me Zela, me Elef, me Jebusi (wale Jerusalema), me Gibea, me Kiriatha; fortin je taun me je tauniny ae ûhnyûkong. Wale jekhon je laku Beniamina hoton anyidrin je lap.

Owisa 1:21

Ke haba laku Beniamina, odrin o ca obâ at Jebusi, wale tavat adre me labā Jerusalema: ke haba at Jebusi odrin e tha laba me laku Beniamina hnyi Jerusalema ke ne o but hnyi bong ang.

Owisa 1:8

Ke haba laku Juda odrin e vat me Jerusalema, me hûgûnâ e, me kot ge hele vat, me thong taun ge meic.