II. Samuela 3:25 - Iaai Bible 1901 (New Caledonia)

²⁵ E khanö u Abinera nöku Neri a ga o he ka iyawö n, me wâhmakhmeto hnâm hna didrut me didrö, me he ka wâhmakhmeto ta je ûnyi u me ânyâ.

II. Samuela 3:25 ပူးပေါင်းရင်းမြစ်များ

Genese 42:12

Ke haingen ködrin, ka habe, Ohe, öbun e o but he ka ecmâkâ hnyei ae ba ûnyi.

Genese 42:16

Kunâ thö ke at gabun he ka hom keibun, kʼ adre me he ka eʼ öbun me cubec hobun hofuc, öbun e ne hnathu: ke ame ne ba, kia inya Farao a öbun je hnyat ame he ka ecmâkâ hnyei.

Genese 42:9

Ke Josefa ame ûnykûme li bwi e ame bo gadrin, me e ame ha ködrin, ka habe, Öbun je hnyat ae kong; öbun e o but he ka ecmâkâ hnyei ae ba ûnyi.

II. Samuela 10:3

Ke haba je tuhan laku Amona ödrin e ha kö Hanuna a thanidrin, ka habe, U me ûnykûme a Davita ame ogânâ kâmâm, me ame kunâ köu tavat he ka otubwelâ? ke ca Davita bi ame kunâ athnyabainy köu he ka elâm i taun, me ecmâkâ e, me ohia e?

II. Samuela 3:24

Haba Joab ame o ka than, me ha, ka habe, Ieû ang u je inyâ wâ bi a o köu Abinera; anyin a ieû u je kunâ e, ke a he but eja?

II. Samuela 3:26

Ke ame didrut Joab ûheny unyi Davita, me e ame kunâ je ûthumetu hotu Abinera, ke ödrin e ohmeto e ûnyi hnyi an Sira: ke ca khanö Davita bi.

II. Samuela 3:27

Ke ame hia hmetu Abinera Heberona ai, me haba Joab ame tha saû but mē hnyi homagöule he ka ûhnenamö duöng, me ame dâ e eling hnyi hnyekon, me ame mokcu, can drö Asael liamekeiny mē.

II. Je Than 18:32

ke ne o but oge me o me hum öbun ka hnyi ke hnyei helâ me ibun, a hnyei ae hu hwit me waina, hnyei ae hu areto me je hnyei vine, hnyei ae hu wakaco elaio me hani, mʼ öbun e ka möt, me ca he ka mokcu: ke ca he öbun ka ling Hezekia, e ka cubic öbun me ha, ka habe, Iehova ame he ka omeli otin.

Salamo 121:8

Ame he Iehova ka tuö u, u ka dit ut, ke u ka didro hmetu, Hwân walang ang ke ne o but nyiele balua.

Isaia 37:28

Ke oge wâ but hnâm hna laba, me hnam hna didrut, me didro, me hnâm hna hmonyin könya.

Numera 27:17

me me didrut hnyi hnyimaködra me dit hmetu hnyi hnyimaködra, me lili ödra e helē, me ohmetu ödra, me me ca he ûkhacaköu anyi Iehova ka helâ me hnahat mamoe ae ba at ame tuö.

Ioane 7:12

Ke gan hmâ hna ûlidro gan ge tavat ae se hia: haingen keihen, ka habe, E at ae so; haingen keihen, Ohe, e ame omono tavat ae se hia.

Ioane 7:47

Me ame thu kodra ta je Faresaio, ka habe, Hawa, adre hia but omonu öbun minya?

Roma 2:1

ANYIN a wale, at ame ûnykûm lö, e ba hnân thu gam: anyin a haba hnâm hna ûnykûme ke at, me u me ka hamâm bi ohnaûhangöi u; anyin a u me ka ânyâ ta je ûnyi e.

Deuteronomi 28:6

U me he ka hnahic u ka didro, ke u me he ka hnahic u ka didrut.