II. Samuela 22:44 - Iaai Bible 1901 (New Caledonia)

⁴⁴ Ke u je hia but omeli nya ûnyi hnyi je iwatretra anyin ik hnyei; U je tuö nya mʼ inye ban ta je hnyei bi: Ame he ka bi athnyabaik hnyei ae ca khanö nya.

II. Samuela 22:44 ပူးပေါင်းရင်းမြစ်များ

II. Samuela 19:14

Ke e ame ohmehmela hnyekon at Juda hia thithö helâ me at a khaca; me adre me ûkhûnöng ka than me ha, ka habe, Hmetu ju me lathnyabaem hia thithö.

II. Samuela 19:9

Ke ame labö iwatretra tavat hia thithö hnyi je tribu Isaraela, hia, ke haingödrio, ka habe, Than ame omeli ota ûnyi ge je iwahnaihmiony möta, ke e ame omeli ota ûnyi ge at Filisiti; ke walang e ame kec ge hnyei ca Abasoloma.

II. Samuela 20:22

Me haba momo ae metâ ame he ka tavat hia. Me ödrin e subâ but bö Seba nöku Bikeri me khûâ kö Joab. Me e ame tuâ trutru me ödrin e vese thö ûnyi hnyi taun ka hnyi umödrin je uma mano. Ke haba Joab ame hmetu Jerusalema ai ka than.

II. Samuela 3:1

KE ame vat beû hmâ, lap anyi Saulo me lap anyi Davita: ke Davita ame hwege tot, ke ame ngâ tot lap anyi Saulo.

II. Samuela 5:1

KE ame he je tribu Isaraela hia kö Davita hnyi Heberona, me ha, ka habe, Wâ bi ohmun ang je jeiâm me utiöiâm.

Salamo 110:6

E ame he ka owisa hnyi wanben ta je hnyei, E ame he ka öunöngötâ ta je dok ge je komok; E ame he ka kot muâ ban ta je hnyei ae se.

Salamo 18:43

U je omeli nya ûnyi hnyi je iwatretra anyin tavat; U je wiö nya me hnân ban ta je hnyei: Ame he ka bi athnyabaik tavat ae ca khanö nya.

Salamo 2:8

Sumatö nya thö, me oge me he ka ham köu je hnyei hnân hwajekhom, Me je can hmeledrany hnân em hnyei.

Isaia 55:4

Wâ bi, oge hia but otilâ e hnân at ohnathoâ ka tavat, ke homakan, ke at musi ka tavat.

Isaia 55:5

Wâ bi, u me he ka hawâ hnyei ae ca khanö u, kʼ ame he ka wadring hotom tavat ae ca khanö u bi, ûnyi ga Iehova a Khongom, me Kabi Isaraela; anyin a e ame hia but oganö u.

Isaia 60:12

Anyin ame he ka hia tavat me dokhu bi adre me höcö bi athnyabaem; eke, adre me he ka ti oba wan ta je hnyei eling.

Isaia 65:1

OGE me ling ödra tavat adre me ca hnei nya; ame ö nya bi ge tavat; adre me ca elom nya: oge me ha, ka habe, Walö nya aug, walö nya ang, ka hnyei adre me ca hawʼ ödra hoton iök.

Daniela 7:14

Ke adre me ham kâu musi, ke hmanenang, ke dokhu, me me he tavat hia, ke ta je hnyei, ke je ve hwen hnyei ka bi athnyabainy: ke haba anyin musi, me musi ae tethmâ, kʼ ame ca he ka hia; ke haba dokhon dokhu, me adre me ca he bi ka ohia.

Hosea 2:23

Ke oge me he ka tâ e hobi könya bi hnyi kânâ; ke oge me he ka betenge gan waleji adre ca betenge gan; ke oge me he ka ha kodra a ca lakeik, ka habe, Lakeik u; ke adre me he ka ha, ka habe, Khonguk.

Roma 15:12

Ke wale hmetu ang, haingö Isaia, ka habe, Ame he ka hu iwân ûnyi ga Jese, Ke at ame tot he ka muso Aten ta je hnyei; Ame he ka labageju kâu hnen Aten ta je hnyei.

Roma 9:25

Helâ me hnen hna ha hnyi Hosea, ka habe, Oge me he ka hawʼ ödra, me lakeik, waleji a ca lakeik; Ke oûnykûmik, waleji a ca oûnykûmik bi.

Deuteronomi 28:13

Ke ame he Iehova ka wiö u hnân ban, ke ca hmokunen bi; ke u me he bi ka hon, ke ca hnyikânâ bi; u je ne löng hoton je hnanyibu anyi Iehova Khongom, wale oge me hûna köu hnyi bong ang he ka wâ wia me ânyâ;

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.