II. Samuela 22:51 - Iaai Bible 1901 (New Caledonia)

⁵¹ E ame omelö gan hmâ hnân hobi kâu than a ûnyi gan: Me omanenâ ibetengiö ka at e ame hû, Kö Davita me je mâtrâniny nyiele balua.

II. Samuela 22:51 ပူးပေါင်းရင်းမြစ်များ

II. Samuela 22:2

haingen, ka habe, Iehova kicik, me hnok hnabâ, me at a omeli nya, walönya ang;

II. Samuela 23:1

KE walang je hofuc a biliny ho Davita, Haingö Davita nöku Jese, Ke ame ha at adre me ogöranyâ, At a hû hnen Khongu Jekob, Me at a ânyâ je khumöng ae hnebwia anyi Isaraela:

II. Samuela 7:16

Ke adre me he ka otilâ hmâ ânyâm lap me dokhom dökhu hnyi hnyimâkâm nyiele balua: adre me he ka ohmâ ânyâm theron nyiele balua.

Salamo 144:10

E thibi at ame ham möt ka ta je than: At ame omeli Davita a athnyabainy ûnyi hnyi hele vat hnân mekiny.

Salamo 18:50

E gan hmâ hnen hna oâ ûhomeli hobi, kâu than a aten; Me e ame omanenâ ibetengiö ka hnen hna hû, A Davita me je mâtrâniny nyiele balua.

Salamo 21:1

IEHOVA lö, ame he than ka senyinâ hwegiâm; Ke haba ânyâm ûhomeli, shaiba ge hnen hna senyinâ!

Salamo 3:3

Ke haba u, Iehova lö, u thibi bec igigili nya; Ke hmanenangik, me at ame ogöranyâ bok.

Salamo 48:3

A hia but Khong omanenâ e bi me hnân hnabâ hnyi je uma umen than eling.

Salamo 89:20

Oge hia but ō Davita athnyabaik; Me hû e ge anyik wakaco ae kap:

Salamo 89:24

Ke ame be ka tha e me anyik hnathu me anyik ibetengiö; Kʼ adre me he ka ogöranyâ anyin faoiny meno hnyi iök.

Salamo 89:26

E ame he ka hawo nya, ka habe, U thibi kamök, Me Khonguk, me kiciny melik.

Salamo 89:29

Ke oge me he ka otethmâ je mâtrâniny nyiele balua, Me anyin theron helâ me ta je bong hnyi drany.

Salamo 89:36

Ame he ka tethmâ je mâtrâniny nyiele balua, Me anyin theron helâ me seûno hnyi hnyimakök.

Salamo 91:2

Oge me he ka ha kö Iehova, ka habe, E thibi hnok hna lubaduöng me hnok hnabâ; Me Khonguk, a at oge me labageju kâu.

Jeremia 30:9

ke adre me he ka bi athnyabai Iehova Khongudrin me Davita a tuhödra wale oge me he ka oâ kodra.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.