II. Samuela 23:5 - Iaai Bible 1901 (New Caledonia)

⁵ Ke ca helâling anyik lap me Khong; Ke so bi e ame ânyâ mönya ûhihinyköu ame ca ba balua, Adre penapena ta je ûnyi hia thithö hnyin, ke hwege: Anyin a melik hia, me wek hia, Ke so bi e ame tiga ca okûâ e.

II. Samuela 23:5 ပူးပေါင်းရင်းမြစ်များ

Genese 9:16

Ke ame he ka e wajeleufat hnyi ûlâ; ke oge me he ka wâ e, me ûnykûme ûhihinyköu anyin Khong ame ca ba balua, me ta je ûnyi ae möt ae ve bongon eang hmeledrany.

II. Samuela 12:10

Ke walang ang ame ca he ka hia hele vat hnyi hnyabam nyiele balua; anyin u je höciö nya me hom öiö Uria at Heth me âiâm.

II. Samuela 13:14

Ke höcö he ka long hofuc hwan hlu: ke e hwege hon, me ame okongoâ, me tha mokut mē.

II. Samuela 13:28

Ke Abasoloma ame hûna ka lathnyabainy, ka habe, Wâ wia öbun, e ka senyin hnyeku Aminona ge waina; ke iny ka ha köbun, ka habe, Kuc Aminona but, awe, hlingâ but e, ca ot bi, hawa, inya oge ca hûna köbun? hwege thö, me hnyok baga but.

II. Samuela 18:14

Ke Joab ame ha, ka habe, E ca khanö nya he ka bec helâe unyâm. Ke e ame hom kun ta uthö hnyi hnyamen, me dâoâ oûnykûmi Abasoloma e ka tiga möt hnyi wanben iwajo.

II. Samuela 7:12

Ke e ka bekhöt ut bongom ta je bong, ke u ka mokut ut unyin lakâmâm, me oge me he ka otilâ mâtrânâm hwabâm, wale at a hing nokom bi, ke oge me he bi nya ka ohmâ dokhon dökhu.

II. Samuela 7:18

Haba Davita than ame didro me laba ju hnyi hnyimakö Iehova; me haingen, ka habe, Iny ia Than Iehova, ke ieû anyik lap mʼ u je hum nya ke ne o but walang ang?

I. Je Than 1:5

Ke haba Adonia nöku Hagitha ame bi gan, me ha, ka habe, Oge me he bi nya ka than: me e ame penapena je kariota, me tavat tabö hors, me tavat a fifte he ka bodrin ka wadring hnyi hynimakan.

I. Je Than 11:38

Ke u je ne he ka long hia hoton hnok hna hûna köu, me vheno dek je gethen, me ânyâ ûnyi ae wisa hnyi hnyimakök, me tuö anyik je hnanyibu, me hnok je hna hûna, helâji a ânyâ Davita athnyabaik; me oge me he bi nya ka tha inya möu, me bi uma ae tet hmâ me umâm, helâji me hnok hna ânyâ hobi kö Davita, me oge me he ka ham köu Isaraela bi.

I. Je Than 12:14

me fuc ködrin hoton hofuc hwan je hidröu, me ha, ka habe, Haba cica ame ohmakâ ûnyi hnân ûhûkâlâköuâ hubun, ke oge me he bi nya ka bi hanen ka ûnyi hnân ûhûkâlâköuâ hubun: haba cica ame kuc öbun ge osö, ke oge me he bi nya ka kuc öbun ge sekopio.

Salamo 111:9

E ame hia but kunâ ûhomeli ka lakeiny; E ame hia but hûna anyin ûhihinyköu ke ne o but nyiele balua: E kap me hnân okabâ ien.

Salamo 119:81

Ame mokhon hanuk hnyi wek ka ânyâm ûhömeli: Ke oge me gejon hwâm hofuc.

