II. Samuela 23:14 - Iaai Bible 1901 (New Caledonia)

¹⁴ Ke e bi Davita hnyi hnyabâ, ke e Betheleema lap tue anyin at Filisiti.

II. Samuela 23:14 ပူးပေါင်းရင်းမြစ်များ

Genese 35:19

Ke a mokcu Rakela, me adre me konâm hnyi gethen ka he Eferatha ai, wale (Bethelema).

II. Samuela 5:17

Ke a long ut at Filisiti a gʼ adre hia but hû Davita hnân than Isaraela, me ame he at Filisiti hia ka elöm Davita; ke a long ut Davita, me e ame utut ka hnyi hnabâ.

I. Man Ûlabainy Je Than. 12:16

Ke ame o but ke je laku Beniamina me Juda kö Davita hnyi hnabâ.

I. Samuela 10:5

Ke hwaban e, u me he ka o ka hnyi dok ae hut anyin Khong, wale lap tue anyin at Filisiti: ke u ka hia but o ka hnyi taun, u me he ka ûkhanö me deö perofeta ödrin e utut ûheny ʼthö, ke e hnyi hnyimaködrin nabeli, me bwinybet, me utköwi, me kitara; ke ödrin e he ka hnyi perofeta:

I. Samuela 13:23

Ke e bi lap tue anyin at Filisiti ke ne o but hnyi gethen ûheny Mikemas.

I. Samuela 13:4

Ke a long ut at Isaraela hia, ka habe, A hia but Saulo kot lap tue anyin at Filisiti, ke e bon dut at Isaraela minya ka at Filisiti. Me ame ûkhacaköu tavat kö Saulo hnyi Gilegala.

I. Samuela 14:6

Haba Jonathana ame ha ka hidröu, at ame hom tilâ omjehen vat, ka habe, Ötu he ka hanyâûâ ka hnyi lap tue anyin tavat eang adre ca peritomonâ: ame ne he ʼ Iehova ka huliwa hobi kötin: anyin a e ba at ame musi kö Iehova he ka omelö, ame ne ûnyi ge tavat ae se, ame ne ûnyi ge tavat ae wakhalet.

I. Samuela 22:1

KE Davita ame he ûheny e, me kec ka hnyi op Adulama: ke a long ut je liamekeiny mē ke lap hia anyin kamen, me ödrin e he kâu eling.

I. Samuela 24:22

Ke Davita ame khemanyin kö Saulo. Ke Saulo ame he ka hnyi hnyaban, ke haba Davita me lahien ödrin e ölö hmetu ka hnyi hnabâ.