II. Samuela 24:16 - Iaai Bible 1901 (New Caledonia)

¹⁶ Ke hnyi ûen ame he angela ka lau hnyamen hon Jerusalema he ka okongoâ, me haba Jehova ame ietra kong eling, me ba ka angela at ame ohia tavat, ka habe, Soju; kât ju hnyamâm. Ke ame tot angela anyi Iehova hnyi hna huje hwit anyi Aruna at Jebusi.

II. Samuela 24:16 ပူးပေါင်းရင်းမြစ်များ

Genese 10:16

me at Jebusi, me Amora, me Girigasa;

Genese 6:6

Ke Iehova ame ietra a gʼ ame hia but op at eang hmelen, ke e hmak ut hnyekon.

II. Samuela 24:18

Ke ame o but Gada kö Davita hnyi bong eling, me ha kâu, ka habe, Ölö thö, me otilâ taben hut kö Iehova hnyi hna huje hwit anyi Aruna at Jebusi.

II. Samuela 5:8

Ke Davita ame ha hnyi bong eling, ka habe, Haba at ame he ka kot at Jebusi, me hamen he ka ölö ka hnyi deny köiö, me kot hnyat ame ci me wadröu, a je hûkötiânö Davita. Anyin a wale, adre me labö ha, ka habe, Wale bi eling je wadröu me hnyat ame ci; me ca khana he ka dit ka hnyi uma.

I. Je Than 19:4

Ke e ame he ka hnyi hnyebuba, a khaca bongon ka he; ke e ame o but me laba ju hmelen ûö ratami: ke e ame sumâtâ me me he ka mokcu; haingen, ka habe, Soju; walang ang, Iehova lö, hom dö anyik möt; anyin a iny ca so hon lakamök.

II. Je Than 19:35

Ke haba hnyi lit eling ame he but angela anyi Iehova me kot tavat a wan haded ke eite faiv thauzan hnyi hna hunuma anyin at Asuria: ke ame vesâ tavat hnyi hnyomakatu, me wâ bi, ödrin je komok a mokcu hia.

I. Man Ûlabainy Je Than. 1:14

me at Jebusi, me Amora, me Girigasa;

II. Man Ûlabainy Je Than. 3:1

ME haba Solomona ame hwân he ka op uma umö Iehova hnyi Jerusalema hnyi bucen Moria, waleji a manen hnyin Iehova kö Davita a kamen, wale e ame penapena hnyi dok ame kû Davita hnyi hna huje hwit anyi Aruna at Jebusi.

II. Man Ûlabainy Je Than. 32:21

Ke haba Iehova ame kunâ angela, he ka subâ degecâ tavat ae hwege, me je homakan, me je taben, hnyi hna hunuma anyin than Asuria. Me e ame hmehma me hmetu ka hnyi iny hnyei. Ke e ame o but ka hnyin uma umen khongon, me haba li hing lakon ödru me hlingâ e ge hele vat.

Salamo 135:14

Anyin ame he Iehova ka owisa lakeiny, Me ietra ge lathnyabainy.

Salamo 35:6

E so e lit me haûhaû dedra je gethen, Ke angela anyi Iehova ame hnu ödra.

Salamo 78:38

Ke e at ae unöngöt ge ibetengiö, me e ame thang anyidra hulo, kʼ ame ca ohiʼ ödra bi: Eke, e ame osehia ohmeto anyin hmonyin, Ke ame ca oubâhlâ anyin wathethot.

Salamo 90:13

Iehova lö, metu ju; ke ne o but kehö? E so u ma ietra ge ta je lathnyabaem.

Esodo 12:13

Ke haten köbun dra hnyi ta je uma öbun e laba hnyin: ke iny ka wâ but dra, me oge me he ka hanyâûʼ öbun, kʼ ame ca he ka o köbun mok at ame ohia, iny ka he ka kot hnyei Aigupito.

Esodo 12:23

Anyin ame he Iehova ka he hnyi wanben hnyei me kot at Aigupito; ke e ka wâ but dra hnyi hon hwanuma me li uthwanuma, me ame he Iehova ka hanyâûâ hwanuma, kʼ ame ca he ka hna at ûhlingö he ka didrö ka hnyi umöbun je uma he ka kuc öbun.

