II. Samuela 5:2 - Iaai Bible 1901 (New Caledonia)

² Ke haba ehac waleji a than kötin Saulo, me u thibi at ame lelö hââng me lelö hmetu jem at Isaraela: ke Iehova ame ha köu, ka habe, U ma he ka hān lakeik a Isaraela, ke u me be ka bi than hnyi Isaraela.

II. Samuela 5:2 ပူးပေါင်းရင်းမြစ်များ

Genese 49:24

Ke hwege balua anyin cafana, Kʼ adre ohwegiâ li hnyamen me li benyin, Unyi ge li hnyamen thani Jekob, (Ûheny e at tuö mamoe, wale veto anyi Isaraela,)

II. Samuela 6:21

Ke haingö Davita kö Mikala, ka habe, Wale hnyi hnyimakö Iehova at ame ûco nya hon kâmâm me anyin lap hia, he ka otilö nya hnân taben tavat anyi Iehova, a Isaraela: wale me inye he ka khumöng dö hnyi hnyimakö Iehova.

II. Samuela 7:7

Ke hnyi ta je hnyei hia waleji oge me tha he me lakon Isaraela hia ka hnyin, hawa, e hu ke ong hofuc oge me ha ka ke tribu Isaraela, waleji oge me hûna he ka han lakeik a at Isaraela, me ha, ka habe, Ieû gabun öbun e ca up umök uma arasi?

II. Samuela 7:8

Ke haba walang u me he ka ha helâe kö Davita athnyabaik, ka habe, Walang hofuc ho Iehova tuhan sabaoth, ka habe, Oge me hum u ûnyi hnyi haginy mamoe, a ûnyi hnyi hna tuö je mamoe, mʼ u me he ka musö lakeik a at Isaraela:

II. Je Than 20:5

Hwio hmetu thö, me ha kö Hezekia, a taben lakeik, ka habe, Walang hna ha hnö Iehova Khongu Davita a kibâm, ka habe, Oge hia but long hijâm hic, me wâ deköiâm: me wâ bi, oge me he bi nya ka omeli u: haba hnyi bong a kuniny u me he ka he ka hnyi uma umo Iehova.

I. Man Ûlabainy Je Than. 11:2

Hnyi je ûen ehac ke tiga than bi Saulo u je lelö ehele me lelö jem at Isaraela: ke haba Iehova Khongom ame ha köu, ka habe, U at ame he ka han lakeik a Isaraela, ke u me he ka taben lakeik a Isaraela.

II. Man Ûlabainy Je Than. 1:10

Ö u ham könya walang metâ me wâhmakhmeto, mʼ inye he ka didrut me didro hnyi hnyimakan tavat eang: anyin a ie at ae khana he ka owisa ka lakem eang ae gan?

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Isaia 55:4

Wâ bi, oge hia but otilâ e hnân at ohnathoâ ka tavat, ke homakan, ke at musi ka tavat.

Ezekiela 34:23

Ke oge me he ka otilâ hudra ke at tuö mamoe e khaca, me e ame he ka ba ödra, a athnyabaik Davita; ke hamen he ka ha ödra; ke e at tuö mamoe kodra.

Mika 5:4

Ke e ame he ka tot me han haleny hnahat hnyi man mani Iehova, me hmanenanginy iö Iehova a Khongon: kʼ adre me he ka laba hmâ; anyin a e ame he ka gan hmâ walang ang ke ne o but hnyi je can hmeledrany.

Numera 27:17

me me didrut hnyi hnyimaködra me dit hmetu hnyi hnyimaködra, me lili ödra e helē, me ohmetu ödra, me me ca he ûkhacaköu anyi Iehova ka helâ me hnahat mamoe ae ba at ame tuö.

Mataio 2:6

Ke haba u Betheleema hnyei Juda, U ca ûhnyûkong ge je taben hnyi hnyei Juda: Anyin ame he ka o gam at musi, At ame he ka muso lakeik a at Isaraela.

Ioane 10:11

Inya ang at ame tuö wia ta je mamoe: haba at ame tuö wia je mamoe, me e ame ham anyin möt hnân singiny ta je mamoe.

Heberu 2:10

Anyin ae ûcû kâu, wale at a hobi kâu ta je ûnyi hia, ke ûnyi gan ta je ûnyi hia, hnyi hnen hna hom lakon a ödra se hia ka hnyi hmanenang, e ûcû kâu he ka obekhotâ tuhan anyidra möt hnen ta je vec.

I. Samuela 13:14

Ke walang ang ame ca he ka tet hmâ dokhom dökhu: ke Iehova ame hia but elâm at ae ûcû me hnyekon bi, ke Iehova ame hia but ûca at eling me me tuhan lakeiny, anyin a u je ca tuö ûnyi waleji Iehova ame hûna köu.

I. Samuela 16:1

HABA Iehova ame ha kö Samuela, ka habe, U me he ka tengiö Saulo ke ne o but kehö anyin oge me degecâ me me ca muso at Isaraela? Öunöngötâ thö ânyâm faoiny meno ge wakaco, ke he thö, me oge me he ka kunö u kö Jese at Bethe-leema: anyin a oge hia but penapena ke than hobi könya unyin lakon.

I. Samuela 18:13

Ke Saulo ame ûsâkâûö mē, me otilâ e hnân taben thauzan; ke e ame didrut me didro hnyi hnyimakan tavat.

I. Samuela 18:16

Ke ame betenge Isaraela hia me Juda hia ga Davita; anyin a e ame didrut me didro hnyi hnyimaködrin.

I. Samuela 18:5

Ke Davita ame labö he ka hnyi je hna kunâ kâu hnö Saulo, me metâ hwakecin: ke Saulo ame otilâ e hon aten vat, kʼ ame so ka tavat hia, me lathnyabai Saulo.

I. Samuela 25:28

Ö u hna but monu anyin athnyabaem: anyin ame he Iehova ka ânyâ hobi kâû tuhok lap ae tethmâ, anyin ame vâtâ tuhok je vat anyi Iehova; ke adre me ca he ka wâ hulö unyâm hnyi ânyâm je bong hia.

I. Samuela 25:30

Ke e ka hia but Iehova ânyâ ka tuhok, helâ me ta je ûnyi hia thithö ae so e ame ha gam, me otilö u hnân taben Isaraela;

I. Samuela 9:16

haba nyi hnyi ûen helâng, oge me he ka kunâ köu ke at ûnyi hnyi hnyei Beniamina, ke u me he ka hû e, me me taben lakeik at Isaraela, me e ame he ka omelö lakeik ûnyi hnyi hnyamen at Filisiti: anyin a oge hia but wâ lakeik, kʼ ame o but könya anyidra mâng.