II. Samuela 21:6 - Iaai Bible 1901 (New Caledonia)

⁶ ame he ka ham kohmun seven lakon obaga me ohmun e he ka uhni ödrin hobi kö Iehova hnyi Gibea i Saulo, wale hnö Iehova hna ûca. Ke haingen than, ka habe, Oge me he ka ham ödrin.

II. Samuela 21:6 ပူးပေါင်းရင်းမြစ်များ

Genese 40:19

ke tiga ca um kun ta bong ame he Farao ka ogörânyâ bâm ûnyi hnyi unyâm, me uhni u hnyi ûö; kʼ ame he ka an unyâm hnen ta je meno ame gâ.

Genese 40:22

ke e ame uhno taben tavat bi han, helâ me hnö Josefa hna ha bongon ködru.

II. Samuela 17:23

Ke a wâ but Ahithofela a gʼ adre ca ânyâ hoton hnen hna ha, me e ame ip taben hon haleny asina, me todrö, me he ka hnyi umen uma, hnyi anyin taan me hûna ka anyin lap, me hnok; me e ame mokcu, me adre me konâm e hnyi erkemok anyin kamen.

II. Samuela 18:10

Haba ke at ame wâ, me ame thumetu Joab me ha, ka habe, Wâ bi oge ö Abasoloma ame uhni hnyi iwajo.

II. Samuela 19:28

Anyin a helâ ke je komok ödrin hia hnyi lap anyi cica hnyi hnyimakan than a tuhok: ke so bi u je ip nya athnyabaem unyidrin tavat ödrin e han hnyi ânyâm lanlau. Ke hawa, iny ûcû hmetu he ka tenge ka than?

I. Man Ûlabainy Je Than. 12:3

Ahiezera at a bân, ke Joasa a loiny, a li laku Sema at Gibea; me Jeziela, me Pelet, li laku Azemaveth; me Beraka, me Jehu at Anathoth;

Ezera 6:11

Ke oge me hia but hûna minya, a haba tavat hia thithö adre me he ka wia hofuc ang, adre me he ka oc ut ke uto ûnyi hnyi umen uma, me adre me he ka ogöranyâ e me ca e hon; me ame he umen uma ka hnân hna digic thatûnyi can e:

Esetera 9:10

je laku Hamana, noku Hamedatha, iwahnaihmiony me at Juda, ödrin ten, adre hlingâ; ke so bi ödrin e ca söh bi anyidrin ta je ûnyi.

Mataio 27:5

Me e ame degec je mone hnyin uma kap, me he but; me e ame he but me hnok.

Ta je huliwa 13:21

Ke hwaban e, adre me sumâtâ than: me baba Khong ame ham kodra Saulo a nöku Kiso, aten tribu Beniamina hnyi je huna a fâte.

Deuteronomi 21:22

Ke ame ne he ke at ka ânyâ hulö ae ûcû he ka mok gan, ke adre me hlingâ, me u me he ka uhno e hon ûö:

Josua 10:26

Ke hwaban e Josua ame kuc ödrin me hlingʼ ödrin, me uhni ödrin hon je ûö a thabûng: me ödrin e uhni hon je ûö ke ne o but sahac.

Josua 8:29

Ke e ame uhno thaniny Ai hon ûö ke ne o but hnyi sahac: ke hnyi ûen ame didrut seûno Josua ame ûkhûnöng he ka hom but hnyikânâi unyin ûnyi hnyi ûö, me khûâ e hnyi homagouleny taun, me khon veten hon e ae gan hmâ, ke ne o but hnyi bong ang.

I. Samuela 10:1

ME wale Samuela ame hom tap wakaco me hingâlâ hon ban, me ûcimhnyimak mē, me ha, ka habe, Hawa, ca anyin a Iehova ame hû u me hnân taben jekhon?

I. Samuela 10:24

Ke hâhâ Samuela ame ha ka tavat hia, ka habe, Wâ ju e, wale a ûca Iehova, anyin ae ba at helâ mē unyin tavat hia thithö. Me ame hongot tavat hia, me tha ha, ka habe, Khong lö omelö than.

I. Samuela 10:26

Ke Saulo ame he minya ka hnyi hnyaban hnyi Gibea; ke ame tha he mē tavat a kâlâ Khong je hnyekudrin.

I. Samuela 11:4

Me ame o je metâ hnyi Gibea i Saulo me thumeto tavat ge ta je hofuc eling: me ame tenge gan hmâ tavat hia.

I. Samuela 24:21

Ke walang ang, khemanyin dö könya ga Iehova a u me ca he ka subâ degecâ je mâtrânik hwabök, me ca he ka ohia iök ûnyi hnyi lap anyi cica.

I. Samuela 24:22

Ke Davita ame khemanyin kö Saulo. Ke Saulo ame he ka hnyi hnyaban, ke haba Davita me lahien ödrin e ölö hmetu ka hnyi hnabâ.