II. Samuela 2:32 - Iaai Bible 1901 (New Caledonia)

³² Ke ödrin e hum Asael me konâm e hnyi erkemok anyin kamen, wale hnyi Bethe-leema. Ke haba Joab me lahien ödrin e vheno lit hia, ke a lany dö ködrin hnyi Heberona.

II. Samuela 2:32 ပူးပေါင်းရင်းမြစ်များ

Genese 47:29

Ke hakekeny jut ûen ame he Isaraela ka mok; ke e ame baö Josefa e nokon, me hûna kâu, ka habe, U je ne betenge gak, ö u inâ ju hnyamâm hmelen jevak, me ânyâ ûnyi ae so me hnathu könya; u na ca he ju ka könim nya eang Aigupito:

Genese 47:30

ke iny ka tha mokut me lakamök u ma he ka sam nya ûheny ang Aigupito, me könim nya hnyi anyidrin hna khön komok. Ke e ame ha, ka habe, Oge me he ka ânyâ helâ me hwâm hofuc.

II. Samuela 2:31

Ke haba lakei Davita ödrin e hia but kot at Beniamina me lahiö Abinera, a theri haded ke sikste je komok.

II. Samuela 5:1

KE ame he je tribu Isaraela hia kö Davita hnyi Heberona, me ha, ka habe, Wâ bi ohmun ang je jeiâm me utiöiâm.

II. Man Ûlabainy Je Than. 16:14

Me adre me konâm hnyi anyin hing erkemok waleji e ame hia but thu hnân hobi kâu e bi hnyi taun anyi Davita, me ip ju e hnyi hnen hna mokut dok adre öunongöta ge basama, me ke je ûnyi adre me ûhaniken hoton metâiny at ame huliwan je bubuny ke gan hmâ hnödra hna leû utö ae bo so hobi kâu.

II. Man Ûlabainy Je Than. 21:1

KE ame mokut ut Jehosafata tha e me lakamen, me adre me konâm e unyin lakamen hnyi taun anyi Davita: kʼ ame than biju Jorama a nokon hwaban.

Ta je Vejec 22:29

U je wâ but at ame ânyâ logotâ anyin huliwa? awe, e ame he ka tot hnyi hnyimakan je than; E ame ca he bi ka tot hnyi hnyimakan hoûmonu.

Owisa 8:32

Ke ame mokcu Gideona, nöku Joasa ke ti hingat ut, me adre me konâm e hnyi hu Joasa a kamen hnyi Ofera iny at Abiezera.

I. Samuela 17:58

Ke haingö Saulo kâu, ka habe, Hidröu lö, u nöku ia? Me Davita ame thu, ka habe, Inya nöku Jese a athnyabaem at Betheleema.