II. Samuela 22:28 - Iaai Bible 1901 (New Caledonia)

²⁸ Ke u me he ka omelö tavat adre me oevcâ: Ke u me he ka wâ tavat ae bi gan, mʼ u me he ka ohnyikânâi ödrin ju.

II. Samuela 22:28 ပူးပေါင်းရင်းမြစ်များ

Salamo 12:5

Can adre okongoâ tavat vec, can mâng anyin tavat ae theduoc, Oge me he ka todrâ walang ang, baingö Iehova; Oge me he ka ip wia at wale adre me tûâ.

Salamo 131:1

IEHOVA lö, e ca bi gan hnyekuk, kʼ ame ca hop li emakök; Ke oge me ca vheno ta je ûnyi ae gan hmâ, Me ta je ûnyi ae iyong huk.

Salamo 138:6

Eja ke ne a ne gorany Iehova, e ame he ka wâ tavat ae hnyikânâ: Ke e ame wâhmakhmetoâ tavat bi gan hnyi dok ae sâkâû.

Salamo 140:12

E khauö nya but a gʼ ame he Iehova ka ânyâ wisa ka at ae vec, Me owisa ka at ae theduoc.

Esodo 10:3

Ke haba Mose me Arona ödru me he kö Farao, me ha kâu, ka habe, Walang hna ha hnö Iehova Khongon at Heberu, ka habe, Ke ne o but kehö u ma he ka höcö öûhnyûkongi u hnyi hnyimakök? hna but lakeik mʼ adre me he ka bi athnyaba könya.

Esodo 18:11

E khanö nya walang ang ae gan hmâ Iehova hon ta je khong hia: eke e beönua hudrin hnyi ûnyi ödrin e bi gânâ.

Ta je Vejec 21:4

Haba begörany ke hnyok bi gan, Wale lamepa anyin tavat ae monu, me hwakecin ling ae kong.

Isaia 2:17

Ke adre me he ka hom ûhnyûkongo tavat adre me begörany, kʼ adre me he ka ohnyikânâ tavat ae bi gan: ke adre me he ka oganö Iehova thibi hnyi bong e.

Isaia 37:23

U je haikongoâ me bi gan kö ia? u je hongot goranyai kö ia ge hwâm hofuc me bi gan ge li emâkâm? wale ka Kabi Isaraela.

Isaia 5:15

Ke ame nom ju hoûmonu, ke adre me hom hnyikânâi je taben, kʼ adre me ohnyikânâ li emakan at ae begörany:

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Mataio 5:3

Hnahic hnen tavat ae theduoc hanudrin, anyin a hobi kodra dökhu dokhon drany.

Luka 14:11

Anyin adre me he ka oûhnyûkongoâ at ame ogânâ e bi; kʼ adre me he ka ogânâ at ame ka oûhnyûkongoâ e bi.