II. Samuela 4:11 - Iaai Bible 1901 (New Caledonia)

¹¹ Ke hawa ge ûganiny hwaban, e ka he tavat ae monu ka hlingâ at ae wisa hnyi umen bi uma me hon anyin hna mokut, hawa, oge me ca he ka elâm dren ûnyi hnyi hnyamöbu, me ohiʼ öbu eang hmeledrany?

II. Samuela 4:11 ပူးပေါင်းရင်းမြစ်များ

Genese 4:11

Ke walang ang u je hnaûha-ngö but ûnyi ge kânâ, waleji a memang ut me cem dren kem ûnyi hnyi hnyamâm;

Genese 6:13

Ke Khong ame ha kö Noa, ka habe, A o but hnyi hnyimakök obiny tavat hia thithö; anyin a unöngötö hmeledrany hnen ûkonguny ûnyi gadra; ke wâ bi oge me he ka tha ohiʼ ödra me hmeledrany.

Genese 7:23

Ke adre ohia but ta je ûnyi hia thithö ae möt eang hmelen, wale at, me meno a vak can, me ûnyi ame iyâû, me meno ame gâ ethö; ke a hiʼ ödra but ûnyi eang hmelen; ke hake Noa thiju, me hnyat a tha e më hnyin aka.

II. Samuela 16:8

haba Iehova ame hia but ohmeto köu dra hia dren lap anyi Saulo, at u je hwöhwaban; ke a hia but Iehova hna dökhu ka hnyi hnyamö Abasoloma a nokom: ke wâ bi, adre me hum u hnyi ânyâm hulö, anyin a u ke aten dra.

II. Samuela 3:27

Ke ame hia hmetu Abinera Heberona ai, me haba Joab ame tha saû but mē hnyi homagöule he ka ûhnenamö duöng, me ame dâ e eling hnyi hnyekon, me ame mokcu, can drö Asael liamekeiny mē.

II. Samuela 3:39

Ke iny sēnyin dut hnyi bong ang, eja ke ne adre me hia but hû nya hnân than; ke ti hmak könya li at ang a li laku Zeriua: e so Iehova ame he ka bi hwaban ka at a ânyâ hwakecin ae kong hoton anyin bi monu.

I. Je Than 2:32

Ke ame he Iehova ka ohmeto dren ka hnyi hon ban bi, anyin a e ame kot li at ae wisa me so hon, me hlingʼ ödru ge hele vat, ke ca khanö cica Davita, wale jia Abinera nöku Neri, taben vat anyin at Isaraela, me Amosa nöku Jether taben vat anyin at Juda.

Salamo 109:15

E so e he ka e bala ta je ûnyi e hnyi hnyimakö Iehova, Me me be ka subâ degecâ ûnyi eang hmeledrany hna ûnykûme kodra.

Salamo 9:12

Anyin a haba at ame hnei can dra ame ûnykûmi ödra: Kʼ ame ca hnying hwatenge hwan tavat ae theduoc.

Esodo 21:12

Haba at ame kot moko at adre me he ka hlingâ.

Esodo 9:15

Anyin a oge ne hia but inâ hnyamok, me kuc u me lakem ge mok ae cap, me adre hia but ohiö u ûnyi hnyi hmeledrany:

Ta je Vejec 2:22

Ke adre me he ka subâ degecâ tavat ae kong ûnyi hnyi hnyei, Ke adre me he ka ve degecâ tavat iyawo ûnyi hnyin.

Ta je Vejec 25:26

Pupua adre uto, ke köiö adre oikikiâ Helâe at ae wisa kʼ ame he hwahwali hnyi hnyimakan at ae monu.

Jeremia 10:11

Walang hnobun hna he ka ha kodra, ka habe, Haba ta je khong wale adre ca op drany me hmeledrany, ame he ka hiʼ ödra eang hon kânâ hia; me hnyi hmeledrany.

Habakuka 1:12

Iehova lö, Khonguk, me Kapik, hawa, u ca at kâû adrem bala? ohmun e ca he ka mok. Iehova lö, u je otilâ e me hnân owisa, Kicik lö, oâ e me hnân nâ.

Habakuka 1:4

Anyin a wale adre me oûnyibâûâ hnanyibu, ke ame ca he but hna owisa bala ka hwâdâ; anyin a tavat ae kong adre me igigilo tavat ae wisa; anyin a wale ame he but hna owisa ae hwali.

I. Ioane 3:12

ca helâ me Kaina, a ûnyi ge at ae kong, kʼ ame hlingâ keiny. Ke can ieû e ame hlingâ e? Can ae kong anyin bi ta je huliwa, ke wisa bi ta je huliwa anyin keiny.