II. Samuela 18:5 - Iaai Bible 1901 (New Caledonia)

⁵ Ke haba than ame hûna kö Joab, me Abisai, me Itai, ka habe, Ö öbun e menyik ka hidröu jia Abasoloma, can bi inya. Ke a long ut tavat hia hnyi ûen than ame hûna ka je taben hia ga Abasoloma.

II. Samuela 18:5 ပူးပေါင်းရင်းမြစ်များ

II. Samuela 16:11

Ke Davita ame ha kö Abisai, me lathnyabainy hia, ka habe, Wâ bi, e bekuc nya nökuk, at a o ûnyi hnyi hnyekuk; me hawa, ame ca he at Beniamina eang ka ânyâ helâe? hna but e, hamen he ka ûhangö thö, anyin a Iehova ame kunâ e.

II. Samuela 17:14

Me ame ha Abasoloma me at Isaraela hia, ka habe, E beönua hofuc ho Husai at Areki hon hofuc ho Ahithofela. Anyin a Iehova ame muso he ka ohavâ hofuc ae so ho Ahithofela, me me he Iehova ka oâ ûnyi ae kong kö Abasoloma.

II. Samuela 18:12

Haba at ame ha kö Joab, ka habe, Eja ke ne adre ne ham ka hnyi hnyamok khaca thauzan je sileva, me oge me ca he ka inâ hnyamok ka nokon than: anyin a haba hnyi hnöhmun hna long, than ame hûna köu, me Abisai, me Itai, ka habe, Wâ thibi he ka ca kâlâ hidröu, jia Abasoloma, hnen ke at.

II. Samuela 19:1

KE adre me thumetu Joab, ka habe, Wâ bi, than ame tenge thungaû ga Abasoloma.

Salamo 103:13

Iehova ame betenge ge tavat adre me outen e, Helâ me kamen ame betenge ge lakon.

Luka 23:34

Haba Iesu ame ha, ka habe, Cica lö, hnʼ ödra but; anyin ae ca khanʼ ödra hnödra hna mâdrâ. Ke adre me khenâ anyin je ûkhaû me ugleköbâ.