II. Samuela 3:3 - Iaai Bible 1901 (New Caledonia)

³ ke Kile-aba ûtangköu mē, nöku Abigaila, safaci Nabala, at Karemela; ke Abasoloma a kuniny, nöku Maaka, momo nöku Talemai than Gesuri;

II. Samuela 3:3 ပူးပေါင်းရင်းမြစ်များ

II. Samuela 13:1

KE a um dö ta je ûnyi e, haba Abasoloma nöku Davita me hu haniny ae hmanenang, Tamara ien; ke Aurinona nöku Davita ame weny e.

II. Samuela 14:23

Haba Joab ame todrö me he Gesuri ai, me hum Abasoloma Jerusalema ai.

II. Samuela 14:24

Ke haingen than, ka habe, E ame he ka saû ka hnyi umen uma, kʼ ame ca he ka wâ hnyimakök. Me Abasoloma ame saû ka hnyi umen uma, kʼ ame ca wâ hnyimakan than.

II. Samuela 14:32

Me Abasoloma ame thu kö Joab, ka habe, Wâ bi, oge me ûkhûnöng köu, ka habe, Aiö u, mʼ oge me he ka kunö u ka than, he ka ha, ka habe, Oge me he jem ûheny Gesuri kâ ieû? e so könya inya tiga laba eling: ke walang ang iny bewâ hnyimakan than; ke ame ne hu hulö unyik me hamen he ka hlingö nya.

II. Samuela 15:7

Ke hwaban je huna a fâte, Abasoloma ame ha ka than, ka habe, Ö u hnö nya he ka he ka subâ anyik khöbi, wale o ge hûkâlâ kö Iehova hnyi Heberona.

II. Samuela 15:8

Anyin a inya athnyabaem oge hûkölö khöbi ke oge me tiga laba hnyi Gesuri hnyi Suria, ka habe, A ne he Iehova ka hum nya hmetu Jerusalema ai, awe, oge me he ka bi athnyabai Iehova.

II. Samuela 18:33

Ke ame hmak hmonyin than, me ölö ka hnyi hnyeule hon homagöule, me tenge: ke e ame he kʼ ame ha helâng, ka habe, Ekölö ge nökuk Abasoloma, e köiö ge nökuk, nökuk Abasoloma! Ekölö, iny na mokcu me hwabâm, Ekölö Abasoloma, nökuk, nökuk!

II. Samuela 2:2

Me Davita ame he kâe, me laâiân minya, jia Ahinoam momo Jezerela, me Abigaila safaci Nabala at Karemela.

I. Je Than 1:6

Ke ame ca ohmakâ e hnen kamen hnyi ta je ûen ehac, me ha kâu, ka habe, Ieû gam u me ânyâ helâng? ke e at ae ti hmanenang; ke adre hnokoâ e hwabö Abasoloma.

I. Je Than 2:15

Haba e ame ha, ka habe, e khanö u a hanymök dökhu, ke haba at Isaraela hia ödrin e tha hnyimakodra könya me inye than; ke so bi adre wia bi dökhu, me adre ham bi ka keik, anyin a Iehova ame ham kâu.

I. Man Ûlabainy Je Than. 3:1

KE walang je baga laku Davita adre me hnokoâ kâu hnyi Heberona; jia Aminona nokon a bân, nöku Ahinoam momo Jezerela; me Haniela a loiny nöku Abigaila momo Karemela;

I. Man Ûlabainy Je Than. 3:2

me Abasoloma a kuniny, nöku Maaka momo nöku Talemai, than Gesuri; ke Adonia a vakiny, nöku Hagitha;

Deuteronomi 3:14

Haba Jaira nöku Manase ame hûgûnâ hnyei hia e Aregoba, ke ne o but hnyi hnyigöulen at Gesuri me at Maaka; ke e ame hwenyi ien, a wale Basana, hoton ien bi, me Havoth-jaira, ke ne o but hnyi bong ang.)

Josua 13:13

Ke haba lakon Isaraela adre me ca obâ at Gesuri me Maaka: ke so bi at Gesuri me Maaka ödrin e tha laba me at Isaraela ke ne o but hnyi bong ang.

I. Samuela 25:3

Haba ien at Nabala; ke Abigaila ien âiân: ke haba momo at ae ti metâ, ke hmanenang hnyimakan: ke at ae wathethot baga, me kong hwakecin; ke e hanen lap anyi Kaleba.

I. Samuela 25:42

Me Abigaila ame logot, me tot, me tabâ asina, a the me anyin je hlu baû a faiv ödrin e he hoton; kʼ ame he hoton je ûthumetu anyi Davita, ke âiân dö e.

I. Samuela 27:8

Ke haba Davita me lahien ödrin e he me tot ka at Gerusi, me Girizi, me Amaleka: anyin a ödrin tavat a aten hnyei hwân ehac, wale hnyi gethen ame he Sura ai ke ne o but hnyi hnyei Aigupito.