II. Samuela 2:26 - Iaai Bible 1901 (New Caledonia)

²⁶ Haba Abinera ame hongot kö Joab me ha, ka habe, Hawa, ame he ka han bala hele vat? u me ca wâ a gʼ ame he ka hiny hnyi obiny? ke ie ûen u me he ka ha ka tavat he ka hmetu ûheny hnyi hna hnu je liamekeiny mödrin?

II. Samuela 2:26 ပူးပေါင်းရင်းမြစ်များ

II. Samuela 11:25

Me Davita ame ha ka ûthumetu, ka habe, U me he ka thu kö Joab, ka habe, U me ca he ka vec ûnyi hnyi ûnyi e, anyin a haba hele vat ame han monu: hwege thö ânyâm vat ka hnyi taun, me kot: ke u me he ka sihwegiâ.

II. Samuela 2:14

Ke Abinera ame ha kö Joab, ka habe, Me todrö wahi-dröu me walak hnyi hnyimakötin. Me haingö Joab, ka habe, E so ödrin e tot.

II. Samuela 2:16

Ke ödrin e ve ûkâtköuâ je bodrin, me ve ûinâköuâ anyidrin je hele vat hnyi je vhaködrin; me ödrin e tha ta ju: anyin a wale adre me hwenyi ien dok e, me, Helekath-huzurim, wale Gibeona.

II. Samuela 2:25

Ke ame ûkhacaköu lakon Beniamina hotu Abinera, me me khaca hmetu thö vat, me tot hon ke dok ae hut.

II. Samuela 2:27

Ke haingö Joab, ka habe, Kia inya Khong, ke u je ne ca fuc me ame ne he ka hmetu nyi tavat ûheny hnyi hna hnu je liamekeiny mödrin.

Jobu 18:2

Ke ne o but kehö Öbun e he ka laba ip je hnewe hnân hofuc? Mö ûnykûme ju, ke hwaban e ohmun e he ka fuc.

Jobu 19:2

Ke ne o but kehö öbun e he ka ovecâ hnyekuk, Me thu omomonu nya ge je hofuc?

Salamo 4:2

Lakon at lö, öbun e he ka wia soik me me hnân hmehmâ ke ne o but kehö? Kʼ öbun e he ka hnyokâ ûnyi ae ûnyi baû, me elâm thoi, ke ne o but kehö! [Sela

Ta je Vejec 17:14

Haba hwân iwatretra, me helâ me adre si deny köiö: Anyin a wale degec ut ivino, ka tiga ca kû wathethot.

Isaia 1:20

ke öbun e ne höcö ke ûkhin fuc, me adre me he ka ön öbun ge hele vat: anyin a hia but ha ge hnyimö Iehova.

Jeremia 12:12

Ame he but tavat sei hon je dok hia ae gorany hnyi hnyebuba: anyin a hele vat anyi Iehova ame han, hwân hnyi ke obiny hnyei ke ne o but hnyi ke obiny, ke ba bi hnahic ka ke at.

Jeremia 2:30

Oge kot je lakubun ke ûnyi baû bi; adre me ca kap hna nʼ ödra; hnen anyibun hele vat hna an anyibun je perofeta, helâ me liona at ame ohia.

Jeremia 4:21

Oge me he ka wâ boûdila ke ne o but kehö, me long ifucin trutru?

Jeremia 46:10

Anyin a bong bongon Than Iehova tuhan sabaoth bong eling, a bong bi hwaban, he ka bi hwaban ka je iwahnaihmiony më: ke ame he hele vat ka an, me sekon, ke ijem drödra me me sekon: anyin ae hu hut ka Than Iehova tuhan sabaoth hnyi hnyei hnyi hwadro hnyi wagewe Euferate.

Jeremia 46:14

Haimemenâ thö hnyi Aigupito, ke omanenâ thö hnyi Migedola, ke omanenâ thö hnyi Nofi me Tapenesi; ha thʼ öbun, ka habe, Todrö, penapena thö; anyin ame an igigili u hnen hele vat.

Hosea 11:6

Me ame he ka nyikâ hele vat hnyi anyin je taun, me ohia je venyâiny, me ön ödra, can hnödra je hna ûhnenamö.

Ta je huliwa 7:26

Nyi e ame o ka li at ödru me ûkûc, me e ame thawʼ ödru me me soju, haingen, ka habe, Ke lin lö, öbu liamekeiny, ieû gabu, öbu me ûokongu öbu köu.