II. Samuela 24:1 - Iaai Bible 1901 (New Caledonia)

¹ KE ame ubâhlâ hmetu thö hmonyin anyi Iehova kö Isaraela, ke e ame kunö Davita ködrin he ka ha, ka habe, He thö ka aû at Isaraela me Juda.

II. Samuela 24:1 ပူးပေါင်းရင်းမြစ်များ

Genese 45:5

Ke walang ang ca hmak je hnyekubun, ke ca tenge can anyibun monu, hnyi hnöbun hna ûcû nya kââng; anyin a Khong ame kunö nya bân inya hnân ûhömeli.

Genese 50:20

Ke haba öbun eja ke ne öbun e ûnykûme ehac he ka okongu nya, haba Khong ame ûnykûme he ka osoâ bi, me me hwâdâ helâ me hnyi bong ang, he ka omelö tavat ae se hia madre me möt.

II. Samuela 12:11

Walang hna ha hnö Iehova, ka habe, Wâ bi, oge me he ka okûâ ûnyi ae kong köu ûnyi hnyi hnyabam, ke oge me he ka hom laâiâm hnyi hnyimâkâm, me ham bi ka ke at, ke e ame he ka tha mokut me laâiâm hnyi hnyimakan seûno ang.

II. Samuela 16:10

Ke haingen than, ka habe, Ieû könya gabun ta laku Zeruia? haba hnen hna ûhangö, me can ame ha kâu Iehova, ka habe, Hangö Davita thö; ke ie at ame he ka ha, ka habe, Ieû gam u me ânyâ e?

II. Je Than 3:6

Ke haba Jorama than ame he ûheny hnyi Samaria hnyi ûen eling, me hawâ at Isaraela hia thithö.

I. Man Ûlabainy Je Than. 21:1

HABA Satana ame todrö ka at Isaraela, me cubic Davita he ka aû at Isaraela.

I. Man Ûlabainy Je Than. 7:2

Ke haba je baga laku Tola; me, Uzi, me Refaia, me Jeriela, me Jakemai, me Ibesam, me Samuela, je taben je lap anyin lakamödrin, wale Tola; tavat ae hwege hnyi anyidrin je dö: haba ûseidrin hnyi ûö Davita, ödrin twente tu thauzan ke siks haded.

I. Man Ûlabainy Je Than. 7:40

Ödrin hia ling je mâtrâm Asera, je ban je lap anyin lakamen, tavat adre ûca ae ti hwege, je ban je taben. Ke haba ûseidrin adre me aû he ka hnyi vat, me, twente siks thauzan tavat.

II. Man Ûlabainy Je Than. 32:25

Ke haba Hezekia ame ca bi hwaban hmetu helâ me hna betenge gan; ke bi gan hnyekon: anyin a wale ame o but hmonyin kâu me at Juda me Jerusalema.

Esodo 7:3

Ke oge me he ka onâkâ hnyeku Farao, me osehia anyik ta je haten me ta je anyi hnân lâiâ, hnyi hnyei Aigupito.

Ezekiela 14:9

Ke a ne monu but perofeta me ha ke hofuc, inya Iehova at ame omono perofeta eling, ke oge me he ka inâ hnyamok hon e, me ohia e ûnyi hnyi ik hnyei a Isaraela.

Ezekiela 20:25

Ke haba khaca, oge me ham kodra je hnanyibu ae ca so, me je hna owisa a ca hnân melen;

Levitiko 10:6

Ke haingö Mose kö Arona, me Eleazara, me Ithamara, a li lakon, ka habe, Ca he ka ûöhe je böbun, me khekhe anyibun je ûkhaû, wâ öbun nye mokcu, ke wâ e nye hmönyin ka tavat hia: ke ame he je liamekeiny mʼ öbun, a lap Isaraela hia he ka tengiâ a gʼ adre thong ûnyi ga Iehova.

Numera 1:19

Ke e ame öû ödrin hnyi hnyebuba Sinai, hoton hnö Iehova hna hûna kö Mose.

Ta je huliwa 4:28

ke so bi he ka ânyâ thibi ta je unyi adre ip hmâ adrem ge hnyamâm me ânyâm musi he ka mâdrâ.

II. Thesalonika. 2:11

Ke can thibi e, Khong ame kunâ kodra he ka huliwan monu, mʼ adre me he ka kap thoi:

Owisa 2:14

Me ame ubâhlâ thö hmonyin anyi Iehova ka at Isaraela, me e ame hnʼ ödrin ka hnyi hnyamen hnyat sei me sei ödrin, me e ame ûcû ödrin me je iwahnaihmiony mödrin igigilo, me me ca khanʼ ödrin hmetu bi he ka tot hnyi hnyimakan je iwahnaihmiony mödrin.

Owisa 2:20

Me ame ubâhlâ thö hmonyin anyi Iehova ka at Isaraela; me e ame ha, ka habe, anyin a hia but tavat eang hanyâûâ anyik ûhi-hinyköu, waleji oge me hûna ka lakamödrin, me ca long hok hofuc;

I. Samuela 26:19

Anyin a wale, e na he than a tuhok ka long hofuc hwan athnyabaem. Ame ne ûnyi ga Iehova hnâm hna tot könya, me so e ame be ka kap hut: ke ame ne ûnyi ge tavat, me ödra ka hnaûhango hnyi hnyimakö Iehova: anyin a ödrin e hia but obö nya hnyi bong ang me me ca tha inya me jekhoû Iehova, me ha, ka habe, He thö ka athnyaba ke je khong bi.