II. Samuela 24:13 - Iaai Bible 1901 (New Caledonia)

¹³ Ke ame o but Gada kö Davita, me thumeto e, me ha kâu, ka habe, Hawa, ame he ka o köu hmiâ hnyi em hnyei ke ne o but seven je huna? ke hawa, u je bekec ge je iwahnaihmiony möu adre me hnu u ke ne o but kun ta tehi? ke hawa, adre me ne kunâ mok ae cap hnyi em hnyei ke ne o but kun ta bong? awe wâhmakhmeto thö hofuc oge me he ka ha hmeto ka at a kunö nya.

II. Samuela 24:13 ပူးပေါင်းရင်းမြစ်များ

II. Samuela 21:1

KE e hu hmiâ hnyi ûö Davita a kun hunainy, ke huna me ke huna; ke Davita ame elâm hnyimakö Iehova. Ke Iehova ame thu, ka habe, Ga Saulo me anyin lap ame hingâlâ dra, anyin a e ame hlingâ at Gibeona.

II. Samuela 24:12

He thö ka fuc kö Davita, ka habe, Walang hofuc ho Iehova, ka habe, Inya oge me ip köu kun ta ûnyi; ûca thö khaca mʼ inye he ka ânyâ köu.

II. Je Than 8:1

KE a hia but Elisaia fuc ka momo waleji e ame omelö nokon, me ha, ka habe, Todrö, me u me he, me ânyâm lap, me laba kanyua hnyi hnâm hna he ka wâ: anyin a hia but hawâ hmiâ ga Iehova; kʼ ame he ka o minya hnyi hnyei ke ne o but hnyi seven je huna.

I. Man Ûlabainy Je Than. 21:12

ame ne kun ta hunainy hmiâ; kʼ ame ne kun ta tehi kec a u ge iwahnaihmiony möu, kʼ ame hom tilö u ge hele vat anyin je iwahaihmiöny; kʼ ame ne kun bongon hele vat anyi Iehova, wale mok ae cap hnyi hnyei, kʼ ame he angela anyi Iehova ka hlingâ tavat hnyi Isaraela hia. Anyin a wale ûnykûme wia ju hofuc oge me be ka ha hmetu kâu at a kunö nya.

Salamo 91:6

Ke mok cap at ame ngenu hnyi menekholom, Ke mok hnân mekiny at ame ûhohiö hnyi jebigö.

Esodo 7:25

Kʼ ame hwâdâ but ta je bong a seven hwaban hna kot wagewe ga Iehova.

Ezekiela 14:13

Nokon at lö, e ka ânyâ hulo könya hnen ke hnyei me ânyâ ûnyi ae kong, ke iny ka hai hnyamok hon e, me ohmetro ciny jeûiny, me kunâ kâu hmiâ, me subâ degecâ ûnyi hnyin e at me meno,

Levitiko 26:20

ke ame he ka ba troban hwegiö-bun; anyin ame ca he kânâ ka okûâ jeûiny, kʼ ame ca he ka wa ta je ûöiny hnyei.

Levitiko 26:25

Ke oge me he ka oâ hele vat köbun at ame bi hwaban hna okongoâ ʼûbihinyköu: ke öbun e ne he ka ûkhacaköu hnyi anyibun je taun me oge me he ka kunâ mok ae cap hnyi wanböbun; kʼ adre me he ka hnʼ öbun ka hnyi hnyamen ta je iwahnaihmiony.

Luka 4:25

Ke e hnathu inya oge me ha köbun, ka habe, E se hia ta je safac hnyi hnyei Isaraela hnyi je bong bongu Elia, waleji hnyi ûen adre me hlöng drany hnyi kun ta huna ke siks ta tehi, ke ame o hmiâ hnyi hnyei hia;

Deuteronomi 28:22

Ame he Iehova ka kuc u ge delâ, me kahwa unyin, me hngihngidra, me kahwainy meic, me hele vat, me meleca, me om; kʼ adre me he ka hnu u ke ne o but u me mokcu.

Deuteronomi 28:25

Ame he Iehova ka hnö u me me kuc u ge je iwahnaihmiony mou: u me he ka he ködra hnyi ke gethen, ke u me he ka kec hnyi hnyimaködra hnyi je gethen a seven: ke adre me he ka ûkhû-khûö u unyin je dökhu hia eang hmelen.

Deuteronomi 28:27

Ame he Iehova ka kuc u ge ohuciny Aigupito, me vec tiny, me anyû, me hölök, wale ae ca khana bi he ka metu.

Deuteronomi 28:35

Ame he Iehova ka kot li boucam me li cam ge ohuc ae vec, a at ae ca khana he ka metu, hwân hnyi hnyeûcam ke ne o but ka hnyi wanben bâm.

Deuteronomi 28:52

Ke e ame he ka igigili u hnen vat hnyi ânyâm je taun hia, ke ne o but ame u ta je hak veto u me op goranyai waleji u me geju kâu hnyi em hnyei hia: ke e ame he ka igigili u hnyi ânyâm je taun hia hnyi em hnyei waleji a ham köu Iehova Khongom.

I. Samuela 25:17

Ke walang ang khanö u thö me ûnykûme wia ûnyi u me he ka ânyâ, anyin ödrin e ip hnân ka tuhötin me anyin lap hia: anyin a e atö Belial me ca khana ke at ka fuc kâu.