II. Samuela 3:21 - Iaai Bible 1901 (New Caledonia)

²¹ Ke Abinera ame ha kö Davita, ka habe, Oge me he ka tot me he, me ûkhacaköuâ ka than a tuhok Isaraela hia, mʼ ödrin e ûhihinyköu möu, me u me musi ködrin hia hoton wem. Me Davita ame kunö Abinera; me e ame he hnyi hnahic.

II. Samuela 3:21 ပူးပေါင်းရင်းမြစ်များ

II. Samuela 2:9

me otilâ e ka than hon at Gileada, me Asuri, me Jezerela, me Eferaima, me Beniamina, me Isaraeli hia.

II. Samuela 3:10

he ka wia dökhu ûnyi hnyi lap anyi Saulo, me otilâ theron anyi Davita hon Isaraela me hon Juda, hwân hnyi Dana ke ne o but hnyi Bere-seba.

II. Samuela 3:12

Haba Abinera ame kunâ je ûthumetu kö Davita, a ka ûnyi gan bi, ka habe, I ia hnyei? haingen minya, ka habe, U me he ka ânyâ ûhihinyköu mönya, me wâ bi, ame he hnyamok ka tha e möu ke ka wia köu Isaraela hia thithö.

II. Samuela 3:20

Me Abinera ame o kö Davita hnyi Heberona, ke tha e me tavat a twente. Ke Davita ame ânyâ bijeû hobi kö Abinera me anyin bunyen.

II. Samuela 5:3

Ke ame o but wahingatiny at Isaraela hia thithö ka than hnyi Heberona; me Davita than ame ûhihiny-köu mödrin hnyi Heberona hnyi hnyimakö Iehova: me ödrin e hû Davita me me tuhan Isaraela.

I. Je Than 11:37

Ke oge me he ka hum u, ke u me he ka muso hia hoton weny hnyekom, ke u me he ka than hon at Isaraela.

Salamo 20:4

Me ham köu weny hnyekom, Me ohwâdâ ânyâm je ûhnenamö hia.

Filipi 2:21

Anyin a ödra hia adre me ka elâm anyidra bi ta je ûnyi, ke ca ta je ûnyi anyi Iesu Keriso.