II. Samuela 23:10 - Iaai Bible 1901 (New Caledonia)

¹⁰ e ame tot, me kot at Filisiti, ke ne o but ame hmokun dut hnyamen, ke ame kece hnyamen ka hnyi hele vat: ke Iehova ame omelö gan hmâ hnyi bong eling; ke haba tavat adre me hmetu he ka sei thibi.

II. Samuela 23:10 ပူးပေါင်းရင်းမြစ်များ

II. Samuela 23:12

Ke e ame tot hnyi wanben utkânâ, me tuö e, me kot at Filisiti: ke Iehova ame omelö gânâ.

II. Je Than 5:1

HABA Naamana a taben vat anyin than Suria, me e at ae gan unyin tuhan, kʼ adre me ogânâ, anyin a Iehova ame omelö at Suria a deny e; ke e at ae hwege, ke lepera bi.

I. Man Ûlabainy Je Than. 11:13

Habe e me unyi Davita waleji hnyi Efesi-damim, kʼ ame ûkhacaköu eling at Filisiti he ka vat, wale hnyi ke utkânâ, dok ae si hnyin bali; ke ame kec tavat ge at Filisiti.

Salamo 144:10

E thibi at ame ham möt ka ta je than: At ame omeli Davita a athnyabainy ûnyi hnyi hele vat hnân mekiny.

Salamo 68:12

Ame kec je tuhan je utbavat, adre me kec dö: Ke haba momo ame laba eiö hnyin uma ame khenâ omjeû adre söh.

Isaia 53:12

Anyin a wale, oge me he ka khene jekhon me tavat ae beönua, ke e ame he ka tha khenâ je hna söh me tavat ae hwege: anyin a e ame hingâlâ anyin möt ka mok, ke adre me tha lelö e me tavat hanyâûâ: ke so bi e ame vadren hulo anyin tavat ae se hia, kʼ ame khöûâ tavat hanyâûâ.

Roma 15:18

Anyin oge me ca he ka hwege ka ha ke ûnyi, wale ame ca tha mâdrâ mönya Keriso hnân okûâ ûling ka Aten ta je hnyei, hnen hofuc me huliwa,

II. Korinito 4:5

Anyin a öhmun e ca kheti öhmun, ke Keriso Iesu a Than, ke öhmun je lathnyabaibun ga Iesu.

Josua 10:10

Ke haba Iehova ame ohmakiʼ ödra hnyi hnyimakan at Isaraela, me kuc ödra, ke gan hmâ hna kuc ödra hnyi Gibeona, me hnu ödra tilʼ ödra hnyi gethen ame ölö Bethe-horona ai, me kuc ödra ke ne o but Azeka, me Makeda.

Josua 10:42

Ke haba Josua ame hûgûnâ je than eling hia me idrin je hnyei hnyi khaca thibi ûen, anyin a Iehova Khongon Isaraela ame vat hobi kâu at Isaraela.

Josua 11:8

Ke Iehova ame hnʼ ödra ka at Isaraela, me adre me kuc ödra, me hnu ödra ke ne o but Zidona ae gan, ke ne o but Miserefo-maim, me hnyigöulen bucen Mizepa e deiö; me adre me kuc ödra ke ne o but ame ba but kolon.

Owisa 15:14

Ke e ame o ka hnyi Lehi, me haba at Filisiti ödrin e iouny mē me kuku kâu: ke ame utut ka hnyi hon hanu Iehova, ke haba li tö hnyi li benyin me helâ me wakunenu adre le ge meic, ke ame ok ut hna ca hnyi li benyin.

Owisa 15:18

Ke gan hmâ beic kâu me e ame tenge Iehova, me ha, ka habe, U je hna ka athnyabaem hna omelö eang ae gan, ke walang any oge me he but ka mok ge beic, me ta ka hnyi hnyamen tavat adre ca peritomonâ bi.

I. Samuela 11:13

Haba Saulo ame ha, ka habe, Adre me ca he ka hlingâ ke at hnyi bong ang: anyin a Iehova ame ham möt hnyi bong ang hobi kâu at Isaraela.

I. Samuela 14:23

Me haba Iehova ame omelö at Isaraela hnyi bong eling: ke adre me vat ke ne o but ka hnyi Beth-aven.

I. Samuela 14:6

Haba Jonathana ame ha ka hidröu, at ame hom tilâ omjehen vat, ka habe, Ötu he ka hanyâûâ ka hnyi lap tue anyin tavat eang adre ca peritomonâ: ame ne he ʼ Iehova ka huliwa hobi kötin: anyin a e ba at ame musi kö Iehova he ka omelö, ame ne ûnyi ge tavat ae se, ame ne ûnyi ge tavat ae wakhalet.

I. Samuela 17:53

Ke a hmetu lakon Isaraela ûhedra hnyi hna hnu at Filisiti, me ödra adre me sö anyidra ta je ûnyi.

I. Samuela 19:5

ke e ame ip anyin möt hnyi hnyamen, me hlingâ at Filisiti, me Iehova ame omelö gan hmâ Isaraela hia thithö: u je wâ e, me senyin: ke anyin a ieû u me he ka kong ka dra ae ba hnyikongon, he ka hlingö Davita ke ba can?