II. Samuela 21:9 - Iaai Bible 1901 (New Caledonia)

⁹ ke e ame ham ödrin ka hnyi hnyamen at Gibeona, ke ödrin e uhni ödrin hnyi bucen hnyi hnyimakö Iehova, ke ödrin a tha ta hia but a ödrin seven ke adre hlingʼ ödrin hnyi ûen ibi hwân menu, hnyi hna hwân dö meno bali.

II. Samuela 21:9 ပူးပေါင်းရင်းမြစ်များ

II. Samuela 21:6

ame he ka ham kohmun seven lakon obaga me ohmun e he ka uhni ödrin hobi kö Iehova hnyi Gibea i Saulo, wale hnö Iehova hna ûca. Ke haingen than, ka habe, Oge me he ka ham ödrin.

II. Samuela 6:17

Ke ödrin e odilâ tang tangö Iehova, me ip e hnyi hnen hnyi wanben uma mano wale ame otilâ Davita hobi kâu: ke Davita amo hudo je hudiny leû me je hudiny ole hnyi hnyimakö Iehova.

II. Samuela 6:21

Ke haingö Davita kö Mikala, ka habe, Wale hnyi hnyimakö Iehova at ame ûco nya hon kâmâm me anyin lap hia, he ka otilö nya hnân taben tavat anyi Iehova, a Isaraela: wale me inye he ka khumöng dö hnyi hnyimakö Iehova.

Esodo 20:5

u ca he ka khudrung ju ködra me bi athnyabaidra: anyin a inya Iehova Khongom, Khong ame ciâ, at ame bi hwaban monu anyin je kamen ka ta je mâtrân ke ne o but dö a kuniny me dö a vakiny adre me hûkötiö nya;

Esodo 9:31

Ke adre kot lino me bali: anyin ame wa bali, me vhong ut lino.

Esodo 9:32

Ke adre ca kot hwit me kesem anyin a tiga ca kû.

Numera 25:4

Ke haba Iehova ame ha kö Mose, ka habe, Hom dö je taben tavat hia, me uhno döi ödrin hnyi hnyimakö Iehova, me me hmetu je hmönyin ae gan anyi Iehova ûheny unyi at Isaraela.

Deuteronomi 21:22

Ke ame ne he ke at ka ânyâ hulö ae ûcû he ka mok gan, ke adre me hlingâ, me u me he ka uhno e hon ûö:

Rutha 1:22

Me ame tha hmetu Naomi me Rutha a ûngon, wale at Moaba, at a hmetu ûheny hnyi hnyei iny at Moaba: ke ödru me o but hnyi Bethe-leema hnyi ûen adre hwân he ka meno bali.

I. Samuela 15:33

Ke Samuela ame ha, ka habe, Hnen ânyâm hele vat hna öba nokon je momo, helâe adre me he ka öba nokon hinyâm unyin je momo. Ke Samuela ame susubö Agaga hnyi hnyimakö Iehova hnyi Gilegala.