II. Samuela 19:9 - Iaai Bible 1901 (New Caledonia)

⁹ Ke ame labö iwatretra tavat hia thithö hnyi je tribu Isaraela, hia, ke haingödrio, ka habe, Than ame omeli ota ûnyi ge je iwahnaihmiony möta, ke e ame omeli ota ûnyi ge at Filisiti; ke walang e ame kec ge hnyei ca Abasoloma.

II. Samuela 19:9 ပူးပေါင်းရင်းမြစ်များ

II. Samuela 15:14

Haba Davita ame ha ka lathnyabainy hia unyin hnyi Jerusalema, ka habe, Todrö, otin e kec, wâ e nye ca kec möt ke at gatin ûnyi ga Abasoloma: logotö, mʼ otin e he, wâ e nye hom tilʼ otin logot, me me oâ unyi ae kong kötin, me kot taun ge hele vat.

II. Samuela 18:17

Ke ödrin e hum Abasoloma me khûâ ka hnyi thop ae gan hnyi hnyot, me ti khon gânâ je veto hon: ke Isaraela hia ödrin e ve kec ka hnyi umödrin je uma mano.

II. Samuela 19:10

Ke a mokcu hnyi vat Abasoloma, at otin e hû. Ke ieû gabun öbun e laba hnyibû he ka ohmeto than?

II. Samuela 19:40

Me haba than ame he hanyâûâ Gilegala ai, ke Kimeama ame tha he mē: ke ame su than ge at Juda hia thithö, me hafiny at Isaraela.

II. Samuela 22:44

Ke u je hia but omeli nya ûnyi hnyi je iwatretra anyin ik hnyei; U je tuö nya mʼ inye ban ta je hnyei bi: Ame he ka bi athnyabaik hnyei ae ca khanö nya.

II. Samuela 5:20

Ke ame o but Davita hnyi Baala-farez, ke Davita ame kuc ödrin eling: me e ame ha, ka habe, A hia but Iehova ohmetro je iwahnaihmiony mönya hnyi hnyimakök, helâ me ûkhutuiny köiö. Anyin a wale e ame hwenyi ien dok eling me Baala-farez.

Salamo 18:43

U je omeli nya ûnyi hnyi je iwatretra anyin tavat; U je wiö nya me hnân ban ta je hnyei: Ame he ka bi athnyabaik tavat ae ca khanö nya.

Esodo 32:24

Ke haingök ködra, ka habe, Ame he tavat tren gol ka uny jut; me adre me ham könya, me oge me khûâ ka hnyi meic, me a o but nokon kau eang.

I. Samuela 17:50

Me e hwege Davita hon at Filisiti ge koloû me veto, me kot at Filisiti me hlingâ e; ke ba hele vat hnyi hnyamö Davita.

I. Samuela 18:25

Me haingö Saulo, ka habe, Öbun e he ka ha helâng kö Davita, ha habe, E ca weny bi than sâniny hlu, ke so bi, khaca haded je unen unyin at Filisiti, me me bi hwaban je iwahnaihmiöny me than. Anyin a haba Saulo ame ûnykûme he ka kuc Davita ge hnyamen at Filisiti.

I. Samuela 19:5

ke e ame ip anyin möt hnyi hnyamen, me hlingâ at Filisiti, me Iehova ame omelö gan hmâ Isaraela hia thithö: u je wâ e, me senyin: ke anyin a ieû u me he ka kong ka dra ae ba hnyikongon, he ka hlingö Davita ke ba can?