II. Samuela 5:10 - Iaai Bible 1901 (New Caledonia)

¹⁰ Kʼ ame hwege tot Davita; anyin a e bi unyin Iehova Khongon sabaoth.

II. Samuela 5:10 ပူးပေါင်းရင်းမြစ်များ

Genese 21:22

Ke haba hnyi ûen eling Abimeleke me Fikolo tuhan anyin je deö vat, ödru me ûhnenamö me Aberahama me ha, ka habe, E unyâm Khong hnyi ta je ûnyi hia u je ânyâ:

II. Samuela 3:1

KE ame vat beû hmâ, lap anyi Saulo me lap anyi Davita: ke Davita ame hwege tot, ke ame ngâ tot lap anyi Saulo.

II. Samuela 7:9

ke oge me tha he möu waleji hnyi hnâm hna he ka hnyin, me subâ degecâ je iwahnaihmiony möu hnyi hnyimâkâm; ke oge me he ka olungâ iâm helâ me ien tavat ae gan eang hmelen.

II. Samuela 8:14

Ke e ame otilâ je lap tue hnyi Edoma; hnyi Edoma hia e ame otilâ je lap tue, ke ame bi lathnyabai Davita but at Edoma hia. Ke Iehova ame ham dökhu kö Davita hnyi hnen hna he ka hnyin hia.

II. Samuela 8:6

Ke haba Davita ame otilâ je lap tue hnyi Suria hnyi Damaseko: ke ame bi lakei Davita but at Suria, me adre me hom je bwihlany. Ke Iehova ame ham dökhu kö Davita hnyi je hnyei e ame he ka hnyin hia.

Jobu 17:9

Ke so bi ame he at ae wisa ka vheno balua deny gethen, Ke ame he ka hwege tot at ae tren li hnyam ae kalaöt.

Salamo 24:10

Ie Thaniny hmanenang e? Iehova tnhan sabaoth, E thibi Thaniny hmanenang.

Salamo 46:11

Tha e mota Iehova tuhan sabaoth; Hnöta hnabâ Khongu Jekob. [Sela.

Salamo 46:7

Iehova tuhan sabaoth ame laba unyita! Khongu Jekob hnöta hnabâ [Sela.

Ta je Vejec 4:18

Ke haba gethen deny tavat ae wisa me helâ me melam ae hadröngöc, Ame melam tot ke ne o but jebigö.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Hagai 2:4

Ke walang ang, Zerubabela lö, hwege thö, haingö Iehova; ke hwege thö u Josua nöku Jozadaka at bihut ae nua; ke hwege thʼ öbun tavat hia aten hnyei, haingö Iehova, ke huliwa thö: anyin a tha inya but möbun haingö Iehova tuhan sabaoth,

Luka 2:52

Haba Iesu ame kû tot hnyi metâ me je huna, ke ame betenge gan Khong me at.

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

I. Samuela 18:12

Ke haba Saulo ame outö Davita anyin a e bi Iehova unyin, ke e hia but unyi Saulo.

I. Samuela 18:14

Ke Davita ame ânyâ metâ hnyi ta je hwakecin; ke e bi Iehova unyin.

I. Samuela 18:5

Ke Davita ame labö he ka hnyi je hna kunâ kâu hnö Saulo, me metâ hwakecin: ke Saulo ame otilâ e hon aten vat, kʼ ame so ka tavat hia, me lathnyabai Saulo.