II. Samuela 3:35 - Iaai Bible 1901 (New Caledonia)

³⁵ Ke ame o but tavat biâ ka kunö Davita ka han falawa e me tiga lany; ke Davita ame khemanyin, me ha, ka habe, Hamen Khong he ka ânyâ helâe könya me bi hanen minya, oge ne kâlâ falawa, ame ne ke jeû bi, e ka tiga ca dit bi seûnö.

II. Samuela 3:35 ပူးပေါင်းရင်းမြစ်များ

II. Samuela 1:12

ke ödrin e tenge, me tenge gan hmâ, me ca han ke ne o but sahac, ca Saulo me Jonathana a nokon, me tavat anyi Jehova, me lap anyi Isaraela; anyin a ödrin e ta but ge hele vat.

II. Samuela 12:17

Ke ame todrö je hingatiny hnyaban unyin, he ka kap e ûnyi hnyi kânâ: ke e ame höcö, ke e ame ca hnyi tha han mödrin.

II. Samuela 3:34

Adre ca ca li hnyamâm, me inâ li cam hnyi wen a fao: Helâ me at ame ta hnyi hnyimakan tavat ae kong, me u je ta helâe. Kʼ ame tenge hmetu bi tavat hia gan.

II. Samuela 3:36

Ke haba tavat hia adre me wâhmakhmeto e, ke so hwakecin kodra bi: ke haba khaca, ame senyin bi tavat ge ta je ûnyi hia a ânyâ than.

II. Samuela 3:9

Hamen Khong he ka ânyâ helâe kö Abinera, me bi hanen minya, oge ne ca he bi nya ka ânyâ kö Davita helâ me Iehova ame khemanyin kâu;

I. Man Ûlabainy Je Than. 10:12

me ame todrö tavat hwege hia me hom unyi Saulo, me unyin je lakon, me hom Jabese ai, me konâm je jeiö-drin hmelen iwajo hnyi Jabesi, kʼ ödrin e ca han hnyi seven je bong.

Jeremia 16:7

ke ame ca he tavat ka tha subö areto hnyi tenge gadra wale hnân otubweli ödra ge je komok; kʼ ame ca he tavat ka ham kodra kaia ka habelidra hnân otubwelâ ge kamödra me hinyödra a mokcu.

Ezekiela 24:17

Mâng ju ke ca hwege; ca he bi ka hnyamok, wano ju hnabicom, ke inâ ju li tangen hnyeûcam, ke ca tube li esongodâm, ke ca an ju jeû an tavat.

Ezekiela 24:22

Ke öbun e he ka ânyâ helâji me hnok hna ânyâ: öbun e ca he ka tube je esongodibun me an jeû an tavat.

Owisa 20:23

(Ke ame he lakon Isaraela me tenge hnyi hnyi-makö Iehova ke ne o but hnyi sahac; ke ödrin e hnei Iehova me ha, ka habe, Hawa, oge me he hmetu he ka vat me laku Beniamina je liamekeiny mönya? Ke Iehova ame ha, ka habe, He thö ködrin.)

Owisa 20:26

Me ame he lakon Isaraela hia me tavat hia, me o hnyi Beth-ela, me tenge, me laba e hnyi hnyimakö Iehova, me ca han hnyi bong e ke ne o but sahac; me ödrin e hudo je hudiny leû, me je hudiny ûsoköu hnyi hnyimakö Iehova.

Rutha 1:17

haba dok u me he ka mokcu hnyin me oge me he bi nya ka mokcu eling, mʼ adre me he ka konim nya hnyin: e so ame he Iehova ka ânyâ helâe kônya me bi hanen bi, ame ne he ke ûnyi ka ovesei otu, he so bi mok thibi.

I. Samuela 3:17

Ke haingen, ka habe, Ieû ûnyi adre hia but ha köu? Ö u ca he ka ikhâlâ gak: e so ame be khong ka ânyâ helâe köu, me bi hanen u je ne ikhâlâ ke ûnyi wale a ha köu.