II. Samuela 22:31 - Iaai Bible 1901 (New Caledonia)

³¹ Haba Khong, e ti wisa deny gethen: Adre cubec hofuc ho Iehova; E becidrin hia tavat adre me labageju kâu.

II. Samuela 22:31 ပူးပေါင်းရင်းမြစ်များ

II. Samuela 22:3

E Khongon kicik, oge me he ka labageju kâu; E becik, me faoiny meno hnân omeli nya, me tabök tap ae görany, me hnok hna he ka kec kâu: At ûhomeli nya lö, u je omeli nya ûnyi hnyi ûokonguny.

Nehemia 9:8

ke u je wâ hnyekon ae wisa but hnyi hnyimakâm, me u je ûhihinyköu mē he ka ham kâu hnyei iny at Kanana, me Heth, me Amora, me Perizi, me Jebusi, me Girigasa, he ka ham ka je mâtrâniny, me ohwâdâ hwâm hofuc; anyin a u wisa.

Jobu 34:10

Anyin a wale, ling nya ju, öbun tavat wâhmakhmeto: E so e ûsâkâûö hulo me Khong; Ke hwakecin ae kong me Ataekhanahia.

Salamo 119:140

E kalaöt hmonyin hwâm hofuc; Anyin a wale a hia but athnyabaem hnyok kâu.

Salamo 12:6

Hofuc ae kalaöt je hofuc ho Iehova; Helâ me sileva adre le hnyi meic eû hnyi kânâ Wale adre oseven le.

Salamo 145:17

E wisa Iehova hnyi deny ta je gethen hia, Kʼ ame betenge hnyi anyin ta je huliwa hia.

Salamo 18:30

Ke haba Khong, e wisa deny gethen: Haba hofuc ho Iehova adre me cubec; E thibi bec anyin tavat hia adre me labageju kâu.

Salamo 2:7

Oge me he ka omanenâ hnanyibu: Haingö Iehova könya, ka habe, U thibi nokuk; Oge hnöku u hnyi bong ang.

Salamo 35:2

Hom dö bec, me bec ae gan, Ke todrö ka hadruo nya.

Salamo 84:9

Khong a becihmun lö, bwele but, Me wâ hnyimakan at u je hû.

Salamo 91:4

E ame be ka tubi u ge leûnen, Ke u me he ka lubaduöng hmelen li labenyin: Haba anyin hnathu, me, hnân bec me bec ae gan.

Ta je Vejec 30:5

E kalaöt hia hofuc hwan Khong: E thibi becin tavat adre me labageju kâu.

At Khet 3:14

E khanö nya a haba hna ânyâ hnen Khong ame he ka e nyiele balua: adre me ca he ka bi hanen ka hnyin, ke adre me ca he ka ohia ûnyi hnyin: ke Khong ame ânyâ e me me ot at hnyi hnyimakan.

Daniela 4:34

Ke hwaban je bong, inya Nebukaneza oge me bwele thö goranyai ka hnyi drany, me ame hmetu könya hnyekuk, me oge me haisoi Beönua, ke ogânâ ke ogöranyâ e at ae möt nyiele balua: anyin a nyiele balua anyin musi, ke haba dokhon dokhu ame o but ka hnyi ta je dö hia:

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Mataio 5:48

Anyin a wale hamöbun he ka wisa helâ me iwisainy Kamöbun ethö hnyi drany.

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

Hna Omanenâ 15:3

Ke adre me khumöngö khumöng anyi Mose athnyabainy Khong, ke khumöng minya anyin Arenio, ka habe, E gan hmâ ke hnân lâiâ ânyâm ta je huliwa, Than a Khong Ataekhanahia; e wisa me hnathu dem je gethen, u Tuhan ta je dö.