II. Samuela 22:3 - Iaai Bible 1901 (New Caledonia)

³ E Khongon kicik, oge me he ka labageju kâu; E becik, me faoiny meno hnân omeli nya, me tabök tap ae görany, me hnok hna he ka kec kâu: At ûhomeli nya lö, u je omeli nya ûnyi hnyi ûokonguny.

II. Samuela 22:3 ပူးပေါင်းရင်းမြစ်များ

Genese 15:1

HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

II. Samuela 22:31

Haba Khong, e ti wisa deny gethen: Adre cubec hofuc ho Iehova; E becidrin hia tavat adre me labageju kâu.

II. Samuela 22:47

E möt Iehova; ke so e hnahic ut kicik; E so adre ogöranyâ Khongon kiciny melik:

II. Samuela 22:49

Me hum nya ûnyi ge je iwahnaihmiöny mönya: Eke, u je ogöranyi nya hudrin adre me tot könya: U je omeli nya ge at ame ûokongun.

II. Samuela 22:51

E ame omelö gan hmâ hnân hobi kâu than a ûnyi gan: Me omanenâ ibetengiö ka at e ame hû, Kö Davita me je mâtrâniny nyiele balua.

II. Samuela 23:3

Ame ha Khongu Isaraela, Ame fuc könya kic anyi Isaraela: At ame muso tavat hnyi wisa Ame musi me outen Khong;

Salamo 14:6

Öbun e ohmehma ûhnenamö anyin tavat adre me vec, Anyin a Iehova bi hnen hna lubaduöng.

Salamo 140:1

IEHOVA lö, hûgûnö nya but unyin at ae kong; Tuö nya ju ge at ûokonguny:

Salamo 140:11

Ame ca be at ame ha monu ka tethmâ hnyi hnyei: Kʼ ame he hulo ka hnu at ûokonguny he ka hagutâ e.

Salamo 140:4

Iehova lö, tuö nya ju ge li hnyamen at ae kong; Tuö nya ju ge at ûokonguny: Waleji tavat adre me ûnykûme he ka ötö nya.

Salamo 142:4

Wâ ju hnyi ke keihök a metök, me wâ; anyin ae ba at ae khana inya: E ba but hnyeutök; ke ba at ame ûnykûme hanuk.

Salamo 144:2

At ame betenge gak, ke hnok hnabâ, Anyik tap ae beû gorany, me at ame omeli nya; Becik, me at oge me labageju kâu; At ame hom ûhnyûkongoâ lakeik eû hnyi hmelik.

Salamo 18:2

Iehova thibi kicik, me hnok hnabâ, me at ame omeli nya; Khonguk, kicik ae hmâ, oge me he ka labageju kâu; Becik, me faoiny meno hnân omeli nya, me anyik tap ae beû goranyai.

Salamo 27:5

Anyin a haba hnyi ûen vec e ame he ka ikhölö nya hnyi umen uma menâ: E ame he ka tubi nya hnyi dok ae iyong hnyi umen uma mano; E ame he ka ip nya hon kic.

Salamo 28:7

Iehova tang hwegiök me becik; Haba hnyekuk ame labageju kâu, kʼ ame hadruo nya: Anyin a wale ame ti senyin hnyekuk; Ke oge me he ka ogânâ e ge anyik: khumöng.

Salamo 3:3

Ke haba u, Iehova lö, u thibi bec igigili nya; Ke hmanenangik, me at ame ogöranyâ bok.

Salamo 32:7

U thibi hnok hna lubaduöng; u me he ka tuö nya ge vec; U me he ka igigili nya ge je khumönginy ûhomeli. [Sela.

Salamo 46:1

KHONG thibi hnöta hnabâ me tang hwegiöta, E ûhadruo ae hakekeny hmonyin hnyi vec.

Salamo 46:11

Tha e mota Iehova tuhan sabaoth; Hnöta hnabâ Khongu Jekob. [Sela.

Salamo 46:2

Anyin a wale ate me ca he ka ot, eja ke ne adre ne okebongonâ hmeledrany, Me hom je bucen ka hnyi wanben je köiö;

Salamo 46:7

Iehova tuhan sabaoth ame laba unyita! Khongu Jekob hnöta hnabâ [Sela.

Salamo 5:12

Anyin a u me he ka ohnahicâ at ae wisa; Iehova lö, u me he ka söng igigilöâ ge ibetengiö helâ me bec.

Salamo 55:9

Than lö, ohiʼ ödra but, ovehwanâ but je bohmödra: Anyin oge hia but wâ ûokonguny me iwatretra hnyi taun.

Salamo 59:16

Ke oge me he ka khumöngö tang hwegiâm; Eke, oge me he ka khumöng ogânâ ânyâm ibetengiö hnyi hnyomakatu: Anyin a u thibi anyik tap ae beû göra-nyai, Me hnok hnabâ hnyi ûen oge me vec hnyin.

