II. Samuela 18:18 - Iaai Bible 1901 (New Caledonia)

¹⁸ Ke e ka tiga möt bi Abasoloma e ame hia but hom me otilâ hobi kâu bi veto ame tot, wale hnyi thop anyin than: anyin a haingen, ka habe, E ba nökuk baga me me oûnykûmeâ iök: ke e ame hwenyi ien e ge ien bi: ke adre me labö ha e, ka habe, hnân ûnykûmi Abasoloma, ke ne o but hnyi bong ang.

II. Samuela 18:18 ပူးပေါင်းရင်းမြစ်များ

Genese 11:4

Ke adre me ha, ka habe, E so ate me otilâ ke taun, me tap ae beû hmâ bân hnyi dranyai, mʼ ate me ölungâ iöta; wâ adre nye ovesei ota hnyi hmeledrany hia.

Genese 11:9

Anyin a wale, adre me hwenyi ien e, Babela; anyin a Iehova ame omonoâ eling hwan hmeledrany hia: ke Iehova ame ovesei odra ûheny e ka hnyi hmeledrany hia.

Genese 14:17

Ke ame he but than Sodoma he ka iouny më, wale a tiga hmetu ûheny hnyi hna kuc Kedalaoma me ta je than unyin, hnyi Save hnyigöulen bucen (wale hnyigöulen bucen anyin than).

II. Samuela 14:27

Ke adre hnokoâ kun ta baga laku Abasoloma, ke khaca hlu, Tamara ien: e momo ae hmanenang.

Salamo 109:13

E so he ka subâ degecâ ta je mâtrâniny; E so he ka kot degecâ iödra hnyi dö a biliny.

Salamo 49:11

Adre me ûnykûme eû hnyi je hnyekudra a gʼ ame he ka tethmâ umödra je uma nyiele balua, Ke je hnyabadra ka hnyi je dö hia; Kʼ adre me hwenyi ien je idra ge iödra bi.

Isaia 22:16

Ieû u je ânyâ eang? ke ie at e unyâm, anyin a u me thu op hnân erkemok? u je thu opiny erkemok ethö hobi kâu, me kave umen bi hnyi kic!

Jeremia 22:30

Walang hna ha hnö Iehova, ka habe, Sihnalimen ju at ang a gʼ ame he ka ba nokon, ke ame ca he ka so bongon je bong: anyin ame ca he ka hnahic ke mâtrâniny, at ame he ka tabâ theron anyi Davita, me musi hmetu hnyi Juda.

Daniela 4:30

Ke haingen than, ka habe, Hawa, ca Babulona ang ae gan, waleji oge me op hnân hnyaban than hnen manik man ae hwege, ke hnân he ka ogânâ anyik hmanenang.

Numera 32:42

Ke haba Noba ame he me hûgûnâ Kenatha me je tauniny, ae ûhnyûkong, me hwenyi ien e Noba hoton ien bi.

I. Samuela 15:12

Ke ame vesâkong Samuela he ka ûkhanö me Saulo hnyi hnyomakatu: ke adre me thumetu Samuela, ka habe, A o thö Saulo hnyi Karemela, ke wâ bi e ame otilâ haten hobi kâu, kʼ ame hwio thö, me he but, me utut Gilegala ai.