II. Samuela 24:10 - Iaai Bible 1901 (New Caledonia)

¹⁰ Me haba hnyeku Davita ame dâ e hwaban hnen hna aû tavat. Me haingö Davita kö Jehova, ka habe, Oge hia but ûnyâ monu ae gan hnyi ûnyi oge me ânyâ: ke walang ang, Than lö, oge me khöû köu he ka hna but hulö anyin athnyabaem; anyin oge me ânyâ monu.

II. Samuela 24:10 ပူးပေါင်းရင်းမြစ်များ

II. Samuela 12:13

Haba Davita ame ha kö Nathana, ka habe, Oge hia but ânyâ hulö kö Iehova. Ke haingö Nathana kö Davita, ka habe, Iehova ame hia but ohia minya ânyâm hulö; u me ca he ka mok.

II. Samuela 24:17

Me Davita ame wâ angela at ame kot tavat, me e ame ha kö Jehova, ka habe, Me wâ ju, e kong hwakecik, ke oge me hia but ânyâ hwali: ke ieû a ânyâ je mamoe ang? ö u hai hnyamâm könya ke ûcon lap anyi cica.

I. Je Than 8:35

Adre me ne he ka hlöng drany, me ba we, can adre me ânyâ hulö köu; ke ödrin ka hic köu hnyi dok ang, me haimemenâ iâm, me hwio ûnyi hnyi anyidrin monu, u ka oveci ödrin:

I. Man Ûlabainy Je Than. 21:7

Ke monu ka Khong ûnyi eling; anyin a wale e ame kot at Isaraela.

I. Man Ûlabainy Je Than. 21:8

Me Davita ame ha ka Khong, ka habe, Oge me ânyâ hulo ae ti gan, hnyi ûnyi e oge me ânyâ: ke inya oge me khöû köu, ö u hna but hulo anyin athnyabaem, anyin a oge me hia but ânyâ monu ae ti gan.

II. Man Ûlabainy Je Than. 16:9

Anyin ame labö ngele mweimwei li emakö Iehova hnyi hmeledrany hia, he ka hadruâ tavat ae bekhot ut je hnyekudrin kâu. U je hwen monu hnyi ûnyi ang; anyin a hwân hnyi ûen ang u me he bala ka labö vat.

II. Man Ûlabainy Je Than. 32:26

Ke so bi haba Hezekia ame ka oûhnyûkongoâ e bi hnyi bi ganiny hnyekon, a e me tavat adre me laba hnyi Jerusalema, me me ca aat bi ködrin hmonyin anyi Iehova hnyi je bong bongu Hezekia.

Jobu 7:21

Ke ieû u je ca hna degecâ gan anyik hulo, me hom degecâ anyik monu? Anyin a walang ang oge me he ka mokut eû hnyi kânâ; Ke u me he ka elöm nya wia, ke hiö nya bi.

Salamo 32:5

Oge me ogâ anyik monu köu, ke oge me ca ikhâlâ anyik hulo: Haingök, ka habe, Oge me he ka omanenâ kö Iehova hnok je hna hanyâûâ; Me u je hna degecâ anyik hulo ae gan. [Sela.

Esodo 10:16

Me haba Farao ame ie hao Mose me Arona, me ha, ka habe, Oge hia but monu kö Iehova Khongubun, me köbu.

Ta je Vejec 28:13

Haba at ame ikhâlâ hnen je hna hanyâûâ, me ame ca he ka sot: Ke adre me he ka betenge ge at ame omanenâ me degecâ.

Hosea 14:2

Hom dö je ifucibun ke hmeto ju kö Iehova, ha thö kâu, ka habe, Hom dö hulo hia, me kap ju ûnyi ae so: me ohmun e he ka ham je hudiny hnyi-möhmun.

Joela 2:12

Ke so bi, haingo Iehova, ka habe, Walang ang hwio thö könya ge je hnyekubun ae bekhot, me ânyâ ca han, me tenge, me tenge thungaû:

Numera 12:11

Ke Arona ame ha kö Mose, ka habe, Ekölö than lö, ö u ca he ka ip köhmu hulö, can öhme ânyâ monu, me can öhme ânyâ hulö.

Mareko 7:22

me venöu, me ûhlingö, me venâu âiân ke at, me benyekon, me hwakecin ae kong, me iyawö, me hwakecin ae ikiki, me ihuhnyinköu, me hwege hnyem, me hop, me hwen monu:

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Ioane 8:9

Ke adre me long ut me adre me ve dididrut, hwân ge at a bân ke ne o but ge at a biliny: ke hake Iesu thiju, ke momo ame hake tot.

Deuteronomi 32:6

Hawa, öbun e bi hwaban kö Iehova helâe, Hnyei ae monu, ke ba metâ? Hawa, ca kâmâm bi at ame ûcû u? E ame up u, me otilö u.

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

I. Ioane 1:9

Ate me ne omanenâ anyita ta je hulo, me e at ae hnathu ke wisa he ka hna degecâ bi anyita ta je hulo, me hneû degecâ ta je hwakecita hia thithö ae ca wisa.

I. Samuela 13:13

Me Samuela ame ha kö Saulo, ka habe, E monu ûnyi u je ânyâ: u je ca tuö hnanyibu anyi Iehova Khongom, waleji e ame huna köu: ame we Iehova ka ohmâ dokhom dökhu hnyi Isaraela nyiele balua.

I. Samuela 24:5

Ke hwaban e, me ame dâ hnyeku Davita can e ame subâ obiny ûkhaû Saulo.

I. Samuela 24:6

Me e ame ha ka lahien, ka habe, E so Iehova ame thawo nya he ka ânyâ ûnyi ang ka tuhok, at Iehova ame hû, he ka inâ hnyamok kâu, anyin a e bi at a hû hnö Iehova.

I. Samuela 26:21

Me haba Saulo ame ha, ka habe, E kong hwakecik: hmetu ju u, Davita nokuk: anyin oge me ca he hmetu ka okongu u bi, anyin a haba anyik möt me e ûnyi hnathu hnyi li emakâm hnyi bong ang: wâ bi, oge hia but ânyâ monu, me ti monu gan hmâ.