II. Samuela 22:5 - Iaai Bible 1901 (New Caledonia)

⁵ Anyin ame wadrö nya je waköiö adre me mekiny, Ame oti nya je di anyin tavat ae kong.

II. Samuela 22:5 ပူးပေါင်းရင်းမြစ်များ

Salamo 18:4

Adre wadrö nya ge ta je tö hnân mekiny, Kʼ ame ooti nya hnen je uoûiny hwakecin ae kong.

Salamo 42:8

Ke ame he Iehova ka hûna anyin betenge hnyi lany, Ke haba hnyi lit ame he ka tha e mönya anyin khumöng, Wale hic ka Khongon melik.

Isaia 59:19

Me adre me he ka outen iö Iehova ûhedra jimeû, me outen anyin hmanenang ûhedra hnyi hna o hnen seûno: anyin a e ame he ka o helâ me wagewe ae hwege, wale ame tûâ hnen; homenö Iehova.

Jona 2:3

Anyin u je khûö nya ka hnyi dok ae dit, hnyi wanben köiö, Kʼ ame igigili nya hnen wekhet Kʼ ame khutukhaûö nya hnen ânyâm je waköiö, ke ânyâm je wabulu.

Luka 21:20

Ke öbun ka wâ Jerusalema adre me igigilo hnen vat, me wâhmakhmeto ju öbun ae hakekeny jut he ka ohia e.

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.

Hna Omanenâ 17:1

KE ame o thö ke at hnyin je angela a seven hnyat ae hu gadrin je kaia a seven, kʼ ame ha könya, ka habe, Aiö u, oge me he ka omanenâ köu hna bi hwaban ka momo hnyi gethen, at ae nua, kʼ ame laba hon je köiö ae se hia;

Hna Omanenâ 17:15

Me e ame ha könya, ka habe, Haba je köiö u je wâ, waleji ame laba hon momo hnyi gethen, wale je tavat, me tavat ae se, me je hnyei, me je hwen hnyei.