II. Samuela 22:32 - Iaai Bible 1901 (New Caledonia)

³² Anyin a ia Khong e ka ca Iehova? Ke ia kic e ka ca Khongutin?

II. Samuela 22:32 ပူးပေါင်းရင်းမြစ်များ

II. Samuela 23:3

Ame ha Khongu Isaraela, Ame fuc könya kic anyi Isaraela: At ame muso tavat hnyi wisa Ame musi me outen Khong;

II. Samuela 7:22

Anyin a wale u gan Iehova Khong: anyin ae ba at ae ûcû möu, ke ba ju ke Khong, ke hake u thibi, helâ me hnöhmun hna long ge je hnyikönyöhmun.

Isaia 44:6

Walang hna ha hnö Iehova, Tuhö Isaraela, me at ûco anyin möt, wale Iehova tuhan sabaoth: inya ang at a bân, me a biliny; ke ba ju ke Khong ke inya thibi.

Isaia 44:8

Ca ot bi, ke ca öbubuny bi: hawa oge ca haimemenâ köu ehac, me omanenâ köu? ke öbun tavat ohnathu nya. Hawa, e hu ke Khong minya ju ke inya thibi? eke e ba ke Kic; e ca khanö nya khaca.

Isaia 45:21

Haimemenâ thö, ke hakekenyâ thö; eke, e so adre me tha ûhnenamö: ia omanenâ e hwân kâû adrem? ia haimemenâ e hwân kâû ehac? hawa, ca hnok Iehova? ke ba ju ke Khong, ke hake inya ke; Khong ae wisa me at ûhomeli; ke ba ju ke at, ke inya thibi.

Jeremia 10:16

E ca helâe jekhoû Jekob: anyin a e at ame op hia; ke Isaraela tribuiny jekhon: Iehova tuhan sabaoth ien.

Deuteronomi 32:31

Anyin ae ca tha ûcû anyidra kic me anyita Kic, Kʼ ame he ta je iwahnaihmiony möta ka ohnathoâ.

Deuteronomi 32:39

Wâ bi walang ang, a inya but ang, Ke ba ke khong unyik: Oge me hlingâ, ke oge me omelö; Oge hia but oâtâ, ke oge me ometo: Ke ba at ae khana he ka hûgûnâ ûnyi hnyi hnyamok.

Deuteronomi 4:35

Adre me omanenâ ûnyi eling köu, me me khanö u thö a Iehova Khong; hake e ke ba ke at.

I. Samuela 2:2

E ba at ae kap helâ me Iehova; Anyin ae ba at bi ke hake thibi u Ke ba kic helâ me Khonguta.