Esodo 32:14

Ke haba Iehova ame ietra monu, wale e ame ha he ka ânyâ ka lakeiny.

Esodo 9:28

Khöû thö kö Iehova; ö e so ju hendring angʼme we ae wahma; kʼ oge me he ka hnʼ öbun, ke öbun e ca he hmetu ka laba.

Isaia 27:8

Hnyi tulut, hnyi ûen u je obâ e, u je oû e; e ame hia but hom e ge ang ae hwege hnyi bonginy ang hwei.

Isaia 57:16

Anyin oge me ca he ka ivino ke ne o but nyiele balua, ke oge me ca he bala ka hmonyin: anyin ame he ka ta sēnyin hnyok hnyi hnyimakök, me hanu o ge op.

Jeremia 26:19

Hawa ga Hezekia than Juda me at Juda hia, adre me hlingâ e? hawa, e ame ca outö Iehova, me khöû kö Iehova, ke haba Iehova ame ietra hulo waleji e ame ha gadra? Ate me ne ânyâ hulo ae gan hmâ köta bi.

Jeremia 42:10

Öbunʼ e ne he ka laba bala bi hnyi hnyei ang, oge me he ka up öbun goranyai, me ca hagutʼ öbun, ke oge me he ka konim öbun, me ca oc degeci öbun: anyin oge me ietra ge ûnyi ae kong oge hia but ânyâ köbun.

Amosa 7:3

Haba Iehova ame ietra ûnyi e: Ame ca he ka hwâdâ haingo Iehova.

Amosa 7:6

Haba Iehova ame ietra ûnyi e: Ame ca he ka hwâdâ haingen Than Iehova.

Habakuka 3:2

Iehova lö, oge hia but long ûthumetu gam, me oge me ot: Iehova lö, ohâtâ thö ânyâm huliwa hnyi wanben ta je huna, Omanenâ thö hnyi wanben ta je huna: Ke ûnykûme ju ibetengiö hnyi ûen wathethot.

Zakaria 9:7

Ke oge me he ka hom dren ûnyi hnyi hnyimen, ke ta je ûnyi ae ikiki e ame oloû; kʼ ame he biju ka kolon hobi kâu Khonguta: ke e ame he ka helâ me taben hnyi Juda, kʼ ame he Ekerona ka helâ me at Jebusi.

Mareko 14:41

Ke e ame okun o hmetu, ke haingen ködrin, ka habe, Mokut ju öbun walang ke menâ: soju ang; a o thö awa; wâ bi, adre hia but alecuâ Nokon at ka hnyi je hnyamen tavat ae kong.

Ta je huliwa 12:23

Me ame ie kot e angela anyin Than, anyin a e ame ca ogânâ Khong: me ame an e ge ahnyöng, me me mokcu.

I. Korinito 10:10

Ke ca he minya öbun ka ulit, helâ me keihen gadra adre me ulit, me adre me mokcu ge at ame ohia.

II. Korinito 2:6

E ûcû ka at e hna bi hwaban helâe hnen tavat ae se;

Josua 15:63

Ke haba at Jebusi, ödrin e labā Jerusalema, me ca khana laku Juda he ka obʼ ödrin: kʼ ame tha laba at Jebusi me je laku Juda hnyi Jerusalema ke ne o but hnyi bong ang.

Owisa 1:21

Ke haba laku Beniamina, odrin o ca obâ at Jebusi, wale tavat adre me labā Jerusalema: ke haba at Jebusi odrin e tha laba me laku Beniamina hnyi Jerusalema ke ne o but hnyi bong ang.

Owisa 19:11

Ke ödrin e o hnyi Jebusi hnyi hauhaotreng; ke haingen athnyaba ka tuhan, ka habe, Ö otin saû ka hnyi taun ang anyin at Jebusi me mokut eling.

I. Samuela 15:11

Inya oge me ietra hnok hna otilö Saulo me than: anyin a e ame hmetu but ûnyi hnyi hnen hna he hotuk, ke e ame ca ânyâ hnok je hna hûna. Me ame hmönyi Samuela; me tenge kö Iehova hnyi hnyinghet hia.