II. Samuela 5:3 - Iaai Bible 1901 (New Caledonia)

³ Ke ame o but wahingatiny at Isaraela hia thithö ka than hnyi Heberona; me Davita than ame ûhihiny-köu mödrin hnyi Heberona hnyi hnyimakö Iehova: me ödrin e hû Davita me me tuhan Isaraela.

II. Samuela 5:3 ပူးပေါင်းရင်းမြစ်များ

II. Samuela 2:4

Me ame o hnyat Juda, ke ödrin e hû Davita eling hnân than hon lap anyin at Juda. Ke adre me thumetu Davita, ka habe, Haba hnyat a konim Saulo ödrin hnyat Jabesi-gileada.

II. Samuela 2:7

Ke walang ang, hwege thʼ öbun, me hnyok baga but: anyin a mokcu Saulo tuhöbun, ke haba khaca a hia but hû nya lap anyi Juda me hnân tuhödrin.

II. Samuela 3:21

Ke Abinera ame ha kö Davita, ka habe, Oge me he ka tot me he, me ûkhacaköuâ ka than a tuhok Isaraela hia, mʼ ödrin e ûhihinyköu möu, me u me musi ködrin hia hoton wem. Me Davita ame kunö Abinera; me e ame he hnyi hnahic.

I. Je Than 1:34

me hamö Zadoka at bihut me Nathana perofeta, he ka hû e eling me me than bi hon at Isaraela: ke öbun e he ka tûâ trutru, me ha, ka habe, E so e möt bi than Solomona.

II. Je Than 11:17

Haba Jehoiada ame ânyâ ke ûhihinyköu wanbö Iehova me than me tavat, me me lakei Iehova ödrin; wanben than me tavat minya.

I. Man Ûlabainy Je Than. 11:1

KE ame ûkhacaköu thö Isaraela hia unyi Davita hnyi Heberona me ha, ka habe, Wâ bi, ohmun ang je jeiâm me je utioiâm.

I. Man Ûlabainy Je Than. 11:3

Me ame o but wahingatiny Isaraela hia thithö ka than hnyi Heberona; ke Davita ame ûhihinyköu mödrin hnyi Heberona hnyi hnyimakö Iehova; ke ödrin e hû Davita me hnân thaniny Isaraela, hoton hofuc ho Iehova a deny Samuela.

I. Man Ûlabainy Je Than. 28:4

Ke so bi haba Iehova, Khongu Isaraela, ame ûco nya ûnyi hnyi lap hia anyi cica mʼ inye than Isaraela nyiele balua; anyin a e ame ûco Juda me hnân at musi; me lap anyi cica ûnyi hnyi lap anyi Juda; kʼ ame senyin gak unyin laku cica, mʼ inye than Isaraela hia:

II. Man Ûlabainy Je Than. 23:16

Haba Jehoiada ame ânyâ anyin ûhihinyköu me tavat hia me than, mʼ ödrin e lakei Iehova bi.

Nehemia 9:38

Ke so bi ûnyi hnyi ta je ûnyi hia eling ohmun e ânyâ ûhihinyköu ae hnathu, me sihnalimen; ke haba tuhöhmun, me at Levi unyihmun, me tavat bihut unyihmun, me ödrin e ohmâ haten.

Esodo 3:16

He thö u he ka ûkhacaköuâ wahingatiny Isaraela, me ha ködra, ka habe, A manen dut könya Iehova, Khongon lakamöbun, Khongu Aberahama, me Khongu Isaaka, me Khongu Jekob, me ame ha, ka habe, Inya oge hia but senʼ öbun, me wâ ta je ûnyi adre ânyâ köbun e Aigupito:

Josua 10:36

Ke Josua ame tha he me at Isaraela hia thithö ûheny Egelona, Heberona ai, me vat mē:

Owisa 11:11

Me haba Jefetha ame tha he me wahingatiny Gileada, me haba tavat adre me otilâ me me taben me ban hudrin: ke haba Jefetha ame ha hwan ta je hofuc hia hnyi hnyimakö Iehova hnyi Mizepa.

I. Samuela 11:15

Me ame he tavat hia Gilegala ai; me adre me otilö Saulo eling ka than hnyi hnyimakö Iehova hnyi Gilegala; ke adre me hudo eling je hudiny ole hnyi hnyimakö Iehova; me ame tha senyin gan hmâ eling Saulo me at Isaraela hia.

I. Samuela 16:13

Ke haba Samuela ame hom faoiny wakaco, me hû e hnyi wanben je liamekeiny mē: me ame o hwege hanu Iehova hu Davita hwân hnyi bong eling. Me Samuela ame tot me he Rama ai.

I. Samuela 23:18

Ke ödru me ûhihinyköu hnyi hnyimakö Iehova. Ke Davita ame laba hnyi hnyot, ke Jonathana ame he ka hnyi umen uma.