II. Samuela 3:39 - Iaai Bible 1901 (New Caledonia)

³⁹ Ke iny sēnyin dut hnyi bong ang, eja ke ne adre me hia but hû nya hnân than; ke ti hmak könya li at ang a li laku Zeriua: e so Iehova ame he ka bi hwaban ka at a ânyâ hwakecin ae kong hoton anyin bi monu.

II. Samuela 3:39 ပူးပေါင်းရင်းမြစ်များ

II. Samuela 16:10

Ke haingen than, ka habe, Ieû könya gabun ta laku Zeruia? haba hnen hna ûhangö, me can ame ha kâu Iehova, ka habe, Hangö Davita thö; ke ie at ame he ka ha, ka habe, Ieû gam u me ânyâ e?

II. Samuela 19:13

Ke ha thö kö Amasa, ka habe, Hawa, ca jeiök u me utioik? e so Khong ame ânyâ helâe könya me bi hanen minya, u je ne ca he ka taben utbavat hnyi hnyimakök bala hwabö Joab.

II. Samuela 19:22

Ke haingö Davita, ka habe, Ieû könya gabun je laku Zeruia, mʼ öbun e he ka bi iwahnaihmiony mönya hnyi bong ang? hawa, adre me he ka hlingâ ke at hnyi Isaraela hnyi bong ang? hawa oge me ca wâ a iny than Isaraela hnyi bong ang?

II. Samuela 3:38

Ke haingen than ka lakeiny, ka habe, Hawa, e ca khanʼ öbun a ga ta but ke taben me at ae gan hnyi bong ang hnyi Isaraela?

I. Je Than 2:32

Ke ame he Iehova ka ohmeto dren ka hnyi hon ban bi, anyin a e ame kot li at ae wisa me so hon, me hlingʼ ödru ge hele vat, ke ca khanö cica Davita, wale jia Abinera nöku Neri, taben vat anyin at Isaraela, me Amosa nöku Jether taben vat anyin at Juda.

I. Je Than 2:9

Ke walang ang u me ca he ka ha a e ba anyin monu, anyin a u at ae metâ, ke e khanö u ûnyi ae ûcû he ka ânyâ kâu, ke u me he ka hom ban ae hûen ka hnyi erkemok ge dra.

I. Man Ûlabainy Je Than. 22:5

Ke haingö Davita, ka habe, E tiga wanakat me but Solomona a nokuk, ke haba uma adre me be ka op hobi kö Iehova me ame he ka ti beönua mecin, me lung, me hmanenang hnyi ta je hnyei: anyin a wale oge me he ka penapena hobi kâu. Ke Davita ame penapena gan hmâ e me tiga ca mok.

I. Man Ûlabainy Je Than. 29:1

KE haingö Davita than ka ûkhacaköu hia, ka habe, Wanakat ae tiga but, Solomona a nokuk, e thibi ûcanen Khong, ke ti gan hmâ huliwa: anyin a ca hobi kâu at uma, ke hobi kö Iehova Khong.

II. Man Ûlabainy Je Than. 13:7

Ke a hia but ûkhacaköu kâu tavat ae monu, je atö Belial, wale ödrin e ohwegiʼ ödrin bi kö Reoboama nöku Solomona, ke tiga hidröu Reoboama, me tiga but hnyekon, ke ca khana bi he ka hlic ödrin.

Salamo 101:8

Haba hnyi je hnyomakatu me oge me he ka ohia tavat hia thithö ae kong hnyi hnyei; He ka subâ degecâ ûnyi hnyi taun anyi Iehova tavat hia adre me ânyâ hulo.

Salamo 28:4

Ham but kodra e ûcû me hwakecidra, me anyidra je huliwa ae kong: Ham but kodra hoton huliwa anyin li hnyamödra; Ke bi hwaban hwakecidra.

Salamo 62:12

Than lö, e unyâm thibi minya ibetengiö: Anyin a u je bi hwaban ka tavat hia e ûcû me anyidra huliwa.

Salamo 7:16

Ame he anyin monu ka hmetuhmetu ka hnyi hon ban, Kʼ ame he hnen hna sihnân ka ta hmetu ka hnyi wanben ban.

Salamo 75:10

Oge me he ka subâ degecâ ta je faoiny meno hia anyin tavat ae kong; Kʼ adre me he ka ogöranyâ li faoiny at ame ânyâ hwakecin ae wisa.

Esodo 21:12

Haba at ame kot moko at adre me he ka hlingâ.

Ta je Vejec 20:8

Haba than ame tabâ theroniny owisa, Me ame oveseâ ta je hulo hia ge li emakan.

Ta je Vejec 25:5

Hom degecâ but at ae kong unyin than, Me me hwege anyin theron hnyi wisa.

Isaia 3:11

Ekölö ge at ae monu! ame he ka hu kong gan; anyin adre me he ka ham kâu hwaban li hnyamen.

Isaia 7:4

me ha kâu, ka habe, Wâ ju, me mē laba ju; ca ot bi, ke ca sēnyin bi hnyekom, can li hnyiban uto eang ae hai, ke can hmonyin anyi Rezina, me Suria, me nöku Remalia.

Jeremia 38:5

Ke haingö Zedekia than, ka habe, Wâ bi, e but e hnyi je hnyamöbun: anyin ae ca khana bi than he ka ve e möbun.

Daniela 6:16

Ke than ame hûna me adre me lili Daniela, me khûâ e ka hnyi op liona. Ke haingen than kö Daniela, ka habe, Haba Khongom, wale u je bi athnyabainy hnyi je bong, me e ame he ka omeli u.

Numera 32:23

Ke öbun e ne ca ânyâ e, me wâ bi, öbun tavat hulö kö Iehova: ke wâhmakhmeto ju öbun, a gʼ ame he ka omanenʼ öbun ge anyibun hulö.

Roma 13:4

anyin a e athnyabainy Khong unyâm hobi kâu so. Ke u je ne mâdrâ hwakecin ae kong, ot ju; anyin a e ame ca vadren bâûâ hele vat: anyin a e athnyabainy Khong, at ame bi hwaban ge hmonyin ka at ae kong hwakecin.

II. Timoteo 4:14

E gan monu ame ânyâ könya Alesanedro, at ame leû fao kapa: kʼ ame he Than ka bi hwaban kâu e ûcû me anyin huliwa:

Owisa 9:57

ke haba ta je hulö hia thithö anyin tavat Sekema, me, Khong ame bi hwaban ka hnyi je bödrin: me ame hwâdâ ködrin hnaûhango hnö Jo tha m nöku Jerubaala.