Salamo 61:3

Anyin a u thibi hnok hna lubaduöng hnyin, Me hnabâ ae hwege hnyi hnyimakan iwahnaihmiöny.

Salamo 71:7

Iny ûcû me ûnyi hnân lâiâ gan ka tavat ae se hia; Ke u thibi hnok hnabâ ae hwege.

Salamo 72:14

E ame he ka omelo je hanudra ûnyi hnyi hwakecin ûsedö me hna okongoâ; Kʼ ame he ka ûnyi hnathu drödra hnyi hnyimakan:

Salamo 84:11

Anyin a Iehova Khong seûno me bec: Ame he Iehova ka ham betenge me hmanenang: E ame ca he ka behânâ ke ûnyi ae so ge tavat adre me vheno wisa.

Salamo 84:9

Khong a becihmun lö, bwele but, Me wâ hnyimakan at u je hû.

Salamo 86:14

Khong lö, ame tot könya tavat bi gan, Ke ame elâm hanuk hnen ûkhacaköu anyin tavat ûokonguny, Kʼ adre me ca ip u hnyi hnyimaködra.

Salamo 9:10

Ke haba tavat ae khanʼ ödra iâm, me adre me he ka labageju köu; Anyin a haba u, Iehova, u je ca hna degecâ tavat waleji adre me elöm u.

Salamo 9:9

Ame he Iehova ka bi hnabâ hobi kâu tavat adre me sedʼ ödra, Hnabâ hnyi je bonginy vec;

Esodo 15:2

Ja, a tang hwegiök me anyik khumöng, Ke e thibi ûhömelik: Wale thibi e Khonguk, ke oge me he ka haisoâ; Khongu cica, kʼ oge me he ka ogöranyâ.

Ta je Vejec 18:10

Hnabâ ae hwege iö Iehova: Ame kec ka hnyin at ae wisa me laba khötkic.

Ta je Vejec 30:5

E kalaöt hia hofuc hwan Khong: E thibi becin tavat adre me labageju kâu.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 32:2

Ke ame he at ka helâ me hna lubaduöng ge ang, ke nedrong ge weneû; helâ me je di hnyi dok ae hwahwacit, helâ mē dok ae hmenu hnyi kic ae gan hnyi hnyei ae sēnyin.

Isaia 45:21

Haimemenâ thö, ke hakekenyâ thö; eke, e so adre me tha ûhnenamö: ia omanenâ e hwân kâû adrem? ia haimemenâ e hwân kâû ehac? hawa, ca hnok Iehova? ke ba ju ke Khong, ke hake inya ke; Khong ae wisa me at ûhomeli; ke ba ju ke at, ke inya thibi.

Jeremia 16:19

Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Jeremia 16:9

Anyin a walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka bi obiny hnyi dok ang hnyi hnyimaköbun hnyi bongubun ta je bong hwan senyin me hwan hobâ, me hwan li at ödre tep faipoipo.

Luka 1:47

Kʼ ame hobâ hanuk ka Khong At a omeli nya.

Luka 1:69

Kʼ ame otilâ thö faoiny ûhomeli hobi köta Hnyi lap anyi Davita a athnyabainy:

Luka 1:71

Ame he ka omeli ota ûnyi hnyi je iwahnaihmiony möta, ke ûnyi hnyi hnyamödra hia adre me hûköti ota;

Deuteronomi 32:37

Ke e ame he ka ha, ka habe, Ewa je khongudrin, A kic waleji ödrin e labageju kâu;

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

Deuteronomi 33:29

Isaraela lö, u hnahic; Ewa at ae tha ûcû möu, a hnyei Iehova ame omelö; E beciny ûhadruo u, Ke wale hele vatiny ânyâm so! Kʼ ame he je iwahnaihmiony möu ka nom ju köu; Ke u me he ka uto anyidra je dok ae görany.

Tito 3:4

Ke ame manen dut hwakecin ae betenge anyin Khong At ame omeli öta, me anyin ibetengiö ka tavat,

Tito 3:6

waleji e ame hingâlâ gânâ köta ga Iesu Keriso At a omeli öta;

Heberu 2:13

Wale hmetu ang, ka habe, Oge me be ka labageju kâu. Ke walang khaca, ka habe, Ō nya bi ang me lakon a ham könya Khong.

I. Samuela 2:1

KE haba Hana ame hic me ha, ka habe, Ame senyin hnyekuk ga Iehova, Ame ogöranyâ anyik faoiny meno unyi Iehova: Adre ogânâ hnyimök hon je iwahnaihmiony mönya; Anyin a oge hobâ ûhomeli ûnyi gam.

I. Samuela 2:2

E ba at ae kap helâ me Iehova; Anyin ae ba at bi ke hake thibi u Ke ba kic helâ me Khonguta.