Salamo 27:4

Khaca thibi ûnyi oge hia but sumâtâ ga Iehova, kʼ oge me he bala ka elâm e; A oge me he bala ka laba hnyin uma umo Iehova hnyi je bongon hia anyik möt, He ka wâ hmanenangi Iehova, me hnö hnyi umen uma ae kap,

Salamo 62:2

E thibi kicik me at ame omeli nya: E thibi anyik tap ae beû goranyai: adre me ca he ka ti bwebweli nya.

Salamo 89:3

Oge hia but ûhihinyköu me hnok hna ûca, Oge hia but khemanyin kö Davita athnyabaik, ka habe,

Isaia 11:1

KE ame he ka o khûen ûnyi hnyi iwân anyi Jese, ke ame he ka wa wan ke vheiny ûnyi hnyi anyin iwân:

Isaia 27:6

Hnyi ûen ame he ka o me ame he Jekob ka hu iwân; kʼ ame he Isaraela ka vhei me vhong: kʼ ödru me he ka ounöngötâ hon hmeledrany ge ta je wan ûö.

Isaia 4:2

Hnyi bong eling ame he ka hmanenang me mec hanö Iehova, kʼ ame he ka so me kese wan kânâ ka at Isaraela tavat adre kec möt.

Isaia 54:10

Anyin ame he ka hia ta je bucen, ke ame he ka bwebwet je hut; ke ame ca he bi ka hia anyik betenge unyâm, ke ame ca he ka hom degecâ hnok hna ûhihinyköu ge ûsoköu, haingö Iehovaʼ at ame betenge gam.

Isaia 55:3

Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Isaia 61:8

Anyin a inya Iehova oge me hnyok ka hna owisa, inya oge me hûkotiâ venöu, ke hwakecin ae kong; ke oge me he ka bihwaban kodra hnyi hnathu, kʼ oge me he ka ânyâ mödra ûhihinyköu a nyiele balua.

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Jeremia 32:40

ke oge me he ka ânyâ mödra ûhihinyköu a nyiele balua, a oge me ca he ka hwiö gadra, wale he ka ânyâ kodra so; ke oge me he ka ip eû hnyi hnyekudra he ka ot könya, mʼ adre me ca he ka digic nya.

Jeremia 33:21

awe, adre me he minya ka thamuâ anyik ûhihinyköu me, Davita athnyabaik, me me ba mâtrâniny he ka musi hon anyin theron; me anyik ûhihinyköu me at Levi a tavat bihut, a lathnyabaik.

Ezekiela 37:26

Ke oge me he ka ânyâ mʼ ödra ûhihinyköu ûsoköu: me ûhihinyköu a nyiele balua mʼ ödra: me oge me he ka ti ödra, me osehiʼ ödra, me ip unyidra anyik dok ae kap nyiele balua.

Amosa 9:11

Hnyi bong eling oge me he bi ka hai uma menâ umo Davita a ta, me okhötâ hmetu je dok ae hmouca hnyin; ke oge me he ka otilâ je ke keihen a amam but, me op hmeto e helâ me hnyi je bong ehac;

Ta je huliwa 13:34

Ke e ame omelö hmetu thö e ûheny hnyi hna mok, kʼ ame ca he hmetu bi ka wâ hna bobot, me walang hnen hna ha ehac, ka habe, Oge me he ka ham köbun ta je ûnyi ae kap ke ûnyi hnathu anyi Davita.

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Heberu 6:19

wale gejon ate me hu, helâ me iuniny hanu, ame hnathu me hmâ ke ame dit eiö hnyin hnyeule adre bi singiny;

I. Samuela 2:35

Ke oge me he ka oâ hobi könya ke at bihut ae hnathu, me e ame he ka ânyâ hoton hnyekuk me oûny-kûmânök: ke oge me he ka otilâ hobi kâu lap ae tethmâ: ke e ame he ka bi hanymen hnyi hnyimakan hnyat oge me hû nyiele balua.

I. Samuela 25:28

Ö u hna but monu anyin athnyabaem: anyin ame he Iehova ka ânyâ hobi kâû tuhok lap ae tethmâ, anyin ame vâtâ tuhok je vat anyi Iehova; ke adre me ca he ka wâ hulö unyâm hnyi ânyâm je bong hia.