II. Samuela 21:12 - Iaai Bible 1901 (New Caledonia)

¹² Ke habe Davita ame he me hom je jeiö Saulo me je jeiö Jonathana a nokon unyin at Jabesi-gileada, tavat adre venâu e ûnyi hnyi gethen hnyi Bethe-san, wale hnen at Filisiti hna uhno hnyin, hnyi ûen at Filisiti ödrin e hlingö Saulo hnyi Gibeboa:

II. Samuela 21:12 ပူးပေါင်းရင်းမြစ်များ

II. Samuela 1:21

E, öbun je bucen hnyi Gileboa, E so ame ca ta hubun dân hau me we, ke ba je utkânâ hnân hut: Anyin adre degecâ eling becin at ae hwege me me kong ut, Bec anyi Saulo, helâke adre ca hû ge wakaco.

II. Samuela 1:6

Me ame ha hidröu at ame thumeto e, ka habe, Inya o ge me he hon bucen Gileboa, ke wâ bi, Saulo ame tot inyifâlâ dân ö; ke wâ bi, je kariota me tavat tabö hors adre me hnu hwegiâ e.

II. Samuela 2:4

Me ame o hnyat Juda, ke ödrin e hû Davita eling hnân than hon lap anyin at Juda. Ke adre me thumetu Davita, ka habe, Haba hnyat a konim Saulo ödrin hnyat Jabesi-gileada.

II. Samuela 21:11

Ke adre me thumetu Davita wale ge hna ânyâ hnö Rizepa momo nöku Aia, wale momo anyi Saulo.

II. Samuela 21:13

ke e ame hom ûheny e je jeiö Saulo me je jeiö Jonathana a nokon; ke ödrin e ûkhöûnâ je jeiödrin adre uhno.

I. Man Ûlabainy Je Than. 10:1

KE haba at Filisite ödrin e vat me at Isaraela: me ame kec at Isaraela ge at Filisiti, kʼ ame ta hnyat adre hlingâ hnyi bucen Gileboa.

I. Man Ûlabainy Je Than. 10:12

me ame todrö tavat hwege hia me hom unyi Saulo, me unyin je lakon, me hom Jabese ai, me konâm je jeiö-drin hmelen iwajo hnyi Jabesi, kʼ ödrin e ca han hnyi seven je bong.

I. Man Ûlabainy Je Than. 10:8

Ke haba nyi me ame o at Filisiti he ka uny je ûkhaûen je komok, me ödrin e ō Saulo me lakon ödrin e ta but hnyi bucen Gileboa.

Josua 17:11

Ke e hu ga Manase hnyi Isakara me Asera, Betheseana me je tauniny, me Ibeleama me je tauniny, me aten Dora me je tauniny, me aten En-dora me je tauniny, me aten Tanaka me je tauniny, me aten Megido me je tauniny, wale je dok ae hut.

I. Samuela 28:4

Ke haba, at Filisiti ödrin e ûkhacaköu me he me hunuma hnyi Sunema: ke Saulo ame ukhacaköuâ at Isaraela hia me hunuma hnyi Gileboa.

I. Samuela 31:1

KE haba at Filisiti adre me vat me Isaraela: me ame kec bi at Isaraela ge at Filisiti, me ta mok hnyi bucen Gileboa.

I. Samuela 31:3

Ke hwege vat kö Saulo, ke ame khâu e ge tavat fana; kʼ ame ohmakâ gan hmâ e ge tavat fana.

I. Samuela 31:4

Me Saulo ame ba ka at ame hom tilâ anyin ta je ûnyi vat, ka habe, Oc ut ânyâm hele vat me dâoi nya kâu; wâ e nye o but tavat adre ca peritomonâ me dâoi nya, me okongu nya. Ke ame höcö at ame hom tilâ anyin je ûnyi vat; anyin ae gan hmâ anyin ot. Me haba Saulo ame hom hele vat me hamen ta takoû e.