II. Samuela 21:17 - Iaai Bible 1901 (New Caledonia)

¹⁷ Ke haba Abisai nöku Zeruia ame hom hadruâ, me kot e, me hlingâ at Filisiti. Ke haba lakei Davita ödrin e khemanyin kâu, ka habe, U me ca he hmetu he ka tha he möhmun ka vat, wâ e nye omoko lamepainy Isaraela.

II. Samuela 21:17 ပူးပေါင်းရင်းမြစ်များ

II. Samuela 14:7

Ke wâ bi, ame tha todrö lap hia könya athnyabaem, ke haingödrin dö, ka habe, Hna but at a hlingâ liamekeiny mē, mʼ öhmun e he ka hlingâ e can möt anyin liamekeiny mē, waleji e ame hlingâ, me ohia minya helâe at ame he ka tren ta je omjeû u ka mok bi: he haba helâe me ödrin e he ka omoko walep a kolon unyik, me me ba but ien me kolon ka öiök eang hmeledrany.

II. Samuela 18:2

Ke Davita ame khenâ kunâ tavat, haba ke keihen a kuniny hmelen hnyamö Joab, ke ke keihen a kuniny hmelen hnyamö Abisai nöku Zeruia liamekeiny me Joab, ke keihen a kuniny hmelen hnyamö Itai at Gatha. Me haingen than, ka habe, haba inya oge me he ka tha he möbun minya.

II. Samuela 18:3

Ke haingen tavat, ka habe, U me ca he ka hnyi he: anyin ohmun e ne kec gadrin me ödrin e ca he ka oûnihnathu ohmun; ke ame ne mokcu ke keihen a haf gahmun, me ödrin e ca he ka oûnyihnathu ohmun: ke u ûcû me ten thauzan gahmun: anyin a wale e so u me penapena he ka hadruʼ ohmun ûnyi hnyi taun.

II. Samuela 22:19

Adre me o könya hnyi bonginy anyik vec: Ke Iehova cik.

II. Samuela 22:29

Anyin a u, Iehova lö, anyik lamepa: Ke ame he Iehova ka omelamâ anyik menekholom.

I. Je Than 11:36

Ke khaca tribu oge me he ka ham ka nokon, me me hu ga Davita athnyabaik nyiele balua lamepa hnyi hnyimakök hnyi Jerusalema, taun oge ûca hobi könya bi he ka ip eling iök.

I. Je Than 15:4

Ke so bi haba Iehova Khongon ame ham kâû lamepa hnyi Jerusalema, ga Davita, he ka otilâ nokon hwaban, me he ka otilâ hmâ Jerusalema:

Salamo 132:17

Oge me he ka vhong eling faoiny meno anyi Davita: Oge hia but penapena lamepa hobi kâu hnok hna hû.

Salamo 144:10

E thibi at ame ham möt ka ta je than: At ame omeli Davita a athnyabainy ûnyi hnyi hele vat hnân mekiny.

Salamo 46:1

KHONG thibi hnöta hnabâ me tang hwegiöta, E ûhadruo ae hakekeny hmonyin hnyi vec.

Jeremia 40:15

Me haba Johanana nöku Karea ame ha duöngâ kö Gedalia hnyi Mizepa, ka habe, Ö u më hnö nya but, me oge me he ka hlingö Isamaela nöku Nethania, ke ba at ame he ka wâ: can ieû e ame he ka hlingö u? ke ame he ka vese but at Juda tavat adre me ûkhacaköu köu, me ame he ka hia je kolon at Juda?

Ioane 5:35

E thibi lamepa ame ubâhlâ me umumelam: ke e webun he ka senyin ge iumumelaminy hnyi ke ûen.