II. Samuela 22:1 - Iaai Bible 1901 (New Caledonia)

¹ KE Davita ame ha kö Iehova je hofuciny khumöng ang hnyi bong Iehova ame omelö e ûnyi hnyi hnyamen je iwahnaihmiony mē hia, me ûnyi hnyi hnyamö Saulo:

II. Samuela 22:1 ပူးပေါင်းရင်းမြစ်များ

II. Samuela 12:7

Haba Nathana ame ha kö Davita, ka habe, U at eling, Walang hna ha hnö Iehova, Khongu Isaraela, ka habe, Oge hû u hnân thaniny Isaraela, ke oge omeli u ûnyi hnyi hnyamö Saulo;

II. Samuela 22:49

Me hum nya ûnyi ge je iwahnaihmiöny mönya: Eke, u je ogöranyi nya hudrin adre me tot könya: U je omeli nya ge at ame ûokongun.

I. Man Ûlabainy Je Than. 16:7

Ke haba hnyi bong eling Davita ame ibi otilö Asafa me je liamekeiny mē he ka ole kö Iehova.

Salamo 34:19

E se hia ta je vec anyin at ae wisa: Ke Iehova ame omelo e ûnyi hnyi ta je ûnyi hia.

Salamo 50:14

Hudo thö ole ka Khong; Ke ham but ka Beönua hnâm je hna khemanyin:

Esodo 15:1

KE haba Mose me lakon Isaraela adre me tha khumöngö khumöng eang, ka habe, Oge me he ka khumöng kö Iehova anyin a e ame ti hom dökhu: A hia but khûâ hos me at ame tabâ ka hnyi köiö.

II. Korinito 1:10

wale at ame omeli öhmun ûnyi hnyi mok ae gan helâe, kʼ ame he bi ka omeli öhmun: ke öhmun e geju kâu a gʼ ame be bala ka omeli öhmun;

Deuteronomi 31:30

Ke Mose ame ha hnyi je hnyikonyen ûkhacaköu hia anyin at Isaraela, hofucin khumöng ang, ke ne o but ame um dö.

II. Timoteo 4:18

Ke ame he Than ka omeli nya ûnyi hnyi ta je huliwa hia thithö ae kong, ke e ame he ka omeli nya ke ne o but ka hnyi dokhon dokhu ethö hnyi drany: e so adre me ogânâ e nyiele nyiele balua. Amen.

Owisa 5:1

ME haba Debora me Baraka nöku Abinoam, ödru me khumöng hnyi bong eling, ka habe,

I. Samuela 23:14

Ke haba Davita ame laba hnyi hnyebuba hnyi je hnabâ, me laba hnyi hnyei ae hut hnyi hnyebuba Zif. Ke Saulo ame elâm e hnyi je bong, ke Khong ame ca hna e kâu.

I. Samuela 24:15

Ke hamö Iehova he ka ûhnö me owisa kötu, me wâ, me ivinö hobi könya, me hnö nya ûnyi hnyi hnyamâm.

I. Samuela 25:29

Eja ke ne a ne hia but tot at he ka hnu u, me elâm he ka hlingö u, ke so bi adre me he ka tha lan hanom hnyi bwiny möt unyi Iehova Khongom; ke haba hanon je iwahnaihmiöny mou e ame he ka kûlûâ degecâ, helâ ke ûheny hnyi hnyimen koloû.

I. Samuela 26:24

Ke wâ bi, adre me oûnyihnathoâ ânyâm möt eja ûnyi gak, anyin a wale e so ame he Iehova ka oûnyihnathoâ anyik möt, me so e ame omeli nya ûnyi hnyi ta je vec hia thithö.

I. Samuela 27:1

KE haingö Davita hnyi hnyekon, ka habe, Oge me he ka mok hnyi ke bong ge hnyamö Saulo: khaca thibi ûnyi ae so könya oge me he ka ie kec ka hnyi hnyei iny at Filisiti; me ame he ka hia hna gejon hnö Saulo he ka elöm nya hmetu hnyi je hnyigöulen Isaraela: me oge me he ka kec möt helâe ge hnyamen.